WAFILIPI 4:9 - Bibilia Kui Mdedie fo Kimochi

⁹ Ishi mulekupfunda nasho koko mukashiwada kui iicho na iwona sho muwe mochishiwuta, na ofoṟo lo Ruwa lochikaa nanyo.

WAFILIPI 4:9 Iomraidhean Croise

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 8:10

Wikenyi chila ya handu hamu, kochiilachika, Dedenyi idedo, indi lilechihoṟoka, Kipfa Mndumii nai naso.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MATAYO 7:21

“Ma chi orio mndu ose monjiwia, ‘Mndumii Mndumii echiida wumanginyi wo Ruwapfo, shile nyi ichu mowuta shichihianyi na Wande o ifo ruwehu!’

LUKA 6:46

“Aka-nyo, nyiki ili mokenjilaha, ‘Mndumii, Mndumii,’ nanyo mlekewuta ikyo njekehamba?

LUKA 8:21

Nao kahaluo kawawia “Wama oko na wana wa wama nyi iwo wekeadanyia idedo lya Ruwa wakawewa moliwuta.”

YOHANE 13:17

Mukamekumanya-ng'u ikyo nanga nyo ili mochikiwuta.’”

YOHANE 15:14

Nahong'u nyo nyi mukeri mbuya tsako kokoya mohenda iwuta kilya njilemuwawasainyi.

YOHANE 2:5

Kyasia mae kawia waeeki walya, “Kindo echimbia nanyo kewekiwutenyi.”

MAWUTO HA WASU 9:6

Kya indi kure nohende ipfo mṟinyi nochikaa uwio kindo kikuwaṟi iwuta.”

WAROMA 15:33

Na Ruwa-chu menyi ofoṟo nakae nanyo mose. Amenyi.

WAROMA 16:20

Na Ruwa-cho menyi ofoṟo nyi echikaa natseneheṟye Satan ipfo shiya madende hanu owinyi. Wutonga wo Mndumii odu Yesu wukae nanyo.

1 WAKORINTO 10:31

Kyasia-ng'u ili muilya ang'u muinyo ang'u muiwuta kindo ma kida ma kida shiwutenyi shose shewikya Ruwa kiṟumi.

1 WAKORINTO 14:33

Kyamba Ruwa alai o mtandawuko kya indi nyi o ofoṟo.

1 WAKORINTO 4:16

Nkyo kyantewa ngamtutuma ke muwe mokuwakisha na inyi.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

NGUMBUO YA MAWAWASO 5:1

Mose nalelaha Waisraeli handu hamu wose, kawawia: “Lanye Waisraeli, adanyienyi mawawaso na shiteṟio njikeri ihamba oshangunyi lonu inu. Kuloshenyi na ihaawutsia kui wuhendeli.

WAFILIPI 3:17

Wanawawama, muwe waitumanyi wako mbeambuya na iwo wekechumia wado chando muluwade so lui kila kya moo.

WAFILIPI 4:7

Na ofoṟo lo Ruwa ilu lung'anye mahio hose nyilo lochiringa ngoo tsanu na makusaṟo hanu mui-walunge na Kristo Yesu.

1WATESALONYIKYE 1:6

Mukamekuwakisha naso na Mndumii mombada dedo lilya kituryonyi muwewodo nyi sia ya Mumuyo Mwele.

1WATESALONYIKYE 2:14

Kipfa nanyo, wanawawama, momba waoshi wa siṟi tsa Ruwa tsiwodo nyi Kristo Yesu tsii ipfo Yudaya ili momeliso wukiwa wumu natso nyi washari wanu wenyi chando wo waleliso nyi Wayuda.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

2WATESALONYIKYE 3:4

Indi luikusiria na Mndumii kya mbonyi tsanu nanyo ke mukeri iwuta shilya lulembawasya na ikaa mokaa mochishiwuta.

2TIMOTEO 4:22

Mndumii nakae mrimenyi fopfo. Wutonga wukae nanyo.

YAKOBO 1:22

Na idedo lyo lii iwaye konyu lyo muliwade muwe watanyi wa idedo, mulakae weliadanya tupu mochikulemba muwenyi.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.