WAFILIPI 2:3 - Bibilia Kui Mdedie fo Kimochi

³ Ma mulawone moamtsa shida ya nda mulakunyashe nekushela, kya indi orio onu natane odoe msongoru muwe mokunyiiṟa mudi mose.

WAFILIPI 2:3 Iomraidhean Croise

MFANANO 13:10

Orikiki lochiende marekiano; Indi wuṟango wochikaa na wechila.

LUKA 18:14

Kyasia nyi ngamuwia, ‘Ichu nyi alesoka na kanyi koke amsumuhantse kota ulya.’ Chakipfa orio mokung'anyisha amonyi, nyi echinyiiṟo, na mokunyiiṟa amonyi, nyi eching'anyisho.”

WAROMA 12:10

Mkundana fonu fokundana fuwe fo wakanyi kamu, ngapano moira iwe yewikyana wuindi.

WAROMA 13:13

Luchumie lui na sonu njicha tsisumhanye mfiri, lulawone lokaa na tsilya mbicho tsa ṟinginyi ma tsa wunanzinyi ma tsa wumeluki ma tsa sheeṟe ma tsa isohuo mondu ma tsa idosa nyashi.

WAROMA 2:8

Indi iwo wengi wawode ikukunda walaidikie kilya kiilohi indi wakaidikia mawicho wo wechihoyo nyashi na tuuke ya Ruwa.

1 WAKORINTO 15:9

Kyamba inyi nyi mtutu o wasu ndaiho molaho msu kipfa nyi ndewa mokisakisa siri ya Ruwa.

1 WAKORINTO 3:3

Kyamba ma wulalu da mukeri-se wa-kimbihu. Kyamba ili ipfo konu kuwode wunyenyi na wuṟingi chi mui wa-kimbihu mochikuhendeshya mbaṟi ya kiwandu?

2 WAKORINTO 12:20

Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo.

WAGALATIA 5:15

Kya indi kokoya motufuana na iimadana ke-ambuyenyi mulawone mochimeṟana muwenyi na wenyi.

WAGALATIA 5:26

Lulakushele na shindo sha maai lochianduyana na inyeng'ana luwenyi na wenyi.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAEFESO 5:21

Muwe mochikunyiṟyana ipfo makambenyi hanu muwodo nyi wuowu woowuo Kristo.

WAFILIPI 2:14

Kewewutenyi shindo shose mulechinunuwa ma ipfio nyi mdo.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

WAKOLOSE 3:8

Indi wulalu nanyo kimuwaṟi muhendekuatuo isho shose, nyashi, lango wuwicho, mkuchu, wusutsu, madedo ha sheeṟe halawukye dumbunyi lyanu.

1TIMOTEO 6:4

Ichu aimlahutse, alaichi kindo indi aluye mrima kui kitoṟongocho kya mahio na pfumu lya njolimi, nyihondo kowuka wunyeng'i na mlusano, na shirumo na mawewedo mawicho;

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.