WAFILIPI 1:20 - Bibilia Kui Mdedie fo Kimochi

²⁰ Kilya njikilangye ipfo ngoonyi kekusihya kyakyo kikeri kii-le ke, njilawone njechisuka manya-le, kya indi njikae na wukahari chando njiwei shiheri shose njiwe njido na wulalu, kundu Kristo nakuwutie-ho ihenda ṟumisho ipfo mbihu koko likawa ma kui moo fofo ma kui opfu lofo.

WAFILIPI 1:20 Iomraidhean Croise

SHIIMBO SHA DAWIDI 119:116

Njiṟihika sumhana na kyasa kyapfo, njikae na moo, manya kulanjilekie njiṟenzie kikusirio kyako.,

SHIIMBO SHA DAWIDI 119:80

Mrima foko fuwe mhoṟotsu kiidi kya mawawaso hapfo, njilache wona sonu.

SHIIMBO SHA DAWIDI 25:2

Hoi Ruwa oko, Ngakusirya kopfo, njilawone njetaluka, Wakituwa wako walachihiyo na injiwinga.

SHIIMBO SHA DAWIDI 62:5

Mrima foko, wedya Ruwa o amonyi kutsie sau. Kikusirio kyako kiwukye koke.

MFANANO 10:28

Kikusiryo kya wasumhanyi kechiwa sia; Kyaindi kikusiryo kya walasumhanyi kechideka.

MFANANO 23:18

Kipfa kuwode ho wueri lang'u; Na kikusiryo kyapfo kechiilachikapfo.

YESAYA 45:17

Kyaindi Israeli wechikiṟo nyi Mndumii kui okiṟo lo mlungana; nyo mochisonu, ma isukio nyi moo-pfo, kipfa Mndumii nyi ai nanyo mlungana na mlungana.

YESAYA 50:7

Kipfa Mndumii-Ruwa nechinjitarama; kui kipfa kya ikyo ndeṟeenzepfo, njilewanza kyamu kyako, njiichi ke njechisonupfo.

YESAYA 54:4

Kulaowuo; kulatisiki; kulaowuo na isokio nyi fowa; kipfa ulechitaluka; kipfa nochihadima sonu tsa uwanake wopfo, ma shirumo sha wukusu wopfo ochishikumbuo-sepfo.

YOHANE 21:19

Na kyamwenenga kadeda ado kyemtongya opfu akaa naluwone naṟumishe nalo Ruwa nyi lochiwa lo mbaṟi njiki.) Ekimaa ihamba ado kambia, “Kenjiosha.”

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

MAWUTO HA WASU 4:31

Kukashika wekimaa iterewa Ruwa handu halya wawesanzye-ho hakadihina wakaichuṟo Mumuyo Mwele wakaongwo idedo lya Ruwa wai wakesi.

WAROMA 12:1

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

WAROMA 5:5

Na owede-lu lohutsa sonupfo kipfa ikunda lya Ruwa liikualya ngoonyi tsadu kui Mumuyo Mwele ichu lui-wasumbe.

WAROMA 6:13

Ma mulawone mochidambikya wunyamaṟi shiwungo shanu shiwe shihia sha wukika, kya indi kudambikenyi nyo muwenyi Ruwa cha wandu warie moo waweṟukie nafo wapfunyi, na shiwungo shanu shiwiie Ruwa shihia sha wuhoṟotsu.

WAROMA 6:19

Ngadeda njidi kiwandu kipfa mofafaa kui nyama tsanu;) Kyamba chando muwewedambikie shiwungo shanu shiwe shesingya ngafu na wukika wofeṟya-ho wukika, nyi wudo muwe mochidambikya shiwungo shanu wulalu shiwe shechisingya wuhoṟotsu-wu wuduo kiilishyonyi.

WAROMA 8:19

Cha kipfa mweṟeṟukye fo mbika ii fuwedye mnu ke wana-wa wa Ruwa washike ihenda itambaṟuka.

WAROMA 9:33

Chando Madedo Maele hahambie, “Ambuya a ulya ngaleṟya iho lyekapya mtuulya kulya Sioni na piita ya iho yedekesha. Mdu moidikia ichu ai iho lyo echisukapfo.”

1 WAKORINTO 15:31

Njikeri mopfa o mfiri yose soo nyo mui kiichiko kyako, wanawawama, njekuichika nakyo kui Kristo Yesu Mndumii odu.

1 WAKORINTO 6:20

Cha kipfa muiwahuṟe na mtalo fo kisale. Kyo kimwitike muhende iṟumisha Ruwa chu kui mbihu fonu.

1 WAKORINTO 7:34

Na mka alai na mii na rokya na wudi aikuwinyisha na kya Mndumii, kundu nawe mwele kui mbihu na kui mumuyo. Indi ichu amalike nyi ekekuwinyisha na sha wuyana wu ke nyi wuda echichihiṟa mii.

2 WAKORINTO 10:8

Kyamba kokoya ngaengeṟa ihamba kyeṟumisha wuheki wodu Mndumii aleluinenga wuwe womlunga wulawe womuwunduo njechipfia sonupfo.

2 WAKORINTO 3:12

Ili lui na mkusihye fukeri fudi-le nyi luikuachia na wutambahalutsu wose.

2 WAKORINTO 4:10

Handu hose lurie opfu lo Yesu mbihu-hu fodu kundu moo fo Yesu nafo fuhende iwono mbihu-hu fodu.

2 WAKORINTO 5:15

Nao nyi alepfia wose kundu iwo wai na moo walawone wechikukaya na moo kipfa kyawo wawenyi, kya indi wawe wechikaya nafo ichu alewapfia kashika iṟutso.

2 WAKORINTO 7:14

Ma kokoya kuwewode kindo njiwekushelye ipfo koke kyemhamba nyo ngamhutso sonupfo, kya indi chando lulemuwia shose njia ya wulohi na wudo ikushela lilya lyadu lya ko Tito likawemba lya lohi.

2 WAKORINTO 7:4

Njimukerye na wulalutsu wung'anyi, njikuṟumisha mnu kipfa kyanu; njiihutsu kiwihiṟya moo, njiichuo msiha fuidye mawawiṟo hadu hose.

WAFILIPI 1:14

Na wanawawama wafoi-ho wakuwanzie na Mndumii wakaitika ikarya wechionguo dedo lya Ruwa kipfa kya ipfungo lyako walai na wuowu.

WAFILIPI 2:17

Kya indi ma kokoya samu yako yashika ihenda yoolo yechidasyo wuidiki wonu na iwupfuṟukanya na ngachihio ngawechihio hamu nanyo mose.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

1PETRO 4:16

Indi kokoya ailiso wukiwa kipfa ai mkristo nalaṟeenze indi nawikye Ruwa kiṟumi kui rina lyo.

1YOHANE 2:28

Na wulalu, wana, kaenyi mukuwode na Mndumii kundu mandi echiwoneka, lukae-ho na wulalutsu lulahutsyo sonu nyio ipfo machee hake.