WAFILIPI 2:26 - Bibilia Kui Mdedie fo Kimochi

²⁶ Nyi kipfa awodo m macha kyanu mose kawuko m madima nyi ili momwicho ke nyi amluo.

WAFILIPI 2:26 Iomraidhean Croise

2SAMWELI 13:39

Kyasia Dawidi amewuyo nyi moo kya opfu lo mana oke o Amnoni, kalanga iwona mana oke Absalomu.

2SAMWELI 24:17

Kyasia, Dawidi kahenda iwona msu ulya o Ruwa awekeri iwaha wandu, kawia Ruwa, “Ambuya inyi nyio njiwode mti? Nyi inyi njimonyi ngakudekio iyo? Wandu wa wawode mti pfo. Ngakuterewa nonjikape inyi na wa oshari loko.”

YOBU 9:27

Ngahamba: ‘Njechihadima kieṟeṟo kyako, njiwuteho kyamu kyako kya fowa njiwade sia!’

SHIIMBO SHA DAWIDI 69:20

Iwonyo lyo lyanjiwaha mrima, na inyi ngarohio mnu. Ngaweda kulako kocha monjiichio wukiwa, ndawone; Na monjiwihiṟia moo, ndawone mndu.

MFANANO 12:25

Mndu amsokie fowa, mrima foke fochihongoma; Indi idedo licha lechichihiṟa.

YESAYA 61:3

iwia iwo waifuha kiidi kya Sioni, wainengo oṟo ya shiwaṟo walekane na ifu, wakushie mafuda handu ha ikapa kilio, maṟao ha wuitoṟi handu ha mrima fukuinadie; kundu walaho nyi mashidi ha wusumhanyi, hai madonge nyi Mndumii kundu nang'anyisho.

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

MATAYO 26:37

Nao kahenda arie Petro na wana walya wa Sebedayo wa wawi kawoka isokyo nyi fowa na iṟeweṟewe.

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

WAROMA 1:11

Kyamba njiwodo macha hewonana nanyo njimwendie kemuwanza kii-kiwike nyi Mumuyo.

WAROMA 12:15

Kewechihionyi kimu na iwo wawachihie, muwelia na iwo welia.

WAROMA 9:2

Ke njiwodo mnu mfowa na mawawio ipfo ngoonyi na wukiwa wochitochatocha kitsitsi kipfa kya wandu wako lui samu imu.

1 WAKORINTO 12:26

Na kokoya kiwungo kimu kyahenda iwawyo shingi shose shawayo hamu nakyo; kokoya kuipfo kiwungo kyawikyo mng'ano shahenda ichihio hamu nakyo shose.

2 WAKORINTO 9:14

Na iterewa wechimterewya wamuwodyo m maacha kya wutonga wo Ruwa wumpfumbukye nyo.

WAGALATIA 6:2

Mudaṟane mhanda muwenyi na wenyi. Mukawuta mudo nyi mowika-ho kilya Kristo aluwawasye.

WAEFESO 3:13

Ikyo nyikyo ngaterewa mulahende iwichuyo kipfa kya shiwira shako ngalisyo kipfa kyanu, nasho shikeri imwendye kiṟumi.

WAFILIPI 1:3

Orio mandi ngamkumbuo nyo njekeana Ruwa.

WAFILIPI 1:8

Kipfa Ruwa akuichye chando njiwodo nanyo mmacha mose kui mweṟeṟukye fo Kristo Yesu.

WAFILIPI 2:25

Kya indi ngamhamba nyi kinjiwari kyemdumya manowama chu Epafrodito ai mokyando na mongao oko kawewa msu onu monjiendie shilya sheluya moo.

WAFILIPI 2:27

Kyakyo na kya lohi aweluo kakiṟa henda ipfa, kya indi Ruwa kawuya imsaṟya. Manya chi o amonyi lesaṟyapfo nao inyi, kundu njilahoyo mbadiko na mbadiko.

WAFILIPI 4:1

Nanyo wanawawama wako njimkundi, ngawewado nanyo nyi meṟeṟuko nyo mui msiha foko na otariche loko, kaenyi muhoroki chimu kui Mndumii, wakunde wako.

1PETRO 1:6

Chihionyi kya ikyo mochikapa ngululu, ma ili muiliso wukiwa kui shiheshyo shiwe na shiwe kipfa kimuwaṟi kiheri ki kyangu.