WAFILIPI 4:6 - Bibilia Kui Mdedie fo Kimochi

⁶ Mulakuinadye kya kindo ma kida, indi shilya mushiwuṟye muwe moshisendya Ruwa kui wuindi na kui kifuhyo na kui mwaano.

WAFILIPI 4:6 Iomraidhean Croise

1WAMANGI 8:28

Keadanyia kiterewo kya mṟundi opfo na shiano shake, hoi Mndumii-Ruwa oko, uicho kiterewo na kifuhiyo kya mṟundi opfo mkonu fu fo inu.

2MBONYI TSA MAHERI 32:20

Nyilyondi mangi Hezekia na mwikimbi Yesaya mana o Amozi, waleterewa Ruwa na imfihiṟia nawatarame kipfa kya mbonyi tso.

SHIIMBO SHA DAWIDI 51:15

Hoi Mndumii, utambaṟuo dumbu lyako, na olimi loko lochihamba kiṟumi kyapfo.

SHIIMBO SHA DAWIDI 55:17

Kiukanyi, ngamenyi, na mfiri njechifihiṟa na isumkia, nao nechiicho ṟu lyako.

SHIIMBO SHA DAWIDI 55:22

Dika Mndumii mhanda fopfo nao nechikuṟihika, echilekya mndu o wusumhanyi nalemo mlunganapfo.

SHIIMBO SHA DAWIDI 62:8

Nyo wandu, kusiriyenyi koke kitsitsi, tambaṟuonyi ngoo tsanu oshangunyi loke; Ruwa nyio lochimdichia.

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

MFANANO 16:3

Dambikya Mundumii maṟunda hapfo; Na makusaṟo hapfo hechiwanga.

SHIIMBO SHA SOLOMONI 2:14

Mbeta yako, maowionyi ngaṟahambenyi, kiidi kya maowionyi ha chila tsa wandu. Njiambuye kyamu kyapfo, njiicho ṟu lyapfo, Kipfa ṟu lyapfo lii licha, na kyamu kyapfo kikachia.

YEREMIA 32:16

Ngamemarisa idambikia Baruku mana o Neria paruo iya yeoṟa dema njileterewa Mndumii-Ruwa njechihamba:

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

DANIELI 3:16

Nlyo Shadraki na Meshaki na Abednego wakahaluo wakambia, “Mangi Nebukadneza, luwode kindo kekuwia kiidi kya idedoli pfo.

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

MATAYO 10:19

Indi mkamkoya wehenda mdambika wado, nanyo ma mlawado nyi makusaṟo chando mochideda-ho ke nyi wuda anu ke nyiki, cha kifa saa iya nyi mochinengyo ishi shehamba-ho.

MATAYO 13:22

Na ichu a mbaaye kiidi kya msha nyio ichu echiadanya idedo-lyo. Kukakaa-pfo mawina ha kunu orukenyi na wulembi wolembo nyi masaa shikapfumba idedo-lyo lilakikumbye-se kilimu.

MATAYO 6:34

Kyasia, ma mulawado nyi makusaṟo ha kya ngama, kipfa ngama nyi yesaṟa kyayo injenyi Orio mkonu nyi fui na kyafo nahong'u.”

MATAYO 6:8

Ma mlafanane nawo! Kifa Ndeanu o ipfo ruwehu na aichi shilya muwuṟie ma ili mulamemterewa.

LUKA 10:41

Mndumii kamhaluo kambia, “Marita, Marita, kyapfo nyi uwodo nyi makusaṟo ha shindo shifoi na ikuwinyisha kowekuwinyisha.

LUKA 12:22

Kawia na walya wa kiloshionyi kyake, “Kwi kipfa-kyo nyi ngamuwia; Ma mulakusaṟe wukiwa wo kindo ketawulia moo ang'u kindo mochiṟaa ipfo mbihu yanu.

LUKA 12:29

“Nanyo mamlatambahanyie kindo mochilya na kido mochinyo, ma mrima yanu ilaṟahisho nyisho. (

LUKA 18:1

Kawawia ifano lyehamba, n'kimuwaṟi iterewa kitsitsi mlechilemo.

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

1 WAKORINTO 7:21

Komelaho ui isinga ma kulawone kosuo. Ma koshika iwonyo mwaanya fohenda lekio kukundye ikaa.

1 WAKORINTO 7:32

Na inyi njikundi mukae mulakurohye. Ichu alaalikye ekekuwinyisha kya Mndumii ke nyi wuda echichihiṟa Mndumii.

2 WAKORINTO 1:11

Nanyo nyi mochikaa wetaramana naso mochluterewya kundu shamu sha wandu wafoi shiile kya ngaya iya lulesaṟyo nayo wafeṟe iwika-ho mwaano kimaduma kyadu so.

WAEFESO 5:20

Anenyi Ruwa Wande maheri hose kui rina lya Mndumii odu Yesu Kristo kya shindo shose.

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

WAKOLOSE 3:15

Na ofoṟo lo Kristo luchilie ngoo tsanu, ilu mui walahie kyalo muwe mbihu fumu. Nkyo kimnenge mochimwaana.

WAKOLOSE 3:17

Na orio kindo muiwuta kui ideda ma kui iṟunda mukiwute mochisenda-ho rina lya Yesu Mndumii mowikya Ruwa Wande mwaano na mweke foke.

WAKOLOSE 4:2

Mutsinde kiterewyonyi; mulae nakyo chowe mochiaana Ruwa.

1TIMOTEO 2:1

Wulalu ngamtutuma kisongoe shose ke muterewe Ruwa muwe mochimbikya matu matu na ikukumba ndenyi tsake muimwaana. Muwike mudo mochiterewia wandu wose.

1TIMOTEO 5:5

Indi ichu ai mka mkusu o lohi aimdee amonyi o akusirie na Ruwa echitsinda shiterewionyi na shifuhionyi kio na mfiri.

1PETRO 4:7

Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

1PETRO 5:7

Mumdambikye mawina hanu hose kipfa nyi kimbode o kipfa kyanu.

1SAMWELI 1:15

Kyaindi Hana kamhaluo, “Chi wudopfo mndumii oko, inyi nyi mndumka njiwode mawukiwa hafoi; inyi ngamenyo mpfinyo manya wari wonanzapfo, shile njiwekeri iwia Mndumii-Ruwa ishi shikeri kunu mrimenyi foko.

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.

1SAMWELI 7:12

Numa Samweli kaira iho na ilihoṟotsa makidi hawi ha Mispa na Sheni, kadumbuya iholyo rina nyi Ebenezeri, kechihamba, “Mṟasa iya Mndumii-Ruwa amelutarama.”