WAFILIPI 3:1 - Bibilia Kui Mdedie fo Kimochi

¹ Lyefurumia, wanawawama wako, ke-chihionyi kui Mndumii. Ili ngamusumutsa njidi lyo lyanjipfulutsa inyipfo kya indi lyamfeṟya nyo owanzo.

WAFILIPI 3:1 Iomraidhean Croise

1MBONYI TSA MAHERI 15:28

Kyasia, Waisraeli wose wakaduo isanduku lilya lya mkundana lya Ruwa Yerusalemu wai na sia ing'anyi, wechishina na ikapa ombe, membe, matoasi, na ṟu lying'anyi lya shinanda na shinubi.

1MBONYI TSA MAHERI 16:10

Kuichikenyi mnu kipfa kya rina lyake liele; Walya wakundi Mndumii-Ruwa wachihiyo.

1MBONYI TSA MAHERI 29:22

Wandu walya wakachihiyo mnu, wakalya na inyo oshangunyi lo Mndumii-Ruwa. Mkonu na fulya, wakaṟika Solomoni mana o Dawidi, oṟo ya wumangi lya kawi, na impusia mafuda mdonyi oshangunyi lo Mndumii-Ruwa, nawe mangi yawo. Wakawepusia Sadoki mafuda nawe mkohanyi owo.

NEHEMIA 8:10

Hendenyi kanyi konu musungusie mfuho fung'anyi, mukulie shindo shinoru, muwekunyoya na mvinyo sa mcha, kyaindi ambuyenyi muwekumbuo iinenga walya walawode kishikie, kyamba mkonufo nyi fukeri mwele ko Mndumii-Ruwa odu manya mulawone mochisumukia kyamba sia yo Mndumii-Ruwa amwinenga nyi yo pfinya yanu.

YOBU 22:26

naalyo ochichihiṟa kiidi kya Mndumii-Ruwa na iiriya kyamu kyapfo ko Ruwa.

SHIIMBO SHA DAWIDI 149:2

Israeli nachihio nyi Icho alembika, wana wa Sioni wakapie mangi yawo, ngululu.

SHIIMBO SHA DAWIDI 32:11

Chihiyonyi kipfa kya Mndumii Kesenyi, nyo wenyi wusumhanyi; Kapenyi ngululu tsa sia; Nyo mose mui wahoṟotsu wo mrima.

SHIIMBO SHA DAWIDI 33:1

Kapyenyi Mndumii ngululu, nyo wenyi wusumhanyi! Iṟumisha liwaṟi wahoṟotsu wa mrima.

SHIIMBO SHA DAWIDI 37:4

Na Iyo nyochikuchihiṟa ko Mndumii. Nao nyiechikuinenga kilya ngoo yapfo ilangie.

SHIIMBO SHA DAWIDI 42:4

Njikumburie isho kipfa mrima foko fui mlalutsu na pata kiidi kyako, chando mbehenda na kisanzio kya wandu, na iwaduo mbenyi ya Ruwa, Kui maṟu heana na ikesa, kisanzio kinene.

SHIIMBO SHA DAWIDI 5:11

Iwo wose wekekudichia wechichihiyo; Wechikapa ngululu tsa sia mlungana. Kya iyo nyi okewaringa walya wakundi rina lyapfo wechikesa kyapfo.

SHIIMBO SHA DAWIDI 97:1

Mndumii naikolonyie! Wuyana wuadapfume! Shianda shifoi shichihio!

YESAYA 41:16

Nochiwaela nawo wadao nyi otanu; otanu sa lwapfinya lochiwarahanyitsa; na iyo nochichihiṟo nyi Mndumii, nochikuṟumisha kiidi kya Mwele o Israeli.

YESAYA 61:10

Njechichihiyo mnu kiidi kya Mndumii, mrima foko fochikesa kiidi kya Ruwa oko; kipfa nanjiṟikie maṟao ha okiṟo, kanjishikia na nguwo ya wusumhanyi, chandu menyi walyi ekekusungusia kui kofia ya shiwaṟo, na mpora chando ekekusungusia na shindo sha sahabu.

