WAFILIPI 2:9 - Bibilia Kui Mdedie fo Kimochi

⁹ Nkyo kimaduma nao Ruwa amng'anyishye adi kamsumba rina ling'anye orio rina lingi lyose.

WAFILIPI 2:9 Iomraidhean Croise

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

SHIIMBO SHA DAWIDI 110:1

Idedo lya Mndumii ko mndumii oko: “Nodamie owoko loko lo kulyo, tane ngawika wakituwa wapfo, ikaa shi ya madende hapfo.”

SHIIMBO SHA DAWIDI 110:5

Mndumii nakeri owoko lopfo lo kulyo; nechipoṟipotsa wamangi, mfiri fo tuke yake.

SHIIMBO SHA DAWIDI 89:27

Na inyi njechimsumba nawe wuwee woko; nakae huye mnu kota wamangi wa wuyana.

SHIIMBO SHA DAWIDI 91:14

Kipfa kya ili alewanza injikunda; njechimkiṟa; na imbika handu kukuirie huye, kipfa alenjimanya Rina lyako.

YESAYA 52:13

“Ambuya mṟundi oko nechiwuta na wuṟango, nechiṟumisho, na iirio huye, nao nechikaa huye mnu.

YESAYA 53:12

Ko ikyo njechimhawia mooko foke hamu na wanene, Nawehawa shicheye shidenyi hamu na walya wai mbahanyi, Kipfa nalereka moo foke itane opfu, Katalio kimu na wadeko. Nalekudika manyamaṟo ha wandu wafoi Na iterewia wadeko.”

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

DANIELI 7:14

Nao kainengo wuitoṟi na kiṟumi na wumangi, kundu wandu wa mbaṟi tsose, na mkambo yose, na shishomo shose wamṟundie, wuitoṟi woke nyi wuitoṟi wo mlungana; wulechikaa wuide, na wumangi woke nyi wumangi wulechiwa irumatso.”

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 13:3

Nao Yesu aweichi ke nyi Wande amaa imdambikya shindo shose mawokonyi hake, na ipfo ko Ruwa nyipfondo acheye, na ipfo ko Ruwa mfondo aiwuya napfo.

YOHANE 17:11

Na inyi njikikeri-se kunu wuyanapfo. Nawo na kunu wuyana wakeri. Nao inyi nyi ikucheya na kopfo njii. Hoi Wande Mwele! Waringe wakae na rina lyo lyapfo, ilyo ulenjinenga inyi, kundu nawo wawe wamu chandu naso lui wamu.

YOHANE 17:12

Mandi njiwei nawo njilewa mowaringa wawe weindya rina lyo lyapfo ulenjienenga. Nyi njiwepfo njewalaya choowe, ma kwipfo umu owo aledekapfo shile nyi mana chu o odetso kundu kidedo kilya Kiele kiinukie.

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

WAEFESO 1:10

Na wudo awekuteseheṟye koke amonyi ke maheri haawutsyo nawike-ho wuiṟicha echiwikya mbika ii yose mdo fumu. Nafo nyio Kristo, ya ruwehu na iya wanda ii isanzyo ipfo koke o.

WAKOLOSE 1:18

Nao ai mdo fo mbihu foke mfo siṟi. O ai moasa, mboki o moo fo mbihu fo. O nyi Mana mbee aṟukiye wapfunyi, kundu nawe mosongoya shose o amonyi.

2WATESALONYIKYE 1:12

Kundu rina lya Mndumii odu Yesu likuwutie konu iichiko, nanyo muweichiko lyiwukie koke kisumhanye wutonga wo Ruwa na wo Mndumii Yesu Kristo.

WAEBRANIA 1:4

Finya alewa moidya nayo wasu walya waele isumhanye rina aledumbuyo kui kyoṟa ling'anye hawo.

WAEBRANIA 1:9

Ulekunda wuhoṟotsu kowesuo wumbafu. Nkyo kimarete Ruwa alekushimbuo, nyio Ruwa opfo kakushimbuo na mafuda hekapyo ngoru tsiidye waodoya wapfo.”

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 2:9

Indi ichu awemnyiṟye wasu kiheri kyangu lumbonyi nyio Yesu ai mruwie mdohu foke wuitoṟi na kiichiko kimaduma kya mawawio ha opfu, ili esonja opfu akaya-ho wose kui wutonga wo Ruwa.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.

2PETRO 1:17

Kyamba o aleambya wuindi na wuitoṟi wuwukye ko Ruwa Wande, matika halya ṟu lilemchea liche ipfo wuitoṟinyi wo huya shose likadeda lidi, “Ichu ai Manoko sa mkunde, achihianyi na inyi.”

3YOHANE 1:7

Kipfa wambuka kanyi kimaduma kya iṟundia Kristo walechiambya kindo ko wandu walaidikye.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.

OTAMBAHALUO LO YOHANE 5:12

Wakadeda na ṟu ling'anyi wehamba, “Kidahina ki kiwei kishinje kyo nyi kiisumhanyi yambya wukolonyi na wusuṟi na wuṟango na pfinya na wuindi na wuitoṟi na iwikyo kiichiko.”