WALEWI 16:2 - Bibilia Kui Mdedie fo Kimochi

² Mndumii kawia Mose, “Deda na manomayo Aroni, ke nalaide kiheri kyo kyose na handu haele ipfo isulienyi, oshangunyi lo kidi kya osaṟio, kii huya isanduku, nalashike ipfa; kyamba njechikuloṟa kulya ipuchinyi huya kidi kya osaṟio.

WALEWI 16:2 Iomraidhean Croise

1WAMANGI 6:16

Kiṟiha kya kyamba kelaho handu haele mnu, kilewiko ora lo nduma lo mba, kiwei kiwike na mbau tsa meresi wokia wanda itane kai, na wuleshe wokyo nyi meta (9).

1WAMANGI 8:6

Kyasia wakohanyi wakaende isanduku lya mkundana lya Mndumii-Ruwa, wakaliwika handu halyo kiidi kya mba ya Mndumii-Ruwa alya handu haele ngoseṟa wanda ya makungo ha kerubimu.

2MBONYI TSA MAHERI 5:14

Kiṟumi kya Mndumii-Ruwa kiwekeri kulya ipuchinyi, na ngela iwekeri iwuka kulya ipuchinyi ilewaa mnu, ikatewa wakohanyi walaidime ikaa kulya ihekalunyi na iṟunda maṟunda hawo.

IWUKA 30:10

Nao Aroni nechiwika kisanza huya ndumba tsakyo ili limu ko maka; kui samu ya kidaso kilya kya wunyamari yewika kisanza, limu orio maka nechiwika kisanza, kiidi kya shishari shanu shose; nyi wuele mnu ko Mndumii-Ruwa.

WALEWI 16:13

Kiidima nawike uvumba wulya huya modo oshangunyi lo Mndumii, kundu mtsu fo uvumba wulya fuowishe kidi kya osaṟio kii huye ya wuṟingishi, nalashike ipfa.

WALEWI 16:34

Na iwawasolyi lyechiwa iwawaso lya mlungana kiidi kyanu, kundu muwike kisanza kipfa kya wana wa Israeli kipfa kya manyamaṟo hawo hose, lyimu ko orio maka.” Nao Mose kawuta ado chandu Mndumii alembawasa.

WALEWI 23:27

Mkonu fo ikumi fo merifu fo mfungade nyi mfiri fo kisanza. Mkonufo nyi mfiri fowika kisanzio kiele. Mochikuotoya na ilekia mwano sa fokeinengo Mndumii-Ruwa, kui modo.

WALEWI 8:35

Nanyo mochikaa o mongo fo ihema lyesanzia ko mfiri mfungade mfiri na kio, na iringa wuringi wo Mndumii, mlashike ipfa; kipfa nyi wudo njilewawasio.”

MAITALA 17:10

Mndumii-Ruwa kawia Mose, “Wihiṟia ndichiyo ya Aroni sumhana na isanduku lya mkundana. Yechiiṟichioho, na wuikimbi ko wanduwo wekenunuwa ke kokoya walada inunuwa lyawo, wechipfa.”

MAITALA 18:7

Kyaindi iyo kumonyi na wana wapfo mochiwuta mṟumo yose ya wukohanyi kipfa kya rasionyi na isho shose shii handu haele. Ikyo nyikyo kimuwaṟi, kipfa njimuinengie kiinengo kya ukohanyi. Mnducho oose alawaṟi katikiria shihia sha ihemenyi, nechiwaaho.”

MAITALA 4:19

Kyasia kundu walacheipfa kipfa kya itikiria kufui na shihia shiele mnu; nyi wudi ochiwika: Aroni na wana wake wechiida na mba, na ihawia orio umu kindo echiṟunda.

MAITALA 4:5

“Mndumii kawia Mose kudi. Kiheri kewunduo kambi, Aroni na wana wake wechiida na ipfo ihemenyi, wasotsie wanda isulia lii mbele ya Isanduku lya mkundana, numa walishikie na isulialyo.

MATAYO 27:51

Nalyo ambuya, isulia lilya lyeshingya ipfo hekalunyi likaranduka ipfo makiidi hawi liwuka tsindenyi likapahukya mdonyi. Na wanda ikadedema na maho-ho manene hakapaṟika.

WAEBRANIA 6:19

Lo lulukerye kipfunga mrima kiwangi kitumuhaa kikeri ikuhendya ora lo kya mba ipfo kundu kiṟikishya kilya kiishingya-ho.

WAEBRANIA 9:25

Manya alawehenda-ho kundu nakudambikie amonyi kafoi chando mkohanyi mnene ekehenda hando halya haele orio maka arie samu ilawei yake.

WAEBRANIA 9:3

Indi mbele ya isulya lyeshikya mongo lilya lya kawi kuweei-pfo hema lilya lihambo maele.

WAEBRANIA 9:5

Indi huyalyo kuwewode Wakerubimu wenyi-ngeela weruwya kiaala mhoṟie iria. Kuiho kyededa kyasho kimu kimu wulalupfo.

OTAMBAHALUO LO YOHANE 15:8

Nalyo hekalu likaichuṟo mtsu fuṟukye ipfo wuitoṟinyi wo Ruwa na ipfo wuidimi-hu woke. Kulakae-pfo mndu aleidima ihenda ipfo hekalunyi na itane ngapo tsilya mfungade tsa wasu walya mfungade tsameshika imarisika.