WAFILIPI 2:12 - Bibilia Kui Mdedie fo Kimochi

¹² Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAFILIPI 2:12 Iomraidhean Croise

EZRA 10:3

Ko kipfa kya ikyo luwikese kiteṟio na Ruwa odu. Luhende ilekana na waka wa wahenu hamu na wana wawo. Luwute chandu iyo hamu na walya waowoye Ruwa wechilulosha. Luhende iwuta kudo chando mawawaso hahambie.”

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 2:11

Ṟundienyi Mndumii-Ruwa kui wuhoṟotsu Kyesenyi na idedema.

MFANANO 10:16

Iṟunda lya mndu o wusumhanyi liloṟa moo; Shilimu sha wawicho shiolongia wunyamaṟi.

MFANANO 13:4

Mbihu fo mndu mdoko fulangie elewona kindo; Indi mbihu fo mpfuṟukanyi fochinuo.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

YESAYA 66:5

Adanyienyi idedo lya Mndumii, nyo muidedema kipfa kya idedo lyake; Wana wa wama wanu wamsuo nyo, walemukumba kipfa kya rina lyako, wahamba, “Mndumii naichiko, luidime iwona sia yanu; indi nyi wechisukio.

MATAYO 11:12

Kiwokia mafiri halya ha Yohane Mpatisi koshika wulalu wumangi wo ruvehu nyi wokewado na pfinya, na waafinya nyiwo wewurakwo-ho.

MATAYO 11:29

Kekudikenyi ngada njioke nyi inyi muche kuloshyo nyi inyi! Kyamba inyi nyi mhoo njikeri na mokunyinyiṟa kui mrima. Naho mochiwona koonyonya ko mrima yanu.

MAWUTO HA WASU 16:29

Nao kaduma taa kakupunguṟa kulya kiidi kechidedema kui wuowu kakuhutsa wanda na kyamu oo maṟdendenyi ha Paulo na Sila.

MAWUTO HA WASU 9:6

Kya indi kure nohende ipfo mṟinyi nochikaa uwio kindo kikuwaṟi iwuta.”

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

1 WAKORINTO 2:3

Njiwekukerye konu na mkao fo wufafa na wuowu na mdedema.

1 WAKORINTO 4:14

Ishi chi ngashiṟehya kundu njimhutsye sonupfo, kya indi kundu njimtutume nasho mui wana wako wakunde.

2 WAKORINTO 7:15

Na mrima foke fukukerye nanyo foengeṟa imkunda ili aitamuo yanguya madu lyanu mose chando mulemwambya muwei na wuowwu na iiṟewe.

WAEFESO 6:5

Nyo masinga, mwidikye wanene wanu wa iya orukenyi kui wuowu na madima cha ili nyi Mndumii Kristo muimhidyaho, muwode ngoo tsikusinjukuṟye.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 1:29

Cha kipfa nyo mui-wasumbye kya Kristo ke mulawe mochimwidikya tupu kya indi muwewa mochituṟo kimaduma o.

WAFILIPI 1:5

Nyi kimaduma kya mlungie fonu muwode mokulungya ndumi ya sia ya okiio wokia mkonu foasa itane wulalu.

WAFILIPI 1:6

Nakyo nyikyo kinengye ikusirya ke ichu aweasye imbika nyo mbika iya njicha nyi echiimarisa ishikemarisika mkonu fulya fo Kristo Yesu.

WAFILIPI 2:19

Ngakusirya na Mndumii Yesu ke njidume Timoteo ipfo konu mkonu fo afui, kundu na inyi njihende iwihiṟyo m moo njechimanya oloho lo konu.

WAFILIPI 4:1

Nanyo wanawawama wako njimkundi, ngawewado nanyo nyi meṟeṟuko nyo mui msiha foko na otariche loko, kaenyi muhoroki chimu kui Mndumii, wakunde wako.

WAFILIPI 4:15

Nanyo Wafilipi, muichi muwenyi mandi halya ndumi ya sia ya okiio ilewoka yongoyo ilindi njilewuka ipfo Makedonyia nyi kulaweipfo siṟi ingi iwode kyando na inyi kui itala lya tsecha na tsehenda shile nanyo mbenyi tupu.

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

WAEBRANIA 12:1

Nkyo kimaduma naso ili lui na ipuchi lya waṟingishi lilutengetie lidi luleṟye wanda orio wulami na wunyamaṟi wu wokiṟa iluoṟowya owinyi, lochiengeṟa ihenda ira ngapano iii njiwawasye yadu lukuhode-ho necha.

WAEBRANIA 4:1

Iki kiluhoye fowa tseowuo kundu kulawone ipfo konu kuwoneke-pfo echiasha yanga lilya, ili indi kiteṟyo kilya kyekuangya ipfo kundo kuwode olele loke kii-kideye-se.

WAEBRANIA 4:11

Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

WAEBRANIA 5:9

Ili alemaa yawutsio adi, lyo likamtana moendie iwa wamwidikye okiio lo mlungana wose.

1PETRO 2:11

Wanawawama, ngamtutuma mui cha wahenu wakuidya-iya wuyana ke mukuotoye lango tsa nyamenyi tsikeri ikapana na mrima.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.