WAFILIPI 4:19 - Bibilia Kui Mdedie fo Kimochi

¹⁹ Na Ruwa chu oko echimsumba nyo ishi muwuṟye shose kui wusuṟi woke womanyisha wuitoṟi wu wui na Kristo Yesu.

WAFILIPI 4:19 Iomraidhean Croise

MAWOOKIONYI 48:15

Kawikia Yosefu mboṟa, kahamba, “Ruwa ichu wande wako Abrahamu na Isaki walechumia oshangunyi loke, o Ruwa chu alenjiteteṟa ohendo lo moo foko fose mṟasa inu,

2SAMWELI 22:7

Kyaindi wukiwenyi woko ngalaha Ruwa; Nao akeri hekalunyi lyake kaicho ṟu lyako, Kifihiṟo kyako kikashika madunyi hake.

2MBONYI TSA MAHERI 18:13

Kyaindi Mikaya kamhaluo kambia, “Ngukulia nyamu, ko Mndumii-Ruwa menyi-mo, ke, kilya Mndumii-Ruwa oko echinjiwia, nyikyo njechikihamba.”

2MBONYI TSA MAHERI 31:8

Kiheri mangi Hezekia na wasongoru wake walewona shisangu shilya waleende chandu shiwefoi, walerumisha Mndumii-Ruwa na wandu wake wa Israeli.

NEHEMIA 5:19

Hoi Mndumii-Ruwa oko ke kumbuowo wusumhanyi wako njilewutia wandu wa.

NEHEMIA 9:15

Mandi walewodo nyi njaa, kowaihutsa ko kelya kiwukie ruwehu. Kiheri waleangaa, kowarutsa mṟinga fuwukie ihohu lya iṟaṟa. Kowewawia wawade oruka lulya ulewawikia kyasa.

SHIIMBO SHA DAWIDI 104:24

Hoi Mndumii, chando mawuto hapfo hafoi! Kui osaaṟe nolewika shose da; wuyana wuichuo masaa hapfo.

SHIIMBO SHA DAWIDI 130:7

Iyo Israeli, wedia Mndumii; kyamba ko Mndumii kuipfo osaṟio, na koke kuipfo okiṟo lufoi.

SHIIMBO SHA DAWIDI 36:8

Wechiihutso shinoru mmbenyi kopfo; na iyo nochiwarutsa meda fo sia tsapfo.

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

DANIELI 6:22

Ruwa oko naleduma wamalaika wake wakawada madumbu ha miiso ilanjiwutie ma kindo; kipfa kuwode kindo njilenyamaṟa ma kya mtambopfo mangi, ma oshangunyi lopfo pfo.”

MIKA 7:7

Kyaindi inyi njikusiria Mndumii-Ruwa, njiwedia Ruwa ai monjikiṟa; Ruwa oko nechinjiadanyia.

MALAKI 3:10

Endenyi mwano fusumhanyi kikumbinyi, kuwade kando mbenyi yako, munjiheshe mudo, Mndumii menyi Matoṟito ahamba, muwone kokoya njilechimupfunguya matiṟisha ha ruwehu na imsotsia mboṟa mtano mowuṟa handu hewika ang'u ote.

MATAYO 6:32

Kifa isho shose nyi wandu wa mbaṟi njihenu wekeshilalakia; indi Nde-anu o ipfo ruwehu na aichi ke nyi kimuwaṟi ishiwona.

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

YOHANE 20:27

Kiidima kawia Toma, “Keende-ng'u kimnyo kyapfo na aa noweambuya na mawoko hako, uweende na owoko lopfo noluwike aa owarinyi loko. Ma kulawe mlemeshi iidikya kya indi uwe mwidiki.”

WAROMA 1:8

Kya kuwoka ngaana Ruwa oko njikuwawie na Yesu Kristo kimaduma kyanu mose kyamba wuidiki wonu wukeri ihambo wuyana kose.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

WAROMA 8:18

Kyamba ngahamba mawawiyo ha ki-wulalu halaṟingananyi na wuitoṟi wulya lochikaa luwutambaṟuyo.

WAROMA 9:23

Nyi kundu nawemanyishya-ho mfoe fo wuitoṟi woke alya shihie-hu shirio nyi wutonga woke isho alesonguo ishiteseheṟya wuitoṟi wulya.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

WAEFESO 1:18

Nao nawe moitsa sa ipfo ngoonyi tsanu kundu mumanye kilya kyakunda iwedyo kimcheye na ndaho yake muwemanya mfeṟa fo wusuṟi wo wuitoṟi wo kyoṟa ateseheṟye waele.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

WAEFESO 2:7

Nyi wudo aleloṟa wandu wa maheri halya haitikiria mfeṟa welu fo wutonga woke kui wucha iwu ailuwutya so lui walungye Kristo Yesu.

WAEFESO 3:16

Kundu kui kisumbyonyi kya wuitoṟi woke namwenenge muhende iṟamtsyo pfinya ipfo wumndunyi wo kya mba kui Mumuyo oke.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAFILIPI 4:7

Na ofoṟo lo Ruwa ilu lung'anye mahio hose nyilo lochiringa ngoo tsanu na makusaṟo hanu mui-walunge na Kristo Yesu.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

WAKOLOSE 3:16

Dedo lya Kristo likae ipfo konu na mfeṟa folyo fose, Muwe mochifundana na iikimbana wuṟango wose. Mochiimbya Ruwa ipfo ngoo tsanu shiimbo sheterewa na sheṟumisha na shiimbo shi shiamtse nyi Mumuyo shehamba wutonga wu.

1WATESALONYIKYE 2:12

Na imkarisha nyo na imtutuma cha mndu wande ekewutya mana, kundu muchumie mchumie isumhanye Ruwa ichu alemulahya nyo wumangi wulya woke na wuitoṟi.

1TIMOTEO 6:17

Iiwa wawode masaa hafoi maheri ha kiwulalu uwawawasie ke walakusaṟe kyekaa mdonyi, ma walakusirie na wusuṟi wo masaa wokeweṟuka weṟu indi na Ruwa ichu aluinengye shose kui nguka shelisiṟa moo.

FILEMONYI 1:4

Njikeri iana Ruwa oko mandi hose njekukumbuo iyo Filemonyi shiterewonyi shako.

1PETRO 5:1

Wulalu wameku walya wakeri ipfo konu wo ngawatutuma njii meku chawo na moriso o mawawyo ha Kristo na mokita o wuitoṟi wulya wurie ihenda itambaṟukyo.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.