WALEWI 1:3 - Bibilia Kui Mdedie fo Kimochi

³ “Shiinengo shake kokoya nyi kidaso kemaya modonyi kya mmbe, nechilekia pung'a njiheṟemtsu; nechiende na alya mongo fo ihema lyesanzia, kundu naidikio oshangunyi lo Mndumii-Ruwa.

WALEWI 1:3 Iomraidhean Croise

MAWOOKIONYI 22:13

Abrahamu kairia meso hake, kaambuya, ambuya, isuwa lyikeri numa yake, membe tsalyo tsiwodo mshenyi. Nahong'u Abrahamu kaira isuwa lilya; kaliwika lyiwe kidaso kemaya modonyi handu ha mana ulya oke.

MAWOOKIONYI 22:2

Kahamba, “Ira manachu, mana opfo kimumu mfi, umkundi Isaki, nohende nao tane orukenyi lo Moria, nommbute nawe kidaso kemaya modonyi ipfo fumvuhu lyimuho sa njechikuloṟa.”

MAWOOKIONYI 22:8

Abrahamu kahamba, Ruwa nechikuwonyia ihuṟuwi lya kidasokyo, mana oko. Kyasia wakahenda wose wawawi.

MAWOOKIONYI 8:20

Noe kasungusia Mndumii kitaṟa kedasia, kawuta orio indo lyiheṟemtsu na orio ilehe liheṟemtsu, kashiwika kidaso kemaya modonyi alya rasionyi.

2MBONYI TSA MAHERI 29:32

Shidaso shose shemaya modonyi sa wandu waleende nyi: mapung'a (70), masuwa (100), na shidahina sha machondi (200). Shose isho nyiwe shidaso shemaya modonyi ko Mndumii-Ruwa.

2MBONYI TSA MAHERI 35:12

Kyasia, wakahawa shuma shilya sha shidaso shemaya modonyi ko wandu walya kuṟinganyi na shiumbu sha wandu wa kanyi kumu, kundu waidime iwuta shidaso kihianyi na Mdumbuye fo Mose.

SHIIMBO SHA DAWIDI 110:3

Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

SHIIMBO SHA DAWIDI 40:8

Iwuta shilya ukundi, Hoi Ruwa oko, iyo sia yako; Ee mawawaso hapfo hai mrimenyi foko.

IWUKA 12:5

Kichondi kyanu nokoye kilawode tewe, kisuwa kya maka fumu; mochimmbuta ponyi lya machondi ang'u mburu.

IWUKA 24:5

kadika wanake wa wana wa Waisraeli, walya walewika kidaso kemaya modonyi, wakashinjia Mndumii-Ruwa shidaso sha ofoṟo sha mmbe.

IWUKA 29:18

Na iyo nokoṟe ichondilyo lyose huya rasio lyisenekie; nyi kidaso kemaya modonyi kipfa kya Mndumii-Ruwa; nyi opfaamo lucha, kidaso kileinengo Mndumii-Ruwa kui njia ya modo.

IWUKA 29:4

Numa noende Aroni na wana wake mṟasa mongo fo ihema lyekusanzia, nowasanje na mṟinga.

IWUKA 29:42

Kechiwa nyi kidaso kemaya modonyi mlungana ko orio wufee wonu wose osehu lo ihema lilya lyekusanzia oshangunyi lo Mndumii-Ruwa ili njechikoyana nanyo, kundu njidedeho na iyo.

IWUKA 32:6

Wakakure ngamenyi otuko wakalekia kidaso, wakaende mwano ya ofoṟo, wandu wakadamia ilya na inyo, wakakure washine.

IWUKA 35:21

Wakacha orio mndu chandu mrimafo foke fomduma, na orio mndu chandu ngo yake yamnenga ikunda, nawo wakaende mwano yeinenga Mndumii-Ruwa, kipfa kya ihema lilya lyekusanzia, na kya wuṟundi woke na kipfa kya maṟao halya maele.

IWUKA 35:29

Wana wa Waisraeli wakaende shiano sheinenga Mndumii-Ruwa kui mrima fo ikunda; wose womi na waka, sa mrima yawo ilewaitika wakunde iende kipfa kya iṟundalyo Mndumii-Ruwa alewawasa lyiṟundo kui owoko lo Mose.

