WAFILIPI 1:10 - Bibilia Kui Mdedie fo Kimochi

¹⁰ Kundu mushike iletsana shindo shilaidikyanyi, mukae mui-waheshe senyi imu ileewa ihutso itane mkonu fulya fo Kristo.

WAFILIPI 1:10 Iomraidhean Croise

MAWOOKIONYI 20:5

Alae! Chio anjiwia amonyi, ‘Ichu nyi mano wama?’ Na mndu mka chu nao amonyi kawehamba, ‘Ichu nyi manowama.’ Kui wulalutsu wo mrima foko na kui mawoko hako mecha ngawuta njido.”

YOBU 12:11

Ngesa, kadu kokehesha madedo cha olimi lokesonja kando?

YOBU 34:3

Kipfa kudu kokehesha madedo chandu olimi lokesonja kando.

MIKA 3:2

Indi nyo musuo wucha mukakunda wuwicho. Mokeowuo wandu wako njonyi tsawo, mukaowuo na nyama tsa mbihu yawo ipfo mafuonyi hawo.

MATAYO 16:23

Nao kainduka kawia Petro, “Kewuya na numaa-ko, Satana, nyi onjiendye wusutsu. Nyi kipfa chando uihia chi kya Ruwapfo nyi kya wandu.”

MATAYO 26:33

Kyasia Petro kahamhaluo kambia, “Manya wakusukyo nyi iyo wose, inyi njechisukyo nyi iyo ma ngashika indi ma indifo.”

YOHANE 1:47

Yesu kawona Natanaeli kecha na oo ando akeri kadeda kyake kehamba, “A ichu mndu Mwisraeli o lohi; alawode mtambo ipfo mrimenyi.”

YOHANE 3:20

Kipfa orio mndu atanye shiwicho o asuo sa ma ekehenda kundo kuwode sa iipfo kundu mawutoho hake mawicho halalimiko.

MAWUTO HA WASU 24:16

Nakyo nyikyo kyannenga njikuitike inyi njimonyi njikae na ngo tsa mrimenyi tsii njihoṟotsu sumuhana na Ruwa na wandu kya orio shindo shose.”

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

WAROMA 16:17

Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo.

WAROMA 2:18

Komanya kilya Ruwa awawasye kochiletsana sheletsana ui-mpfunde na wuwawaso.

WAROMA 7:16

Kyasia komkoya ndakundi ikyo njekewuta na ngaidikya ke wuwawaso nyi wuwucha.

WAROMA 7:22

Kyamba njichihianyi na wuwawaso wo Ruwa kui wumndu woko wo kyamba.

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

1 WAKORINTO 1:8

Nao nyio echiwa momkapya owanzo itane masiiyonyi mulawonyo tewe mkonu fulya fo Mndumii odu Yesu Kristo.

1 WAKORINTO 10:32

Mukae-ho mulawiie wandu tewe ma Wayuda ma Wagriki na wa siṟi ya Ruwa.

1 WAKORINTO 8:13

Nkyo kimaduma kiti kelya kidekeshe manowama oko nyide ndalye nyama itane mlungana, ndashike tewa manowama oko nakape tuulya.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 6:3

Kyamba kii kido lulaenenge mndu tewe lyepfuluko kundu wupfuṟukanyi-wu wulawone wochiisalucho.

2 WAKORINTO 8:8

Chi ngadeda njidi njembikya iwawasopfo kya indi mtambahanye fulya fo walya wengi fukanenga lango tsehesha na onu lo mkundye fonu.

WAGALATIA 5:11

Kya indi nyo wanawawama, kokoya inyi njiweongoya-se odino nyi ki ili njiweiterengyosewo? Ikyo kiwewuta-ho kipfulutsa kilya, nkyo msalaba.

WAEFESO 4:15

Indi ludede kilya kii lohi lui na kikunda lochikualukia kya shindo shose ipfo mndu-hu ichu umu-ho akeri mdo, nyio Kristo.

WAEFESO 5:10

Mochitambahanya kilya kichihianyi na Mndumii.

WAEFESO 5:27

Kundu naihoṟotse oshangunyi loke amonyi ikeri siṟi ya kiṟumi ilawode mlesi ma paṟi ma ki kya shindo cha isho indi kundu iwe njele.

WAEFESO 6:24

Wutonga wukae na wose wakundi Mndumii odu Yesu Kristo kui kikunda kilailachika.

WAFILIPI 1:16

Iwo weonguo kui ikunda wo waichi njilee-ho kekapanya ndumi ya sia ya okiio,

WAFILIPI 1:6

Nakyo nyikyo kinengye ikusirya ke ichu aweasye imbika nyo mbika iya njicha nyi echiimarisa ishikemarisika mkonu fulya fo Kristo Yesu.

WAFILIPI 2:16

Ili muidunganyitsa dedo lilya liende moo njiwone-ho iwikyo kiṟumi kyenjiwiia mkonu fulya fo Kristo kehamba ke njilawekuwiwitya njia kya mai ma njilawekuṟohya kya wulya.

1WATESALONYIKYE 3:13

Kundu ngoo tsanu tsihende ikanzo tsikae nlalutsu tsii na wuele sumhana na Ruwa Wande odu, matika Mndumii odu Yesu echiwoneka handu hamu na waele wake wose.

1WATESALONYIKYE 5:21

Indi muheshe shose, musale kii kicha.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

OTAMBAHALUO LO YOHANE 2:2

Kye njiichi mawuto hapfo hose. Na njiichi wupfuṟukanyi wopfo na ikukarisha lyapfo. Na njiichi ke okekutirisia wandu wawichopfo.