WAFILIPI 1:11 - Bibilia Kui Mdedie fo Kimochi

¹¹ Muwe mui-wasuṟie owiko lo msumhanzie fuu-mbike nyi. Yesu Kristo fowikya Ruwa wuitoṟi na kiṟumi.

WAFILIPI 1:11 Iomraidhean Croise

SHIIMBO SHA DAWIDI 1:3

Nyechifanana na ikidi lilidonge Mbai ya soka tsa mṟinga, Lyekekumbia ndunda kui kiheri kyalyo, Maṟa halyo hechinaa malepfo; Orio kindo echikitana nyi kechiawukya.

YESAYA 5:2

Kasuma mfongo kaṟingichia riti, Katola pfo maho kulya demenyi, Kawaaya pfo mbeu njicha tsa msabibu, Kawika mnaṟa fo ringa kiidi kya mdemi, Kasuma na kiwaha kekamia, Kakusira ke msabibu fulya fuwechiṟaa. Ate fukawika ndunda tsa nduo.

YESAYA 60:21

Wandu wapfo wechiwa wenyi wusumhanyi wose, Nawo wechioṟa oruka mlungana; Njana njileiwaya inyi njimonyi, Nyi iṟunda lyako inyi njimonyi, Kundu njiṟumisho.

YESAYA 61:11

Kipfa chando oruka lokedosa njana tsalo; na chando shahu shekekumbia necha shilya shiwaye-pfo; nyi wudo Mndumii-Ruwa echiwaya lohi na kiṟumi oshangunyi lo wandu wa mkambo wose.

YESAYA 61:3

iwia iwo waifuha kiidi kya Sioni, wainengo oṟo ya shiwaṟo walekane na ifu, wakushie mafuda handu ha ikapa kilio, maṟao ha wuitoṟi handu ha mrima fukuinadie; kundu walaho nyi mashidi ha wusumhanyi, hai madonge nyi Mndumii kundu nang'anyisho.

MATAYO 5:16

Nyi wudo na sa yanu iwewaa oshangunyi lo wandu wose, wawuteho ikulosha mawuto hanu mecha, kundu wang'anyi she naho Nde-anu o ipfo ruwehu.”

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:2

Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

YOHANE 15:8

Wande oko naing'anyisho kokoya mokumbia ndunda tsifoi na iwa wa kiloshionyi kyako.

WAROMA 15:28

Nahong'u ngamemarisa iki na iwikya osano luwewatowoke ludi mhuri foko ipfo kowo njechiira kyaṟo kehenda Hispanyia njiide konu.

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

1 WAKORINTO 10:31

Kyasia-ng'u ili muilya ang'u muinyo ang'u muiwuta kindo ma kida ma kida shiwutenyi shose shewikya Ruwa kiṟumi.

2 WAKORINTO 9:10

Na ichu moinenga ichu mowaya mbeu moinengya mkate fuwe shelya echimuinenga mbeu na itsipfumbutsa na ifoeṟa echifeṟa maalutso ha wuhoṟotsu wonu.

WAEFESO 1:12

Kundu luwe lochiwikya wusuṟi woke kiṟumi so lulewooka iinengya Kristo lochiwedya Kristo.

WAEFESO 1:14

Nao ai mbetesa ya kyoṟa kyadu motalaa walya wawode menyi, kundu wuitoṟi woke wuwikyo kiṟumi.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

WAEFESO 5:9

na sa yo yechiwono wuchenyi wose na wuhoṟotsunyi wose na owikonyi lo kii lohi lose.

WAFILIPI 4:17

Chi njiipfula kitarama inyipfo, kya indi njiipfula mwengeṟya fuhendetalio fonu.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 1:6

Iya ishikye na konu. Kyamba chando ikeri wuyana kose yechikumbia mecha na ipfumbuka na wudo na ipfo konu, wokia mkonu fulya mleicho kya wutonga wo Ruwa mukawemanya wulohi woyo.

2WATESALONYIKYE 1:12

Kundu rina lya Mndumii odu Yesu likuwutie konu iichiko, nanyo muweichiko lyiwukie koke kisumhanye wutonga wo Ruwa na wo Mndumii Yesu Kristo.

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

WAEBRANIA 12:11

Oweṟe lu orio wutsanyi wuiho wufanyi siapfo, kya indi nyi wukiwa, ili lya numa-le woenenga iwa waiwatoṟishe nyiwo wusumuhanyi wuwikye-ho ofoṟo.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.

1PETRO 2:5

Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

1PETRO 4:14

Nanga nyo kokoya moilo kipfa kya rina lya Kristo, kipfa Mumuyo fo wuitoṟi, nyifo fo Ruwa fuimsokya.