IWUKA 35:5

Inengyenyi kiidi kyanu shiano ko Mndumii-Ruwa; mnducho oose awode mrima fo ikunda, naende shiano; sahabu na fesa na aṟeṟa;

IWUKA 36:3

Nawo wakaambia mawokonyi ha Mose mwaano yose, wana wa Waisraeli waweendie kipfa kya wuṟundiwo wo handu haele, kundu waṟundieho. Numa wakaende shiano orio mkonu ngamenyi kui mrima fo ikunda.

IWUKA 38:1

Numa kasungusia rasio lya kidaso kemaya modonyi, ya ikidi kya mshita; wuleshe woyo nyi wuwei mita 2:25, na wulandari woyo wuwei mita 2:25, ihiyanyi kose; ihenda huye kuwei mita 1:34.

YESAYA 1:11

Mfoeṟa fu fo mwano yanu mokeende fuwode kiira kiki? Mndumii nahamba. Inyi njiichuo mafuda ha masuwa manoru, na mafuda ha shuma shinoru; inyi njekechihiṟo nyi samu ya mmbe, ma machondi ma oṟopfo.

EZEKIELI 20:40

Ko ifumvu lyako liele, ifumvu lileshe lya Israeli, Mndumii-Ruwa nahamba adi, wandu wo wa Israeli na walya wose wai kulya orukenyi wechicha injiindia, na inyi njechiwaambia, wawenjiendie shidaso shawo na shiinengo shawo shiele wasambuṟie.

EZEKIELI 40:39

Kyasia iya njienyi kufui na mongo kuwewode ho mesa tsiwi ora lumu na tsingi tsiwi ora lo kawi. Kiidi kya mesa tso nyi hondo wawekeshinjia shidaso shilya shemaya modonyi na shidaso shilya shewuta wunyamaṟi na shilya shewuta mti.

WALEWI 1:10

“Kiinengo kyake kokoya nyi kyauka iponyi lya machondi ang'u lya mburu, kiwe kidaso kemaya modonyi; nechilekia kya kisoṟo kiheṟemtsu.

WALEWI 14:10

“Naho mfiri fo nyanya naire masuwa hawi haawukie, na ihuṟuwi lyimu lya maka fumu lyiawukie, na shienga shiṟaṟu ko ikumi sha kilo 3 tsa mso mmamiri shiwe mwano fo mso, shilongolongo na mafuda, na shienga shiṟaṟu sha lita sha mafuda.

WALEWI 16:7

Numa naire mburu tsilya tsiwi natsiwike oshangunyi lo Mndumii mongo fo ihema lyesanzia

WALEWI 17:4

manya nalemende na mongo fo ihema lyesanzia, kundu nalekie mwano ko Mndumii mongo fo ihema lya Mndumii; mnducho nechiitalo ke nawode mti fo samu; napusuo samu; na mnducho nechiletsano kuleshe na wandu wake;

WALEWI 17:8

“Na iyo nochiwawia, Mnducho oose kiidi kya mba ya Israeli, ang'u kiidi kya wahenu, wekekaa nawo, ekelekia kidaso kekoṟa ang'u kidaso,

WALEWI 17:9

manya alaende na mongo fo ihema lyesanzia, kundu naisembeṟie ko Mndumii, kyasia mnducho nechiletsano na wandu wake.

WALEWI 23:12

Mkonufo ili mochiwika kichano keinengia mhandafo oshangunyi loko mochinjiinenga Inyi Mndumii-Ruwa, kidaso kekoṟa kya kichondi kya kisuwa kya maka fumu kilawode tewe.

WALEWI 23:18

Hamu na ikyo, mochilekia mahuṟuwi mfungade ha maka fumu, ipung'a litutu limu, na masuwa hawi. Shumasho shechiwa kidaso kemaya modonyi handu hamu na mwano fo mso na mwano fo kindo kenyo. Mpfaamo fo mwano ii fochinjichihia Inyi Mndumii-Ruwa.

WALEWI 3:1

Na shiinengo shake kokoya nyi mwano fo ofoṟo kokoya naiinenga kui mmbe, pung'a ang'u taho nechilekia iyo njiheṟemtsu ilawode tewe oshangunyi lo Mndumii-Ruwa.

