WAFILIPI 4:8 - Bibilia Kui Mdedie fo Kimochi

⁸ Lyefurumia, nyo wanawawama, orio kii kya lohi, orio kii na sonu njicha, orio kii kihorotsu, orio ki kiharami, orio kichihianyi orio kisongowia, maa kui-ho kya opfudi na wuhoneri kyasho muhane-hane necha.

WAFILIPI 4:8 Iomraidhean Croise

MAWOOKIONYI 18:19

Ote, kyamba njimwichi ke nechiwawasa wana wake, na wa kanyi koke wechimwituma wawade njia ya Mndumii-Ruwa, wawute sha wusumhanyi, na wuhoṟotsu, kundu Mndumii-Ruwa nao naawutsie Abrahamu shiasa shake.”

2SAMWELI 1:23

“Sauli na Yonathani, wawei wandu wawakunde na weṟihisha; wawei wamu kiheri kya moo na kiheri walepfa. Wawei waweṟeshu kota owishi, na wawewode pfinya kota miiso.

2SAMWELI 23:3

Ruwa o Israel adeda; iho lya iṟaṟa lya Israeli likadeda na inyi na ihamba; “Kuicha Mangi echichilia wandu kisumuhanyi; nechichilia wandu kechiowuo Ruwa.

SHIIMBO SHA DAWIDI 82:2

“Mrasa indi mochianduo kya mbaka, na iidikiana na njoshangu tsa wawicho?

MFANANO 11:1

Ratili yelemba nyi kisuiṟye Mndumii; Indi shiheo shiṟinganyi shikemchihiṟa.

MFANANO 12:4

Mka mcha nyi oṟo ya mii oke; Indi mosutsa nyi kimu na ipuo mafuonyi.

MFANANO 16:11

Kiheo kehesha kya lohi na mahi hake nyi sha Mndumii, Maho hose ha kikunjenyi nyi iṟunda lyake.

MFANANO 20:7

Msa asumhanyi kachumia kiidi kya wuhoṟotsu woke-le, Wana wake wechiwikyo ona iya mafurumienyi hawo.

MFANANO 31:10

Mka mcha nyiu echiidima imbona? Kipfa wuhuru woke wuidiye mafuda mecha hepfaama.

MFANANO 31:29

Wana wa waka wa wandu wafoi wawutie shicha da! Indi iyo nowaidye wose.

MFANANO 31:31

Mnenge shilya uwode mawokonyi hake; Na mawuto hake hamṟumisha kichuminyi.

SHIIMBO SHA SOLOMONI 5:16

Dumbu lyake liichuo madedo heloda, nyio ai mcha mnu mnu; nyi ichu mkunde oko, nyi ichu mbuya yako, nyo wana wa waka wa Yerusalemu.

YESAYA 26:7

Okondo lo ulya asumhanyi lui luhoṟotsu; Iyo ui mhoṟotsu nyi ui ihoṟotsa njia ya ulya asumhanyi.

MATAYO 22:16

Wakamdumya wa kiloshyonyi kyawo warianyi na wa Herode wakahamba, “Maarya, na luweichi nyi ukeri mohamba sha lohi, na njia ya Ruwa kowelosha ya lohi, ma okesaṟa mndupfo, nyi kipfa ulekeambuya fana ya mndu ke nyi ida na ida.

MARIKO 6:20

Nyi kipfa Herode nyaweowoe Yohane kammanya, ke nyi mndu o wusumhanyi na mndu mwele, kamringa. Herode kakunda iadanya Yohane; kawa morohio mnu mrimenyi kiheri amemwadanyia.

LUKA 16:15

Kyasia Wafarisayo walya waicho wado nawo nyiwe-wandu wawelangie mnu mapesa, wakakutsinyia kyake. Nao kawawia, ‘Nyo nyi mokekuhaluo wecha wasumhanyi oshangunyi lo wandu muwenyi, kyaindi Ruwa nyio aichi ngoo tsanu; cha-kipfa wutumbe wo ki-wandu nyi kindo kisuikie ko Ruwa.’

LUKA 2:25

Maheri halya kuwekeri mndu kulya Yerusalemu, rina lyake nyi Simeon, na mndu-chu nyi awei mndu mcha, asumuhanyi, aweowoye mnu Ruwa, kechiwedia ulya mowihiṟa Israeli moo, na Mumuyo Mwele nyiawekeri nao.

LUKA 23:50

Nlyondo kulekuloṟaho mndu ang'anyi, rina lyake nyi Yosefu o mṟi fo Wayuda foilaho Arimatia, nao nyiwe mndu mcha o wusumhanyi.

YOHANE 7:18

Ichu ekyekuhambia kyake tupu o apfula iwikyo kiṟumi o amonyi. Indi mndu atambahanya iwonya ichu alemduma kiṟumi o akeri mhendeli alawode mtaambo, o lohi.

MAWUTO HA WASU 10:22

Wakahamba, “Nyi Kornelio mchili mndu mhoṟotsu aowoye mnu Ruwa menyi kiṟumi kicha ipfo osharinyi lo Wayuda lose, o alewawaso nyi malaika mwele ke nadume wandu kopfo nohende kulya kanyi koke nakuadanye kindo ochimbia.”

MAWUTO HA WASU 22:12

Nahong'u kuwepfo mndu ewio rina lyake nyi Ananyia mndu mohendelya necha wuwawaso awei mbikye kiṟingishyo kicha nyi Wayuda wose wekeri kulya.

