WAFILIPI 2:21 - Bibilia Kui Mdedie fo Kimochi

²¹ Kyamba waiwinya wose shilya shii shawo chi shilya shii sha Kristo Yesu.

WAFILIPI 2:21 Iomraidhean Croise

2WAMANGI 12:6

Kukaida maka makumi hawi na iṟaṟu (23) ya wumangi wo Yoashi, wakohanyi wawemewoke ma ikusaṟa kya isungusia mba ya iwewundukie-pfo.

YESAYA 56:11

Shite sho shiwode wuumu, shekeihudapfo, na iwo nyi walisi walechiidima imanya idedo; wose piu wahalukie kihadi, waoshe njia tsawo wawenyi, orio umu kui kiira kyake, wuka njora tsose.

MALAKI 1:10

“Nanga kokoya kuwewode mndu moshinga mongo; mulache iatsa modo fo wulya kitaṟenyi kyako kedasia! Njimchihie kyanupfo, manya shidaso shawuka mawokonyi hanupfo, Mndumii Menyi Matoṟito ahamba.

MATAYO 16:24

Nalyo Yesu kawia walya wa kiloshionyi kyake, “Ichu echikunda icha na inyi iya num-ko naa nakukane amonyi nakudike na msalaba foke nache oshana na inyi.

LUKA 14:26

“Mndu kacha na koko, alasuo ndee na mae na mka na wana wake na wanawamae wa kyumi na wa kika na mrima foke amonyi, echiidima iwa mloshe okopfo.

MAWUTO HA WASU 13:13

Kikasia Paulo na wodoe wakaira kyaṟo kya ngalawenyi wawuka kulya Pafo wakashika kulya Perga orukenyi lo Pamfilia. Yohane kalekana nawo kawuya na Yerusalemu.

MAWUTO HA WASU 15:38

Kya indi Paulo kahamba ke ichu alepaṟakana nawo kulya Pamfilia alatsinda nawo kyandonyi asumuhanyi ihenda nawopfo.

1 WAKORINTO 10:24

Ma mndu nalawone kechipfula kilya kichihianyi nao amonyi, kya indi napfule kichihianyi na odoe.

1 WAKORINTO 10:33

Chando nao inyi nyekechihiana na wose kya shindo shose njilaipfula kilya kinchihiṟye inyi indi kilya kichihiṟye walya wafoi kundu wahende ikiṟo.

1 WAKORINTO 13:5

Malikutumbashielyo. Ikunda chi litahachye sonulyo, ma lyekepfula kiira kyalyopfo, ma lyechiwa itawishotawishopfo, ma lyekeitalya mawicholyo.

2 WAKORINTO 1:5

Kipfa chando so luifeṟyo mawawio kya Kristo na wudo kiwihiṟa moo kiilufoya kui Kristo.

WAFILIPI 2:4

Kulakae echitukuya kilya kii kyake kii-kyenyi kya indi mutaramane iringa kii kya odoya.

2TIMOTEO 1:15

Na uichi ke walya waiiya Asia walenjidicha wose waata wawo nyi Figelo na Herimogene.

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

2TIMOTEO 4:10

Kyamba Demasi alenjida amhenda ikunda wuyana wu wo kiwulalu kahenda Tesalonyikye. Kiresike alehenda Galatia. Tito kawehenda Dalmatia.

2TIMOTEO 4:16

Ipfo mwanduyenyi fo kuwoka fo mondu foko kuwei-pfo ma umu alenjihoṟokyapfo kya indi walenjida wose. Ruwa nalawaitalie ideko-lyo.