WAKOLOSE 4:6 - Bibilia Kui Mdedie fo Kimochi

⁶ Dedo lyanu liwe lyenongowya mdonyi kiheri kyose likae lyelodaloda mbala, mumanye chando kimuwari ihaluo orio mndu kiheri kyose.

WAKOLOSE 4:6 Iomraidhean Croise

1MBONYI TSA MAHERI 16:24

Loṟenyi kiṟumi kyake ko wa mkambo wose,

SHIIMBO SHA DAWIDI 105:2

Miimbienyi, miimbienyi kui shiimbo, weṟuwetsenyi ṟiho tsake tsose.

SHIIMBO SHA DAWIDI 119:13

Kui momu yako njileonguo, Mdumbuye yose ya dumbu lyapfo.

SHIIMBO SHA DAWIDI 119:46

Njechihamba wuṟingishi wopfo oshangunyi lo wamangi, manya njechiwona sonupfo.

SHIIMBO SHA DAWIDI 45:2

Iyo nyi ui mcha mnu kota wandu wose, isaṟia lililetsie dumbunyi lyapfo. Koikyo Ruwa nakuwikie ona mṟasa mlungana.

SHIIMBO SHA DAWIDI 66:16

Nchonyi, adanyienyi, nyo muowoye Ruwa, inyi njechihamba kilya alewutya mrima foko.

MFANANO 10:21

Dumbu lya mndu o wusumhanyi lyeihutsa wafoi, Kyaindi matondo hekepfa kipfa halaichi kindo.

MFANANO 15:4

Olimi lucha nyi ikidi lya moo; Indi olimi lo wongo lokefunja mrima.

MFANANO 15:7

Dumbu lya mndu o wusumhanyi lyekelosha mecha; Indi mrima fo tondo fochiwuta fudo pfo.

KOHELETI 10:12

Madedo ha mndu mṟango hawode osaṟio Indi dumbu lya tondo lyemmeṟa o amonyi.

EZEKIELI 43:24

nuwaende oshangunyi loko. Kiidima wakohanyi nyi wechiwashia monyo wahende iwawuta kidaso kemaya modonyi kya Mndumii-Ruwa.

WALEWI 2:13

Kingise, orio kiinengo kya kidaso kyapfo kya mso nochikiwika monyo; manya kulalekie kidaso kyapfo kya mso kiwuṟe monyo. Monyo nyi kichano kya mkundano fo Ruwa na iyo; nochilekia monyo handu hamu na mwano yapfo yose.

MATAYO 5:13

“Nyo nyi mui monyo fo wuyana, indi komkooya monyo fu-mporu, nyi wuda fochitanose monyo? Fuwode-se kindo fochiṟundapfo, shile nyi ikumbo na ichumo-chumo nyi wandu.

MARIKO 9:50

Monyo nyi kindo kicha, kyaindi monyo fukomba ifinda fochikoṟa-se ki? Wadenyi monyo ipfo kiidi kyanu mbekukaya na ofoṟo nyo wenyi na wenyi.”

LUKA 4:22

Kyasia wose wakachihiyo kyake, wakaṟihio shidedo shilya sheloda shilewuka dumbunyi lyake wakahamba, “Aka ichu chi mana o Yosefu?”

WAEFESO 4:29

Dumbunyi lyanu kulawuke-pfo idedo lyiwicho; indi orio idedo lii licha lyetarama wengi, lilele na walya kowuṟyo, kundu waimwadanya.

NGUMBUO YA MAWAWASO 11:19

“Loshenyi wana wanu madedoha mochikapa sumu mudamie ipfo kanyi konu, kiheri muichumia kiheri mulee na ikure.

WAKOLOSE 3:16

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.