WAFILIPI 2:13 - Bibilia Kui Mdedie fo Kimochi

¹³ Kyamba nyio Ruwa aitana kimu nanyo iteseheṟa na iṟunda shilya shichihianyi.

WAFILIPI 2:13 Iomraidhean Croise

1WAMANGI 8:58

O naembeṟutse mrima yadu koke, kundu luoshe njia tsake lochiwada mawawaso hake, wusongoru woke na chandu ahambie kya wucha chandu alewia wandeadu.

2MBONYI TSA MAHERI 30:12

Pfinya ya Mndumii-Ruwa iwekeri iṟunda kiidi kya Wayuda, kalunga wandu walya, kawainenga mrima foindia mangi na wasongoru wake kihianyi na mawawaso ha Mndumii-Ruwa.

EZRA 1:1

Maka fo kuwoka fo wumangi wo Koreshi awei mangi o Waajemi, Mndumii-Ruwa naleawutsia kilya awededie kui dumbu lya mwikimbi oke Yeremia. Nyi alewawasa Koreshi nakape ombe kiidi kya wumangi woke wose, na ombe lu luwehambie le (kui maṟeho).

EZRA 1:5

Wakakurepfo wanene wa shishari wa mbari ya Yuda na Benyamini, Wakohanyi na Walewi na walya wose sa Mndumii-Ruwa alewasumba mumuyo fo henda iwikase hekalu lilya lya Yerusalemu.

EZRA 7:27

Mndumii naṟumisho, Ruwa chu o waku wadu, ichu aleinenga mangi mrima foichopa mba ya Ruwa kulya Yerusalemu.

NEHEMIA 2:4

Nalyo mangi Artashasta kanjihaluo kanjiwesa, “A wulalu nyi kikiukundi iterewa?” Ngaterewa Mndumii-Ruwa, Ruwa o ipfo Ruwehu.

YOBU 33:29

Isho shose nyi Ruwa akewuta kawi, ee ma kaṟaṟu ko mndu.

SHIIMBO SHA DAWIDI 110:3

Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

SHIIMBO SHA DAWIDI 119:36

Noteteṟe mrima foko fuoshe wuṟingishihu wopfo, manya fulaoshe lango.

SHIIMBO SHA DAWIDI 141:4

Kulaṟungamishe mrima foko handu kuwode mbonyi njiwicho, njilacheiichiwia mawuto halewa, handu hamu na wandu wekewuta wunyamaṟi; manya njilalye shelya shawo sha useṟeṟi.

MFANANO 21:1

Mrima fo mangi fukeri owokonyi lo Mndumii; cha mfongo ya mṟinga fokehaluo kose ukundi.

YESAYA 26:12

Mndumii nochiluteṟia ofoṟo; kipfa nyi iyo da uleluwutia maṟunda hadu hose.

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 32:38

Wo wechiwa wandu wako na inyi njechiwa Ruwa owo.

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

LUKA 2:14

“Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

YOHANE 3:27

Yohane kahalwo kahamba, “Kwipfo mndu eidima iwada kindo shila nyi kilya ainengo nyi Ruwapfo.

YOHANE 6:45

Waikimbi waleṟehya, ‘Wandu wose wechilosho nyi Ruwa.’ Nahong'u orio mndu ose aadanyia kiwuka ko Wande na ikulosha nyi aicha na koko.

YOHANE 6:65

Nalyo kahamba, “Nkyo kimaduma ngamuwia, Kwipfo aidima icha na kokopfo shila nyi ichu ai mṟamtse nyi Wande oko.”

MAWUTO HA WASU 11:21

Nalo owoko lo Mndumii lukakaa nawo lukaenenga mfeṟa fo wandu fung'anyi fomshika iidikya fukahalukya Mndumii.

WAROMA 12:3

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

WAROMA 9:11

Kyamba kyawo ma indi wana walawendefeo ma walawendewuta kiwe kii kicha kiwe kii kiporu kashika iwio kyewadumbuya, kundu kyama kya Ruwa kyesambuṟa kikae-ho kechitoṟya.

WAROMA 9:16

Alewo koka na wudo kii kindo-kyo kyawa ikundo nyi mndu ang'u iidikyo nyiopfo kya indi kii kya Ruwa mosaṟya amonyi.

1 WAKORINTO 12:6

Kuwade makamba ha matanyo kya indi nyi Ruwa ai motana shi shose arie wose.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

2 WAKORINTO 3:5

Chi lui watechi wokusaṟa kindo cha ili kiwewukye kodufo, kya indi wutechi wodu wuparikye ko Ruwa.

WAEFESO 1:11

Ipfo koke mpfo kundo naso lomewonyo-ho kyadu luwesongwo isambuṟo nyio kui mteṟie fusumhanye ichu mowika shose kui chila ya mhie foke.

WAEFESO 1:5

Nyi ikunda ili aleluteseheṟya wuwana wo koke amonyi kui Yesu Kristo chando kiwechihianyi na mhie foke.

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

WAEFESO 2:8

Cha kipfa mui wakiṟe kui wutonga kui njia ya wuidiki. Lyo lilewutika kui pfinya yanupfo; nyi kisumbo kya Ruwa.

2WATESALONYIKYE 1:11

Nakyo nyikyo kimaduma luimterewya kiheri kyose. Kundu Ruwa odu namsumhantsie ndaho ii naweawutsya chila yose ya wucha na iṟunda lya wuidiki kui pfinya.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.