WALEWI 4:15

Numa wameku wa mamiingifo wahekie mawoko hawo mdohu fo pung'ayo oshangunyi lo Mndumii,

WALEWI 4:23

kamanyishio wunyamaṟi wo woke alewuuta, nechiende kioṟo kiheṟemtu kiwe mwano foke,

WALEWI 4:3

kokoya mkohanyi mshimbuo kawuta wunyamaṟi kaendie wandu mti; nalekie kipfa kya wunyamaṟi woke alewuuta pung'a ntutu njiamtsu nasembeṟie Mndumii iwe mwano fo wunyamaṟi.

WALEWI 4:32

“Nao kaende ichondi litutu lya kidaso kya wunayamaṟi, nechiende huṟuwi liheṟemtsu.

WALEWI 5:15

“Mnducho oose katehia na iwuta wunyamaṟi alakusirie, kiidi kya mbonyitso njiele tsiwaṟi iwuto tsa Mndumii; nlyondi echiendie Mndumii mwano fotehia; isuwa liheṟemtsu lyiwuka mfiṟihenyi foke; kiheo kihianyi na iitala ochimṟehia lya shekeli tsa pesa, kui shekeli tsa handu haele, kipfa kya dekolyo lyake.

WALEWI 5:18

Nao nechiendie Mkohanyi isuwa lya mfiṟihenyi foke, lyiheṟemtsu, kiheo kihianyi na iitala echimṟehia, kiwe mwano fo wunyamaṟi, namseheṟie mkohanyi, na mkohanyi nechimbikia kisanza kipfa kya kindokyo alekitehia alakusirie, alamanye, nao nechihoṟio.

WALEWI 6:2

“Mndu oose kawuta wunyamaṟi, na itehia Mndumii, kalemba odoye kui mbonyi tsa mbucha ang'u tsa maidikiano, ang'u tsa imsoka, ang'u iwonyia odoye;

WALEWI 6:8

Mndumii kadeda na Mose, kambia,

WALEWI 7:16

Kyaindi kokoya kiinengoki kya kidaso kyake nyi kiasa, ang'u nyi kya nnga, yechilio mfirifo aende kidaso kyake, numa ikyo kechitsuhaa itane ili lya ngama kechilio,

WALEWI 8:18

Numa kasembeṟa isuwa lilya lya kidaso kemaya modonyi; Aroni na wana wake wakahekia mawoko hawo mdohu fo isuwalyo.

WALEWI 8:21

Numa kasanja maula halya na masasio halyo na mṟinga; na Mose kakoṟia isuwalyo lyose alya rasionyi; lyiwei nyi kidaso kekoṟa kiwe opfamo luchihiṟie; kiwei nyi kidaso kiwekisembeṟie Mndumii kui modo; chando Mndumii alewawasia Mose.

WALEWI 9:2

kawia Aroni, “Ira ichache lya mmbe lya ipung'a lyiwe kidaso kya wunyamaṟi, na isuwa lya kidaso kekoṟa, nosembeṟie Mndumii.”

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MALAKI 1:14

Indi naseso mndu molemba msa awode iponyi lyake keana Ruwa na nawewikie kyaasa kyake indi kaendie Ruwa kindo kiireteka, inyi nyi mangi ang'anyi aoweshie kiidi kya wandu wa masanga.”

MAITALA 15:3

mkanjiinenga mwano inyi Mndumii-Ruwa fuwuka mfiṟihenyi yanu ya shuma, kidaso kekoṟa ang'u mwano, kundu mndu naawutsie kyasa kyake aleteṟia, ang'u ilekia mwano fo nnga ang'u mwano fo kiheri kya mfiri mnene yanu injiteṟie, na isungusia opfaamo lucha lunjichihiṟie inyi Mndumii-Ruwa,

MAITALA 15:8

Kiheri mochiinenga Mndumii-Ruwa pung'a ya kidaso kemaya modonyi ang'u mwano foawutsia kiasa ang'u mwano fo ofoṟo,

MAITALA 19:2

“Iwu nyiwo wuikimbi wo mawawaso hako Inyi Mndumii-Ruwa njiinenga Waisraeli. “Wia Waisraeli wamuendie mmbe ya taho ya kimaande ilawode paṟi manya tewe yose, sa ilalemepfungio kumbi lyedema.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

MAITALA 23:27

Balaki kawia Balaamu, “Ncho; njikuduo handu hengi. Kofia Ruwa nechiidikia nowasese wanduwo handu hako kuwukapfo.”

