WAFILIPI 4:7 - Bibilia Kui Mdedie fo Kimochi

⁷ Na ofoṟo lo Ruwa ilu lung'anye mahio hose nyilo lochiringa ngoo tsanu na makusaṟo hanu mui-walunge na Kristo Yesu.

WAFILIPI 4:7 Iomraidhean Croise

NEHEMIA 8:10

Hendenyi kanyi konu musungusie mfuho fung'anyi, mukulie shindo shinoru, muwekunyoya na mvinyo sa mcha, kyaindi ambuyenyi muwekumbuo iinenga walya walawode kishikie, kyamba mkonufo nyi fukeri mwele ko Mndumii-Ruwa odu manya mulawone mochisumukia kyamba sia yo Mndumii-Ruwa amwinenga nyi yo pfinya yanu.

YOBU 22:21

“Manya mnu Ruwa, kundu uwade ofoṟo, Na lyondi mecha hechikuchea.

YOBU 34:29

Kokoya Ruwa atsia, nyiu echiidima imbonyia-owingo? Kaṟika kyamu kyake nyi echimbona.

SHIIMBO SHA DAWIDI 29:11

Mndumii nyi echinenga wandu wake pfinya; Mndumii nyi echiwikia wandu wake ona kui ofoṟo.

SHIIMBO SHA DAWIDI 85:8

Njiadanyia chando Mndumii-Ruwa aihamba, kyamba naiwia wandu wake ofoṟo. Ee-da na waheṟemtsu wake daa, indi walawuuye se wutondo.

MFANANO 2:11

Osaaṟe lopfo lochikuringa; Na imanya lyechikushikia.

MFANANO 4:6

Kulamde, nao nechikukiṟa; Umkunde, nao nechikuringa.

MFANANO 6:22

Kundu ochihenda shechikusongoya, kolaa shechikuringa; Na kokure, shechideda na iyo.

YESAYA 26:12

Mndumii nochiluteṟia ofoṟo; kipfa nyi iyo da uleluwutia maṟunda hadu hose.

YESAYA 26:3

Nochiringa ulya mrima foke fukusirie Kiidi kya ofoṟo lushikie, kipfa nyi akusirie kopfo.

YESAYA 45:7

Inyi njilewumba saa, na kio naawo; inyi njekesanza wandu, na iwutaho wuwicho; Inyi nyi Mndumii njekewuta isho shose.

YESAYA 48:18

Samanya, uwechiadanyia mawawaso hako, nyi lyo mandi ofoṟo lopfo luwechiwa cha meda fo mṟinga, na wulohi wopfo cha masinanu ha ipalyipalyi;

YESAYA 48:22

Kuwode ofoṟo ko wawichopfo, “Mndumii ahamba.”

YEREMIA 32:16

Ngamemarisa idambikia Baruku mana o Neria paruo iya yeoṟa dema njileterewa Mndumii-Ruwa njechihamba:

YEREMIA 33:6

“Manya kudo, inyi njechikiṟa mṟi fu na iinenga wandu wa oru, njechiwainenga iwemba na ikaa kipuo.

MAITALA 6:26

Mndumii-Ruwa namuirie kyamu kyake namuinenge ofoṟo.’

LUKA 1:79

Hahende waaya walya wadamie meemenyi na maṟishenyi ha opfu; kundu madende hadu hahende isumuhantsyo ipfo njiehu ya ofoṟo.”

LUKA 2:14

“Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

WAROMA 1:7

Ngamwiṟikiṟa nyo mukeri ipfo Roma mose mui wakunde wa Ruwa, wasambuṟe waele. Wutonga wukae nanyo na ofoṟo luwukie ipfo ko Ruwa Nde yadu na ko Mndumii Yesu Kristo.

WAROMA 14:17

Kyamba Wumangi wo Ruwa chi wukeri mlie na mnyoepfo, kya indi nyi wukeri wuhoṟotsu na ofoṟo na wukesi wokuṟamkya-ho kui Mumuyo Mwele.

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

WAROMA 8:6

Kyamba shilya nyama-tso tsekekuelengya, nyi shiduo opfunyi, indi shilya Mumuyo fokekuelengya sho shiwika moo na ofoṟo.

2 WAKORINTO 10:5

Luwewunduo na orio tunja yekuirya wuṟango wo Ruwa, lochilaṟa na mhie yose iwe yechihendelya Kristo.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAEFESO 3:19

Na imanya ke kikunda kya Kristo king'anye mtichie ya wuṟango yose kundu muwelutso itane mochikaa na welu ya Ruwa yose.

WAFILIPI 1:1

So Paulo na Timoteo lu masinga ha Kristo Yesu loiṟikiṟa waele wai Kristo-hu Yesu wa ipfo Filipi wose wai-wasanze na watarami weambuya siṟi.

WAFILIPI 1:2

Wutonga wukae nanyo na ofoṟo lu luwukye ko Ruwa Ndeyadu na Mndumii Yesu Kristo.

WAFILIPI 4:19

Na Ruwa chu oko echimsumba nyo ishi muwuṟye shose kui wusuṟi woke womanyisha wuitoṟi wu wui na Kristo Yesu.

WAFILIPI 4:21

Kenjiiṟikienyi orio mwele ai-msanze na Kristo Yesu. Wanawawama wa wai na inyi na wamwiṟikiṟa.

WAFILIPI 4:9

Ishi mulekupfunda nasho koko mukashiwada kui iicho na iwona sho muwe mochishiwuta, na ofoṟo lo Ruwa lochikaa nanyo.

WAKOLOSE 3:15

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.

2WATESALONYIKYE 3:16

Na Mndumii menyi ofoṟo namuenenge ofoṟo mfiri yose ko orio kindo. Mndumii nakae nanyo mose.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

OTAMBAHALUO LO YOHANE 1:4

Inyi Yohane ngamwiṟikiṟa nyo siṟi mfungade tsikeri ipfo Asia. Wutonga wukae nanyo sanza na ofoṟo shichee ko ichu aipfo aweipfo echikaa-pfo ai echicha, shiwekuwukya na ko mumuyo iya mfungade ikeri oshangunyi lo kidembo kya wuitoṟi woke.

OTAMBAHALUO LO YOHANE 2:17

“Ichu awode-madu naadanye iki Mumuyo aiwia siṟi tsi.” Sa wechiwinga njechiwainenga manna iya ii-njiṟike njiwewainenga na kiho kii kiili pang'a kii kiṟehyo rina lyihya. Ma kulaipfo alimanya chila walya weliambya.