WALEWI 10:2 - Bibilia Kui Mdedie fo Kimochi

² Kiidima modo fukowuka o oshangunyi lo Mndumii fukawakombetsa, nawo wakapfa oshangunyi lo Mndumii.

WALEWI 10:2 Iomraidhean Croise

2SAMWELI 6:7

Ruwa kasuo na iwaha Uza kipfa kya ili alewada isanduku lilya liweliteṟie liwado nyi Walewi tupu; kapfia handu halya isanduku lilya liwei.

1WAMANGI 13:28

Kahenda, kawona mnying'a fulya fukumbe omongonyi, na nzoi na muiso tsihoṟoki kufui na mnying'a. Muiso fulelya mnying'a ma ipaaya nzoi iya-pfo.

1WAMANGI 18:38

Oweṟe modo fo Mndumii fukasoka fuwuka ruwehu fukarumatsa kidaso kilya kemaya modonyi, na ngu, na maho, na kiluli, fukakomba mṟinga fulya fuwei kiidi kya mfongo.

2WAMANGI 1:10

Elia kahaluo kawia mnene ulya o wandu makumi hatanu, “Kokoya inyi nyi mndu o Ruwa, kuoloke modo fuwuka ruwehu, fukurumatse iyo na wandu wapfo makumi hatanu (50).” Modo fukaoloka, fukarumatsa mnene ulya na makumi hatanu wake.

2WAMANGI 1:12

Elia kahaluo kambia, “Kokoya inyi nyi mndu o Ruwa, kuoloke modo fuwuka ruwehu, fukurumatse hamu na walya makumi hatanu (50) wapfo!”

1MBONYI TSA MAHERI 13:10

Oweṟe Ruwa kasuo kipfa kya ili Uza alewada isanduku lilya, kambaha. Uza kapfa na saa iya iya oshangunyi lo Ruwa.

1MBONYI TSA MAHERI 15:13

Mndumii nalelukapa cha kipfa lulalewuta chandu awekundi. Kiwewaṟi lukudike isanduku lilya lya mkundana so luwenyi.”

1MBONYI TSA MAHERI 24:2

Kyaindi Nadabu na Abihu, walesongoya ndeyawo ipfa walawode wana. Nyikyo kitewe Eliezari na Ithamari wakawa wakohanyi.

YOBU 1:16

Alamehusa ideda, ungi kashika-kambia, “Owaṟuko lo ikuṟuṟuma lyaoloka likakoṟa na irumatsa machondi na waṟundi wose. Inyi njimonyi mfi ngakia-ngakuendie mbonyi.”

SHIIMBO SHA DAWIDI 50:3

Ruwa odu nyiakeri icha alatsia, modo fochilya oshangunyi loke, masinanu hang'anyi hadihina mnu, hechimṟingichia njora tsose.

IWUKA 24:1

Naho Mndumii-Ruwa kawia Mose, “Donyi nyo, iyo na Aroni; na Nadabu, na Abihu na wandu makumi mfungade (70) wameku wa Waisraeli, mukooye Mndumii-Ruwa; mumwichimbiṟe mui haleshe;

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

WALEWI 10:5

Kyasia, wakacha na kufui, wakaira mnying'a iya waweṟee nguwo tsawo, wakawaduo nja ya oṟiho; chando Mose alehamba.

WALEWI 16:1

Mndumii kadeda na Mose, numa ya ipfa lya wanawo wawi wa Aroni, mandi walecha na oshangunyi lo Mndumii, wakapfa.

WALEWI 9:24

Nahong'u modo fukowoka alya oshangunyi lo Mndumii, fukarumatsa kidaso kilya kekoṟa, na mafuda halya hai rasionyi; wandu wose wekiwona modo fulya wakafunja kisangalale wakaho wanda na shamu.

MAITALA 14:37

Wanduwo waleende mbonyi njiwicho tsa orukalo walepfa kui ngapo oshangunyi lo Mndumii-Ruwa.

MAITALA 16:35

Numa Mndumii-Ruwa kadika modo fukakombetsa wandu walya mahana hawi na makumi hatanu walehenda idutsia ubani.

MAITALA 16:49

Iitala lya wandu walepfa lyi wei shiku ikumi na shiina na mahana mfungade (14,700), wutapfo walya walepfa kui wunyamaṟi wo Kora.

MAITALA 26:61

Nadabu na Abihu walepfa mandi waleinenga Mndumii-Ruwa mwano fo modo fulawaṟi.

MAWUTO HA WASU 5:10

Nalyo liyenyi kaho wanda oo madendenyi hake kapfa. Wanake walya wakaida naho wakakoya amepfa wakamduo nja wakahenda imṟika kufui na mii.

MAWUTO HA WASU 5:5

Ananyia kekiicho ado adi kaho wanda kapfa. Wuowu wung'anyi wukahoya wandu walya waleicho iki wose.

1 WAKORINTO 10:11

Ishi shilesanzyo iwutika ipfo kowo kui mbetesa indi shiishiṟehye kipfa kya wuikimbi womwikimba nyo mui-washitsye maheri hamandie.

1SAMWELI 6:19

Mndumii-Ruwa nalewaaha wandu makumi mfungade wa mṟifu fo Beth-shemeshi, kipfa kya ili waleambuya kulya isandukunyi lyake. Wandu wakawika kilio kipfa kya ili Mndumii-Ruwa aletana wuwahi wung'anyi wudo kiidi kyawo.