WALEWI 10:3 - Bibilia Kui Mdedie fo Kimochi

³ Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

WALEWI 10:3 Iomraidhean Croise

MAWOOKIONYI 18:25

Manyale, kulawute kudo uwahe mndu mcha handu, hamu na mmbicho, mndu mcha nawe cha mndu mmbicho. Manyale; Moanduya wuyana wose nade alawuta sha wusumhanyi?”

YOBU 2:10

Yobu kahaluo mka oke kambia, “Iyo nyi ukeri ideda cha umu o waka watondo. Luleambia shicha shifoi shiwukie ko Ruwa, kitewe lulehe na ishi shiwicho shiwukie koke nyi ki?” Kiidi kya shindo sho-shose, Yobu alededa wodekio Ruwa-pfo.

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 148:14

Nao naleinenga wandu wake pfinya, na kiṟumi ko waheṟemtsu wake wose, wana wa Israeli, wandu wai kufui nao. Haleluya!

SHIIMBO SHA DAWIDI 39:10

Njiwuta ngapo yapfo; kui nyashi ya owoko lopfo ngasaramya.

SHIIMBO SHA DAWIDI 39:9

Ngatsia, njetambaṟuo dumbu lyakopfo; Kipfa nyi Iyo ulehatana.

SHIIMBO SHA DAWIDI 46:10

Lekenyi, mumanye ke Inyi nyi Ruwa, njechiichiko kiidi kya mkambo ya wandu, njechiichiko wuyanenyi kose.

SHIIMBO SHA DAWIDI 89:7

Ruwa naoweshie mnu mengenyi ya waele, naoweshye kota wose wamtengetie.

SHIIMBO SHA DAWIDI 93:5

Shiṟingishio shapfo nyi lohi nakamu; wuele nyiwo wuwaṟi ipfo mbenyi yapfo, ee wo Mndumii, mlungana na mlungana.

IWUKA 14:17

Na inyi, njechiumiṟa mrima ya Wamisri, nawo wechimuosha waide napfo, na inyi njechikuwonyia, kiṟumi ko Farao, na ko itorito lyake lyose ko makari hake na ko walya wake wekedoya frasi.

IWUKA 14:4

Na inyi njechiumiṟa mrima fo Farao, nao namuoshe numa, inyi njii Mndumii-Ruwa.” Kyasia wakawuta wado.

IWUKA 19:22

Wakohanyi nawo daa, wakatikiria Mndumii-Ruwa, kundu wakuheṟemtse, Mndumii-Ruwa nalashike iwapufukia.

IWUKA 19:24

Mndumii-Ruwa kambia, “Henda, nosoke iyo; na iyo nochido, iyo, na Aroni handu hamu na iyo; kyaindi wakohanyi walya na wandu walapengeluo ichea Mndumii-Ruwa, kundu nalache iwapufukia huyawo.”

IWUKA 30:30

Na iyo nochishimbuo Aroni na wana wake, na iwaheṟemtsa, kundu wanjiṟundie iṟunda lya ukohanyi.

YESAYA 39:8

Naalyo Hezekia kahaluo Yesaya kambia, “Idedo lyi lya Mndumii alelideda nyi licha.” Kake kambia, “Kipfa kochikaa pfo ofoṟo na lohi kiidi kya mkonu yako inyi.”

YESAYA 49:3

Kanjiwia, “Iyo nyi mṟundi oko, Israeli, kiidi kyapfo njechiṟumisho.”

YESAYA 52:11

“Hendenyi konu, hendenyi konu, wukenyi ipfo, mulapaaye kindo kifanyi; wukenyi kiidi kyake; muwe waele nyo mukeri iduo shihia sha Mndumii.

EZEKIELI 20:41

Ngamemaa iwawuta ipfo njorukenyi muweṟaṟanyikie, kiidi kya mkambo fo wandu, njechimuambia, na iwasanyia sanyia, na rina lyako liele lyechihenda irumisho kiidi kya mkambo yo ya wandu.

EZEKIELI 28:22

uwute wuikimbi kipfa kyapfo ke Inyi Mndumii-Ruwa ngahamba njidi: ‘Inyi njihenda ilimbana na iyo Sidoni, njihende ikuloṟiaho mng'ano foko kiidi kyapfo, Ili mandi njechiawutsiaho muanduye yako huye yapfo, njiwekuloṟa wuele woko, nyi lyo mandi ochiwutaho imanya ke Inyi nyi Mndumii-Ruwa.

EZEKIELI 38:16

Ambuya nyi okoyana na Waisraeli uwasokie cha ipuchi huye ya oruka. Kyamba njihenda ikuduma ukape oruka lu loko, nhondo wandu wechiwutaho imanya ke nyi njilekuduma iyo kundu njiloṟe wuele woko oshangunyi lowo.

EZEKIELI 40:46

na kiṟiha ki kiambuye ora lo huye nyi kya wakohanyi walya wekeṟundia rasionyi. Wakohanyi wa nyi walya wa kishari kya Sadoki, iwa nyi kiidi kya wandu wa oshari lo Lewi wawode momu foida oshangunyi lo Mndumii-Ruwa.”

