WAFILIPI 4:3 - Bibilia Kui Mdedie fo Kimochi

³ Na iyo-se Sinzigo oko msalari, ngakuterewa na iyo uwaikanye nyiwo wawerianyi na inyi ikapanya ndumi ya sia ya okiio handu hamu na Klemensi na wakyando wako walya wengi wai-waṟehye marina hawo ipfo kitapunyi kya moo.

WAFILIPI 4:3 Iomraidhean Croise

SHIIMBO SHA DAWIDI 69:28

Uwaangatse ipfo kitapunyi kya moo, manya walasanzo na wenyi wucha.

IWUKA 32:32

Kyaindi wulalu, ngakuterewa uwahoṟie wunyamaṟi wowo. Shila wudo wuta rina lyako kitapunyi kyapfo.”

YESAYA 4:3

Nakyo kechiwa ke ulya echitsuhaa kiidi kya Sioni na ulya aledeo kiidi kya Yerusalemu, nechilaho ai Mwele; ke orio umu amṟehiye kiidi kya iwo wai na moo kiidi kya Yerusalemu;

EZEKIELI 13:9

Ambuya owoko loko nyi lukeri huye ya waikimbi wo waonguo mbonyi tsa wongo na tsekelemba, wechikaa wawese wanene wa wandu wakopfo, manya wechiṟehiyo ipfo mṟehonyi ha mba ya Israeli pfo, manya wechikaa waide na orukenyi lo Israeli pfo, na ikyo kechimuloṟa ke inyi nyi Mndumii-Ruwa.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

LUKA 10:20

Kya kake mulawone mochichihio ili mumuyo mbicho imbike shi yanu ikamuicho; indi chihionyi kya ili marina hanu hamaṟehie kulya ruwehu.”

WAROMA 12:1

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

WAROMA 16:12

Kenjiiṟikiṟyenyi Trufaina na Trifosa wawei wapfuṟukanyi wa Mndumii. Muwenjiiṟikiṟya Peri mkunde ichu awewinye mnu kya Mndumii.

WAROMA 16:9

Njiiṟikiṟyenyi Uribano mokyando oko o Kristo-hu na Stakisi mkunde oko.

WAFILIPI 1:12

Indi, wanawawama, njikundi mumanye ke mondu fulya foko fombuya iwiia ndumi ya sia ya okiio mweeke.

WAFILIPI 1:16

Iwo weonguo kui ikunda wo waichi njilee-ho kekapanya ndumi ya sia ya okiio,

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 1:5

Nyi kimaduma kya mlungie fonu muwode mokulungya ndumi ya sia ya okiio wokia mkonu foasa itane wulalu.

WAFILIPI 1:7

Nakyo nyi kinsumhanye njiwe mokumbuo njido kyanu mose kyamba njikuwode nanyo ngoonyi momba wakyando wako wa wutonga nyo mose ipfo mshenyi njiimpfunge nayo ma ipfo kundo njekapanya ndumi ya sia na iiwanza-ho.

WAFILIPI 4:2

Ngatutuma Euodia ngawetutuma Sintike ke wawe wechihia mhie fumu kui Mndumii.

WAKOLOSE 1:7

Nyi wudo mulelosho osaṟio lu lo Ruwa nyi Epafra mokyando chu odu mkunde ai mṟundi o Kristo momhendelya nyo.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.

OTAMBAHALUO LO YOHANE 20:12

Na ngamwambuo ngawewona wandu walya wang'anyi na walya watutu wahoṟoki oshangunyi lo loṟika lulya lo wuitoṟi. Na shitapu shikatambaṟuo. Kukawetambaṟuo na kitapu kingi, nkyo kitapu kya moo. Na wapfu walya wakaanduyo kyawo kisumhanye mawuto hawo haimaṟehye ipfo shitapunyi.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.

OTAMBAHALUO LO YOHANE 21:27

Indi orio kiwichuo kyose kyechiida nahopfo, manya mowuta kya wusutsu na kya wongo ote. Chila na walya wai-waṟehye ipfo kitapunyi kya moo kii kya Kidahina kilya wechiida napfo.

OTAMBAHALUO LO YOHANE 3:5

Wawinzi nyi wudo wechiṟiko nguwo njiili. Na marina hawo njechihaangatsa kitapunyi kya moopfo. Na inyi njechiwaṟingishia ke nyi wako oshangunyi lo Wande oko na oshangunyi lo wamalaika wake.’