WAFILIPI 1:27 - Bibilia Kui Mdedie fo Kimochi

²⁷ Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 1:27 Iomraidhean Croise

1MBONYI TSA MAHERI 19:12

Yoabu kawia Abishai manomae, “Kokoya Waaramu wa wanjirohiya ko pfiinya, ncho nonjitarame; indi kokoya Waamoni wo wakurohiya iyo kopfiinya, inyi njechicha ikutarama iyo.

SHIIMBO SHA DAWIDI 122:3

Iyo Yerusalemu umbike cha mṟi mwikare fuwodanyi,

SHIIMBO SHA DAWIDI 133:1

Keambuya, chandu kii kicha, na kichihiṟie, washari wakae handu hamu, kui wumu.

MFANANO 22:23

Kipfa Mndumii nechiwakapanyia; Nechiduo wapfungo walya walewaduo wapfungo.

YEREMIA 32:39

Njechiwainenga mrima fumu na mhie fumu, waidime injiindia inyi kiheri kyose, kipfa kya kiira kyawo wawenyi na kya wana wawo wechiosha.

MATAYO 12:25

Kyasia Yesu amemanya mahio halya hawo kawawia, “Orio oruka lose ilu lulekanyi wenyi na wenyi nyi lochihaluka mrapu.

MAWUTO HA WASU 2:46

Na mfiri yose nyi wawetsindye ipfo hekalunyi wai na ngoo imu wechifunja mkate mba kui mba na yambya shelya shawo na sia na kui ngoo njikesi.

MAWUTO HA WASU 24:24

Kyasia komeida-ho mfiri sa maangu kukacha-ho Felisi warianyi na mka ulya oke Drusila o ipfo mbaṟiny ya Wayuda. Kalaha-ho Paulo kamwadanya kededa kya idikya Kristo.

MAWUTO HA WASU 4:32

Na mfoheṟa ya waidiki walya wawei ngoo imu na mrima fumu. Nawo kulakae-ho ma umu kehamba shindo shilya awode nyi shake amonyi, kya indi wawewode shindo shose kyando.

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 1:9

Kyamba Ruwa chu njimṟundia kui mrima fose foko njechionguo Ndumi ya Sia ya Mana chu oke nyio awa mṟingishi oko moṟingishia ke njimukumbwo nyo kitsitsi.

WAROMA 10:8

Madedo Maele hahambye. “Idedo lyo lya Ruwa lii afui, naiyo nyi likukerye ipfo dumbunyi lyapfo na ipfo ngoonyi yapfo.”

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

WAROMA 15:29

Na njichi ngacha na konu njechicha njirie mofoeṟa fo ona luwukye ko Kristo.

1 WAKORINTO 1:10

Indi ngamututuma lanye wanawawama kui rina lya Mndumii odu Yesu Kristo ke muwe mochideda kimu mose, ipfo konu kulakae-pfo ndutsano kya indi mukae-ho mui-waṟeheṟye mhie fumu na mdumbuye fumu.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

2 WAKORINTO 9:13

ipfo kundo wupfuṟukanyi wukeri wudi womshika imanyika wawuta-ho iṟumisha Ruwa kya wuhendeli wonu wohamba ndumi ya sia ya Kristo na kya mlungano fu mukuwodye nawo na wandu wose fuhoṟoki fudo.

WAGALATIA 1:7

Ma kulaipfo ingi iwei njicha. Shila kwipfo wechimpfulutsafulutsa wakunda ipfulwo ndumi ya sia ya Kristo.

WAEFESO 1:13

Nanyo-da ili muleicho idedo lya kii lohi lya ndumi ya sia ya okiio lonu mlememwidikia na ikuwada nao, na ipfo koke muwepfindihisyo nanyo kui kisumbo kya Mumuyo Mwele ichu awemteṟio.

WAEFESO 1:15

Nkyo kyannenga na inyi wokia ndeicho kya wuidiki wonu wokuwada na Mndumii Yesu na kya mkundye fonu fokundana na waele wose,

WAEFESO 4:1

Na wulalu inyi ili njii mpfunge kipfa kya iṟundia Mndumii ngamwikimba ke muchumie mchumie fusumhanye ndaho i mui walahye.

WAFILIPI 1:5

Nyi kimaduma kya mlungie fonu muwode mokulungya ndumi ya sia ya okiio wokia mkonu foasa itane wulalu.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAFILIPI 2:24

Kya indi njekusirya na Mndumii ke nao inyi njechikaa njiche njimonyi mkonu fo afui.

WAFILIPI 3:18

Cha kipfa kwipfo wafoi wekechumia mbaṟi njilembia kyayo kafoi ngawuya iwahamba-se na wulalu njefuha, ke nyi wai wakituwa wa msalaba fo Kristo.

WAFILIPI 3:20

Indi kiluwikye so kanyi kulya ruwehu kikeri. Nyi hondo luiwedya Mndumii Yesu Kristo nachee-pfo ai mletsi.

WAFILIPI 4:1

Nanyo wanawawama wako njimkundi, ngawewado nanyo nyi meṟeṟuko nyo mui msiha foko na otariche loko, kaenyi muhoroki chimu kui Mndumii, wakunde wako.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:4

Ili lomwicho kya mwidikie fonu kiidi kya Kristo Yesu na kya kikunda kilya kyanu ko wandu wa Ruwa wose.

1WATESALONYIKYE 3:6

Na wulalu ili Timoteo amcha kodu ewuka konu kaweluchihiṟa eluongoya wuidiki wulya wonu na kikunda kilya na mkumbuye mcha muwode fo ilukumbuo so kiheri kyose, mui na macha heluwona so chando na so luwodo nyi hanu.

1WATESALONYIKYE 4:1

Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1TIMOTEO 1:11

na kya kingi-se kyose iki kikeri ikapana na kiloshyo kyechiṟa mrima kisumhanye ndumi ya okiio iwukie wuitoṟinyi wo Ruwa ichu menyi sia, nayo njileiwawasyo.

1TIMOTEO 1:19

Uwode wuidiki na ngo njihoṟotsu tsa mrimenyi. Kyatso maata-ho waletsikumba wakawewunduka na wuidiki wowo.

2TIMOTEO 4:7

Ngammaa ikapana ngapano iya ncha, ngamaa iinutsya ohendo lulya, ngameringa wuidiki wulya.

TITO 2:10

Walaṟoṟokuo, kya indi wamanyishieho wuhendeli wucha wose, kundu wawikye wupfundi wo mkiṟi odu Ruwa kiṟumi kicha kui shindo shose.

FILEMONYI 1:5

Ili ngaicho kya ikunda lyapfo ko wandu wose wa Ruwa na kya wuidiki uwode wo iwadana na Mndumii Yesu.

YAKOBO 3:18

Indi mbeu yende ofoṟo yekeolyo kundo kuwode ofoṟonyi walya weitsa-ho ofoṟo.

2PETRO 3:11

Na wudo ili shose shakunda isalaṟo apa mkoṟomu fuimkoromuo nyo mukae mochihendeka mhendekye mwele fuwode wuindi woindia Ruwa wose.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

YUDA 1:3

Wanawawama ilindi njiwewode m macha hemṟehya kya okiio-lu luwode kimu, nanyo, wuitiki wukanhoya njimṟehye njiechimwikimba ke muwe mochikapanya wuidiki-wu Ruwa alewudambikia wake wose ili lyimu.