YESAYA 65:14

ambuya waṟundi wako wechiimba na sia ya mrima, kyaindi nyo nyi mochifuha muiwasokionyi fowa ya mrima; nyi mochifihiṟa mnu kipfa kya fowa ya ngoo tsanu.

YOELI 2:23

“Chihiyonyi nyo wana wa Sioni, kapenyi ngululu cha kipfa, Mndumii-Ruwa, Ruwa onu, amemuinenga mvuo ya kisie, amemuinenga mvuo ishikie ; mvuo ya kisie na fuli chandu kuwei kuwoka.

SEFANIA 3:14

Imba, iyo mana o Sioni, Kapa ngululu iyo Israeli; Chihio na ifuda na Mrima fopfo fose Iyo Yerusalemu;

SEFANIA 3:17

Mndumii-Ruwa opfo, nai kiidi kya mbahanyi echiidima ikiṟa. Nechikukesekia na sia ing'anyi, Nekutsia ikundenyi lyake, nechikuchihiṟo na shiimbo.

ZEKARIA 10:7

Na wandu wa Efraimu wechiwa wakari, mrima fowo fochichihiyo cha inyo mvinyo; wana wawo wechiwona shindoshi wachihiyo, mrima yawo yechikesa kya Mndumii.

MATAYO 5:12

Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

LUKA 1:47

Na mumuyo foko fukakesekia Ruwa ai mkiṟa oko.

WAROMA 5:11

Manya chi ikyo lukuwawye na Mndumii odu Yesu Kristo lukamaa yambya mwoloṟye-fu wulalu kui mweke foke.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

WAEFESO 6:10

Kya shingi shose mukuwanzye Mndumii-hu na wunene-hu wo pfinya tsake.

NGUMBUO YA MAWAWASO 12:18

Indi mochishiliia oshangunyi lo Mndumii-Ruwa, Ruwa onu, handu Mndumii-Ruwa, Ruwa onu echisambuṟa. Mochishilya nyo na wana wanu wa kika na wa kisoṟo waṟundi wanu na shisinga shanu, na Walewi wekekaa mṟinyi yanu.

NGUMBUO YA MAWAWASO 16:11

Mochichihio oshangunyi lo Mndumii-Ruwa, Ruwa onu, nyo hamu na wana wanu na wana wanu wa kika, waṟundi wanu, Walewi, wahenu, wangoeda na wakusu wai hamu nanyo. Wutienyi ishi handu Mndumii-Ruwa Ruwa onu echisambuṟa iwikaho rina lyake.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

WAFILIPI 4:4

Kechihiyonyi shiheri shose ngawuya ihamba chihiyonyi mui-walunge na Mndumii.

WAFILIPI 4:8

Lyefurumia, nyo wanawawama, orio kii kya lohi, orio kii na sonu njicha, orio kii kihorotsu, orio ki kiharami, orio kichihianyi orio kisongowia, maa kui-ho kya opfudi na wuhoneri kyasho muhane-hane necha.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1WATESALONYIKYE 5:16

Chihionyi kiheri kyose.

YAKOBO 1:2

Wanawawama wako, kokoya moshika ihoyo shihesho shiwe na shiwe, iki mukitane sia ii njenyi.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:13

Kya indi ili muisanzyo Kristo mawawio hake ikyo kimwenenge muhende ichihio kya sia yanu ya ipfo mawonesyonyi ha wuitoṟi woke lyondi mochikapa ngululu.

2PETRO 3:1

Nyo mui wakunde wako, paruo ii ngamṟehya nyo nyi ya kawi. Njimwamtsie natso mhie fulya msalari njechimtamuṟya-ho mbonyi tsi.

1SAMWELI 2:1

Nahong'u Hana katerewa kechihamba: Ngakapia Mndumii-Ruwa ngululu, mrimenyi foko. Njiṟumisha Mndumii-Ruwa ai pfinya yako, Njiseka wakituwa wako; kyamba njichihio kya wuwinzi woko.