WAFILIPI 3:12 - Bibilia Kui Mdedie fo Kimochi

¹² Manya njilemshika ilikoya ma imarisikia ichiapfo kya indi ngakulasa na njia kulako njechiliwada kitewe nyi kipfa njilembado nyi Kristo Yesu.

WAFILIPI 3:12 Iomraidhean Croise

YOBU 17:9

Indi mndu o lohi nechichumia njienyi tsake, na awode mecha neengeṟa iwada pfinya.

SHIIMBO SHA DAWIDI 119:5

Njiwekundi njia tsako tsiwe njihoṟotsu, Njiindie mawawaso hapfo.

SHIIMBO SHA DAWIDI 138:8

Mndumii nechinjiawutsia mbonyi tsako; Hoi Mndumii, wuoloru wopfo nyi wo mlungana. Manya kulade maṟunda ha mawoko hapfo.

SHIIMBO SHA DAWIDI 42:1

Chando sariha iwodo nyi oṟoo lo meda ya mṟinga, Nyi wudong'u mrima foko fukuwodie macha, Iyo Ruwa!

SHIIMBO SHA DAWIDI 63:8

Mrima foko fukuosha mnu; owoko lopfo lulyo lonjiwanza.

SHIIMBO SHA DAWIDI 84:2

Mrima foko fuwodo mnu nyi macha na mfiṟiha fo Mndumii-Ruwa! Ee da na ifumeṟia mada. Ngoo yako na mbihu foko, shikeri ifihiṟia Ruwachu ai na moo.

SHIIMBO SHA DAWIDI 94:15

Kipfa mwanduye fochiwuuya wukiilohi, na wose wawode wuhoṟotsu wo mrima wechiwuosha.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YESAYA 51:1

“Njiadanyienyi, nyo muishiha kilya kisumuhanyi; nyo mui ishiha Mndumii; ambuyeni iṟaṟa lilya mulewutoho kui ilitsana, na ṟungu lilya mulewutoho kui ilisuma.

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

MATAYO 5:48

Kyasia, wenyi wandu waholokie wucha, chando na Nde-anuo ipfo ruwehu aholokie wucha!”

MAWUTO HA WASU 9:15

Kya indi Mndumii kambia, “Wada njia uhende-pfo, kyamba o ichu nyi anjikerye kisha kyako ndekisambuṟa nahende iduo rina lyako sumuhana na wandu wa masangeny na wamangi na wana wa isiraeli.

WAROMA 8:39

Ma kilya kikuilikishye ngine-hu ma kilya kisokie ipfo shi ma mbika ingi njiwe shilechiidima iluletsana na mkundana fo Ruwa alukundi nafo furianyi na Kristo Yesu Mndumii odu.

1 WAKORINTO 13:10

Kya indi ili mandi wuholotsi wulya womcha na mbetesa yechisia nawo.

1 WAKORINTO 13:12

Kiheri kya wulalu lushiwonyi cha mfano ya kilolenyi shii mangeṟingesha, indi kiheri kya numa lochishiwona oshangu kui oshangu; kiheri kya wulalu imanya lyako likeri lya mbetesa, kya indi ili numa njechikimanya kyose chando na inyi ngamanyo.

1 WAKORINTO 9:24

A mulaichi ke walya wetangyana kya ikapa mteeṟa nyi wekewikya mteeṟa ipfo pate-hu wose, kya indi mokoya kirekyo kilya nyi umu. Wikyenyi-ng'u mudo mteeṟa kundu mukiwade.

2 WAKORINTO 13:9

Kyamba nyi kyaluinenga sia ili so lui wafafa nanyo mukawanga. Na kilya luiterewa kikeri kile, ke muhendesungusika.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

WAGALATIA 5:17

Cha kipfa kilya kii nyama nyi kilehanyi na Mumuyo, na mumuyo nyi alehanyi na kilya kii nyama. Isho shi shiwi shewikyana kitumuo kikatewa mulawute iki murie iwuta.

WAEFESO 1:4

Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.

WAEFESO 4:12

Keteseheṟa wandu wa Ruwa kya oṟundo lo Kristo shyaando shewika mbihu fo Kristo,

WAFILIPI 1:1

So Paulo na Timoteo lu masinga ha Kristo Yesu loiṟikiṟa waele wai Kristo-hu Yesu wa ipfo Filipi wose wai-wasanze na watarami weambuya siṟi.

WAFILIPI 3:16

Aka-wo oondo lushikye itisiki lutisiki.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

1WATESALONYIKYE 5:15

Muambuye-ho kundu na mndu nalawone echitaya ungi kiwicho alembutya na kiwicho kyake o aimbutya, indi mutambahanye kiheri kyose iwutiana kilya kii kicha, muwe mokiwutya na wengi wose.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

1TIMOTEO 5:10

Nawe mṟingishie kui mawuto mecha ili ametoṟishya wana ili ameekya necha wahenu ili amesanja waele walya madende ili ameikanya wafoye ili amewinya orio ṟunda icha lyose.

1TIMOTEO 6:19

Wechikusanya wawenyi kisa kiwe kechiwawiia kiwanja kicha maheri halya hecha, kundu wakuwonye moo fulya fui moo lohi.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

WAEBRANIA 12:23

Na renge na siṟi ya wawee waiwaṟehie ipfo ruwehu na Ruwa moanduya wandu wose na mumuyo ya wasumhanyi walya wai-waawutsie.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

YAKOBO 3:2

Kyamba so lose piu lokedeko kafoi. Kokoya kwipfo aladeko ili echideda ichu awei msoṟo msanze na kamu aidima yaapfinya na mbihu fose.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.