MAITALA 23:3

Numa Balaamu kawia Balaki, “Kaa iya kufui na kidaso kyapfo kekoṟa, na inyi njihende. Kofia Mndumii-Ruwa nechikumbuhana na inyi. Ikyo kyose echinjiloṟa njechicha ikuwia.” Kyasia, Balaamu kahenda amonyi kulya fumvuhu.

MAITALA 23:30

Balaki kawewuta ado chandu Balaamu alemmbia, numa kawika huya orio rasio kidaso kya ipung'a limu na isuwa limu.

MAITALA 28:11

“Mawookyonyi ha orio meri, mochiinenga Mndumii-Ruwa mwano fokoṟa modonyi: shipung'a shitutu shiwi, isuwa limu; masuwa matutu mfungade ha maka fumu, halawode tewe.

MAITALA 28:19

Mochilekia mwano fokoṟa modonyi, mwano fo kelya kya Mndumii-Ruwa: pung'a tsiwi njikoho, isuwa limu, shisuwa mfungade sha maka fumu, halawode tewe hose.

MAITALA 28:31

Mochilekia shindoshi na mwano fosho na mvinyo; na mwano fulya fokoṟa modonyi chando mwichiwie.”

MAITALA 29:13

Mochilekia mwano fomaya modonyi, fui nyi mpfaamo mcha, fuchihiṟie Mndumii-Ruwa: mapung'a makoho ikumi na haṟaṟu, masuwa hawi, shisuwa ikumi na shiina sha maka fumu. Shose shiwe shilawode tewe.

MAITALA 29:2

Mochilekia mwano fokoṟa modonyi, mpfaamo mcha fochihiṟa Mndumii-Ruwa: mapung'a hawi ha ndawanana; masuwa hawi, na shisuwa shitutu mfungade sha maka fumu, isho shose shilawode tewe yose.

LUKA 1:35

Malaika kahaluo kambia, “Nyi Mumuyo Mwele echikusokia ipfo huye yapfo, na pfinia ya ichu ai huye ya shose nyi yechikuwikia mṟishe. Kyainenga kilya kyekaa kifeo kilaho nyi kyele, kii Mana o Ruwa.

YOHANE 1:36

Kawona na Yesu echikuidyaho kahamba, “Ichu nyio ihuṟuwi lya Ruwa.”

YOHANE 10:7

Nahong'u Yesu kawawiase, “Nyi lohi kya lohi ngamuwia, inyi nyi mongo fohenda kundo machondi hai.

YOHANE 10:9

Ngiṟi iya nyio inyi. Mndu aida napfo aidia koko nyechikiṟo na yanga napfo na iwuka napfo nawekoya na ura.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

2 WAKORINTO 9:7

Orio mndu nalekie chando akudumbuya ipfo mdonyi kilawe nyi lya mnung'u ng'u kya mkoṟomu, kyamba Ruwa akundi mleki molekya na kyamu kilyi.

WAEFESO 2:18

Kyamba nyio lumbode ai moluitsa na ko Ruwa so wa njora tsi tsiwi Wayuda na wa mkambo ingi kui Mumuyo chu umu.

WAEFESO 5:27

Kundu naihoṟotse oshangunyi loke amonyi ikeri siṟi ya kiṟumi ilawode mlesi ma paṟi ma ki kya shindo cha isho indi kundu iwe njele.

NGUMBUO YA MAWAWASO 12:27

Nyihondo mochiduo shidaso shemaya modonyi, nyama na samu, rasionyi lya Mndumii-Ruwa onu; samu ya indolyo mochiiolya rasionyi lya Mndumii-Ruwa, Ruwa onu, kyaindi muwode momu folya nyamayo.

NGUMBUO YA MAWAWASO 15:21

Kyaindi kokoya kyumakyo kiwode tewe lyose: kiricheche ang'u njeche, ang'u tewe yose ing'anyi kulakiwute kiwe mwano ko Mndumii-Ruwa, Ruwa opfo.

NGUMBUO YA MAWAWASO 17:1

“Mulaende mwano na ko Mndumii-Ruwa, Ruwa onu, mmbe ang'u ichondi liwode tewe li nyi kindo kipfulutsie Mndumii-Ruwa, Ruwa onu nyashi.

WAEBRANIA 7:26

Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?