WAFILIPI 3:2 - Bibilia Kui Mdedie fo Kimochi

² Ringenyi wai mashite, keweringenyi wewuta sha wuwicho muwe moringa weweha wotahacha.

WAFILIPI 3:2 Iomraidhean Croise

SHIIMBO SHA DAWIDI 119:115

Lanye wewuta mawicho, njiwukenyi, njikuwade na mawawaso ha Ruwa oko.

SHIIMBO SHA DAWIDI 22:16

Kipfa shite shinjiṟingichye; Kisanzyo kya wambafu kyanjichiinga, Wanjipfunga mawoko na madende.

SHIIMBO SHA DAWIDI 22:20

Nonjiletse mrima foko na oshu,, Na pfinya tsa kite mkunde oko.

MFANANO 26:11

Chandu kite kekewuuya odaiko lokyo, Na wudo tondo lyekewuta-se wutondo

MATAYO 24:10

Nalyo kukaepfo wandu sa wafoi wesukyo na iṟingyana na isuana.

MATAYO 7:15

“Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

MATAYO 7:6

Ikyo kii-kyele ma mlakumbie makite, na mṟao fonu fo kiweṟe ma mlakumbie nguwe fuchumo-chumo nyi madende hatso numa tsifurumie ihaluka tsimtufuo-tufuo.”

WAROMA 2:28

Kyamba Myuda chi ichu afanyi Myuda kya nja-pfo manya odino lo Myuda chi ilu luwonyo ludo ipfo nyamenyipfo.

2 WAKORINTO 11:13

Kyamba wandu chawo wakeri wasu wa wongo, waṟundi walembeshi, wekuhaluo mfano fo wasu wa Kristo wawenyi.

WAGALATIA 5:13

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

WAGALATIA 5:15

Kya indi kokoya motufuana na iimadana ke-ambuyenyi mulawone mochimeṟana muwenyi na wenyi.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAFILIPI 3:19

Hando wakeri ikushitsya-ho wawenyi ipfo odetsonyi ndewu nyiyo Ruwa owo, kiṟumi kyawo kiwaendye wuṟenze, nawo nyiwo wekekumbuo shikeri sha wanda ii.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

1TIMOTEO 1:19

Uwode wuidiki na ngo njihoṟotsu tsa mrimenyi. Kyatso maata-ho waletsikumba wakawewunduka na wuidiki wowo.

TITO 1:16

Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

2PETRO 2:22

Kikawewahoya kya mfanano fulya fohamba, “Kite kyekewuya-madaiko hakyo kimenyi na kila kingi kehamba, ‘Nguwe nsanje yekusinga kundo kupochikye.’” Nyi wudo kii kowo.

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.

OTAMBAHALUO LO YOHANE 2:9

Njiichi matuuro hapfo na wukiwa wopfo, kya indi nyi ui msuṟi. Njiichi na shirumo walekuruma walya wakuhamba ke wai Wayuda nawo walai Wayuda kya indi wakeri siṟi ya Satana!

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.