EZEKIELI 42:13

Nalyo mndu ulya kanjiwia, “Shiṟiha shi shose nyi handu haele.” Kiidi kya shiṟihashi wakohanyi wechiida oshangunyi lo Mndumii-Ruwa wechikulia shidaso shi shiele nakamu, kyamba ipfo nyipfo kundu mochiwika shidaso sha mso, shidaso shewuta wunyamaṟi na shidaso shewuta njowingo, kyamba handu ho nyi hai haele.

WALEWI 21:15

nalashike iteṟefutsa wana wake amonyi. Inyi nyio Mndumii-Ruwa, Ruwa njilemshimbuo.”

WALEWI 21:17

“Wia Aronyi kudi: Luwa lyapfo lyose lya ipfo shisharinyi shapfo shose shechicha msa awode wufafa mbihunyi foke, awode momu fonjitikiria inyi Ruwa oke najiendie mwano fo mkatepfo.

WALEWI 21:21

Sa amfee nyi mkohanyi Aroni awode ufafa nalatikirie injiendie kidaso kekoṟa modonyi; kipfa kya ili awode ufafa, kyasia nalanjitikirie Inyi Ruwa kechinjiendie mkate foko.

WALEWI 21:6

Wechiwa waele ko Ruwa owo; manya walarume rina lya Ruwa owo, kyamba wo nyiwo wekedambika shiano shekeinengo Mndumii-Ruwa, Ruwa kui modo kelya kya Ruwa ko ikyo kiwawaṟi wawe waele.

WALEWI 21:8

Nochimanya mkohanyi ke namshimbuo, kyamba nyio ekeambia mwano fo mkate fo Ruwa opfo, nochimmanya ke namwele, kyamba Inyi Mndumii-Ruwa, Ruwa njikushimbuo iyo njii mwele;

WALEWI 22:9

Koikyo kiwaṟi wakohanyi wawade iwawaso lyako, walacheiwuta wunyamaṟi na iwoho. Inyi Ruwa Menyipfinya nyio njilewashimbuo.”

WALEWI 8:35

Nanyo mochikaa o mongo fo ihema lyesanzia ko mfiri mfungade mfiri na kio, na iringa wuringi wo Mndumii, mlashike ipfa; kipfa nyi wudo njilewawasio.”

MAITALA 16:5

Naho kawia Kora na wandu wake, “Ngama ngamenyi, Mndumii-Ruwa nechiloṟa ke nyiu ai oke na nyiu ai mwele na icho echimsambuṟa, nechimwidimisha isembelia rasionyi.

MAITALA 20:12

Kyaindi Mndumii-Ruwa kawia Mose na Aroni, “Kipfa kya ili mulanjiidikie inyi, manya injiwadia wuindi oshangunyi lo Waisraeli, kyasia kipfa kya ikyo mochiitsa mamiingifu fo wandu na kulya orukenyi njilemulia nyamupfo.

MATAYO 10:37

Ulya akundi ndee ang'u mae kawakunda kota inyi, nanjiwaṟi-pfo. Na ulya akundi mana o womi anu o waka kawakunda kota inyi nanjiwaṟipfo.

YOHANE 12:28

Hoi Wande, kunda ung'anyishe rina lyapfo iyo.” Nalyo ṟu likaichio liwuka ipfo ruwehu lyechihamba, “Ngameling'anyisha na lingi-se njechilinganyisha-da.”

YOHANE 14:13

Na orio kindo mochiterewa kui rina lyako inyi nikyo njechikiwuta kundu Wande nang'anyisho ipfo kiidi kya Mana.

NGUMBUO YA MAWAWASO 32:51

kipfa nyo muwawi mulefunja wuhendeli wonu koko oshangunyi lo Waisraeli mandi muwei mṟingenyi fo Meriba, kufui na mṟi fo Kadeshi, nuka ya Sini, mkaasha iṟingishia wuele woko kiidi kya Waisraeli.

2WATESALONYIKYE 1:10

Mkonu echicha nakuwutie-ho ewikio kiṟumi kiwukie ko wandu wake, nawe echiichiko nyi kya walya wake wamwidikye wose. Nanyo na wudo kipfa muleidikia wungochi wodu. Sho shechiwa mkonu fulya fulya.

1PETRO 4:17

Kyamba heri lyamshika lyewokia yanduo mondu liwookie ipfo na wana wa Ruwa. Indi kokoya fuwoke kodu so nyi kyechiwa kida ko walya walaidikye Ndumi ya Sia ya Ruwa?

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.

1SAMWELI 3:18

Kyasia, Samweli kaongoya Eli shose alewio, nalamṟikyeho manya kindo. Naho Eli kahamba, “O nyio Mndumii-Ruwa; nakeawutsia ikyo kyose awonyi nyi kii kicha koke.”

1SAMWELI 6:20

Kiidima, wandu wa mṟifo Beth-shemeshi wakahamba, “Nyiu eidima ihoṟoka oshangunyi lo Mndumii-Ruwa, Ruwachu mwele? Nyiku lochimduo nawuke kiidi kyadu?”