MAWUTO HA WASU 6:3

Nkyo kimaduma le wanawawama, kekusambuṟyenyi ipfo kiidi kyanu sa wawode kiṟumi kicha waichuṟe Mumuyo Mwele wai na waṟango kundu luwadambikye kiṟundyo ki.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

WAROMA 13:3

Kyamba wanene wa mengenyi wo walaendye mndu wuowu kya ko wandu wecha, kya indi nyi waende wuowu kya ko wandu wawicho Kokoya ulakundi iowuo waitoṟi wuta mecha nao nechikuṟumisha.

WAROMA 14:18

Kyamba ichu akuwode na ikyo awa mopfuṟukanya-ho Kristo nyio sa achihiṟye Ruwa kawekundo nyi wandu.

WAROMA 2:29

Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 13:7

Indi njiterewa Ruwa namringe iwuta kindo kiwicho, chi njikeri imterewa kundu so lumanyike lui wekiapfo kya indi nyi kundu muwe wewuta kilya ki kicha naso luwe cha ili lulawekia.

2 WAKORINTO 6:8

Lokuidya hando lowikyo kiṟumi na hando lohenda isutso, kundo luiselio mnyeri na kudu lohenda iichiko, lotano walembi na luende kilya kii lohi.

2 WAKORINTO 8:18

Indi handu hamu nao nyi lukaduma manowama ulya msa ai mwichike siṟinyi tsose kehamba ndumi ya sia ya okiio.

2 WAKORINTO 8:21

Kyamba lokeitika ikumbuo kilya kisumuhana chi ipfo oshangunyi lo Mndumii tupu indi na ipfo oshangunyi lo wandu.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAEFESO 4:25

Ko ikyo lekanenyi na kilya kii wongo Dedenyi kya lohi orio mndu ose na ulya aṟasanyi nao kipfa orio umu onu nyi kiwungo kya mbihu fo Kristo.

WAEFESO 5:9

na sa yo yechiwono wuchenyi wose na wuhoṟotsunyi wose na owikonyi lo kii lohi lose.

WAEFESO 6:14

Hoṟokenyi wulalu mukupfungie kiilohi kitsinyi na kilya kii lohi, muṟee wusumhantso kiringa kipeta.

NGUMBUO YA MAWAWASO 16:20

Wadenyi kiilohi tupu, kundu muidime iwada moo na ichilia orukalo Mndumii-Ruwa, Ruwa onu aimuinenga.

WAFILIPI 3:1

Lyefurumia, wanawawama wako, ke-chihionyi kui Mndumii. Ili ngamusumutsa njidi lyo lyanjipfulutsa inyipfo kya indi lyamfeṟya nyo owanzo.

WAKOLOSE 4:5

Chumienyi mochikaya walya walaidikie kui wuṟango muikurohya na orio mwaanya muwode.

1WATESALONYIKYE 4:12

Kundu muchumie ohendo lulawa idedyo nyi walya wai ora lo nja mulawuṟie mweke fowo hando.

1TIMOTEO 2:2

Muweterewia wamangi na wanene wose kundu moo fodu fudamie necha fui na olele wyoo fo wutechi na wusalari.

1TIMOTEO 3:11

Waka na wudo wakae weindya, walahende iduo wandu sumu, wawe wasanjikie mdo, wawe wahendeli kya shindo shose.

1TIMOTEO 3:4

Nawe modedya kanyi koke kwenyi mnu necha awodie wana chile wakae na wuindi.

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.

1TIMOTEO 5:10

Nawe mṟingishie kui mawuto mecha ili ametoṟishya wana ili ameekya necha wahenu ili amesanja waele walya madende ili ameikanya wafoye ili amewinya orio ṟunda icha lyose.

1TIMOTEO 5:2

Iwa wakeku cha wamayo, iwa wakoho cha washiki kui sonu njicha tsose.

TITO 1:8

Kya indi nawe mokunda wahenu, achihianyi na hai mecha, mndu o osaaṟe mhoṟotsu, menyi wuindi, mndu msanze.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

TITO 2:2

Ke wameku wakuachie, wawe wasanze wenyi osaṟe wachia kui wuidiki na kui mkundanyie na kui mkutirisie.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

WAEBRANIA 11:2

Na walya wa mboko ili wawei nawo wukeri wudi nyihondo walekuwutya-ho ihenda iwikyo kiṟingishyo.

WAEBRANIA 13:18

Ke luterewyenyi-ng'u-wo. Kyamba so lukusirie ke ngo tsadu tsa mrimenyi tsii nhoṟotsu loitika ihendekya wose kui wusumhanyi.

YAKOBO 1:27

Wuindi wuharami wulafanyi oshangunyi lo Ruwa Wande wukeri wule, isenguda wana wangoeda na waka wa kusu iwa wai walise wukiwa na ikuṟisa ihenda fanytso nyi wuyana wu.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.

2PETRO 3:1

Nyo mui wakunde wako, paruo ii ngamṟehya nyo nyi ya kawi. Njimwamtsie natso mhie fulya msalari njechimtamuṟya-ho mbonyi tsi.

1YOHANE 3:18

Wana wako, lulakundane kui dedo ma kui olimi, kya indi lukundane kui mawuto na kui kii-lohi.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

RUTI 3:11

Nahong'u manoko, kulaowuo, inyi njechikuwutia shose odeda; kipfa mṟi fose na wandu wako wose wakuichi ke nyi ui mndu mka mcha.