WAFILIPI 3:10 - Bibilia Kui Mdedie fo Kimochi

¹⁰ Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAFILIPI 3:10 Iomraidhean Croise

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

MATAYO 20:23

Kawawia, “Kirahunyi kyako na mochinyoya-ho. Kya indi idamya ora loko lo kulyo ma lo kumoso kyalyo chi kyako kyeinenga mndupfo. Nyi lyawa lya walya wai wasuṟumye nyi Wande.”

YOHANE 10:18

Ma kwipfo aifunjisokapfo kya indi nyi ngafulekya kui ikunda lyako njimonyi. Nyi njiwode pfinya ya ifulekya, njiwewode na pfinya ya ifuwada-se. Nyi wudo wande oko alenjiwawasia njiṟunde.”

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

WAROMA 8:17

Indi kyamba so lukeri wana wa Ruwa nyi lui na waoṟi luchiambia mboṟa tsa Ruwa; lukamba waoṟi nyi lui na waoṟi weoṟa hamu na Kristo kiwe lohenda ikisokiso nao kundu lushike iwiko na wuitoṟinyi wumu nao.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

WAROMA 8:36

Kihendekye chando kii-kiṟehye, “Nyi kitewe kyapfo loanga mowoho taṟaraa puti; lukatano cha ili lui machondi heshinja.”

2 WAKORINTO 1:10

Nyio aleluletsa ndenga ya opfu luwicho ludi na iletsa echiletsa. Nyio luwekumsirie ke echiengeṟa ilutetsa.

2 WAKORINTO 1:5

Kipfa chando so luifeṟyo mawawio kya Kristo na wudo kiwihiṟa moo kiilufoya kui Kristo.

2 WAKORINTO 13:4

Kyamba ma kikawa alewambyo msalabe-hu arie wufafa kya indi ai-ho na moo arie pfinya ya Ruwa. Natso na luifafaa lukuwodye nao, kya indi lochikaa-ho na moo lurianyi nao kui pfinya ya Ruwa yekuloṟa nanyo.

WAGALATIA 2:20

Wulalu-le chio inyi njikukerye-se na moopfo, kya indi mokaa na moo kui mbikye foko nyio Kristo. Moo fu fo nyamenyi njikikeri-se nafo njifurie njikuwode na Mana o Ruwa nao nyio anjikundi katana akudambikya opfunyi enkaya-pfo inyi.

WAGALATIA 6:17

Nahong'u mulakiengeṟe injiwinyisha na shindo kyamba njirie shichano sha Yesu shii shitochye mbihunyi foko.

WAEFESO 4:13

itane loshika ikoya so lose wukimu wo wuidiki na wo imanya Mana chu o Ruwa; luwe wasoṟo wasanze wechia wose msanze mochia ose watoṟikye welu ya wusuṟi wo Kristo.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

WAKOLOSE 2:13

Kawemtana nanyo muwade moo fumu kimu nao nyo muwei wapfu kui manyamaṟo na kui wundaka wo nyama tsanu echimhoṟya manyamaṟo hanu hose.

WAKOLOSE 3:1

Mukameṟutso kimu na Kristo ke-walyenyi shiipfo huye, ipfo kundo Kristo ai adamye owokonyi lo kulyo lo Ruwa.

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.

2PETRO 1:13

Indi ngahamba nyi kisumhanyi njiwe njechimwamtsa-amtsa kui imkumbuṟya ilindi njikeri iya wuyana.

1YOHANE 2:3

Na hando lokuwutya-ho imanya ke lomemmanya o nyi ili luihendelya mawawaso ha Ruwa.

1YOHANE 2:5

Indi Mokihendelya dedo lyake lohi, ipfo koke ikunda Ruwa lyamshika yawukya. Lyo lyaluenenga imanya ke lohi lukulungye nao.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.