WAEBRANIA 9:4 - Bibilia Kui Mdedie fo Kimochi

⁴ Lyo liwewode rasio lya sahabu lyedasya-ho shidaso sha opfamo na isanduku lya owiko lulya liwei ikapye mawala ha sahabu nyora tsose, lyo liwei na nungu ya sahabu liwode manna iya na olio lo Aron ilululembuya yoṟa, na maho halya ha kipala ha owiko lulya.

WAEBRANIA 9:4 Iomraidhean Croise

1WAMANGI 7:50

Shikommbe, makasi hedumbuo ndusu tsa mshumaa, mboṟiko, shipalu shewikia ubani, mdiko yeduo modo, shose sha sahabu njicha, cherenyee tsa mongo ya ora lo kyamba. Handu halya haele mnu, na cherinyee tsa mongo ya handu ha wuindi ha hekalu, cherenyee tsose tsiwei tsa sahabu.

1WAMANGI 8:21

Ngawika handu ha kyanya hewika isanduku lya mkundana, kii nyi mkundana fo Mndumii fuwei kiidi kya Mndumii na handu wawei waku wadu mandi halya alewawuta Misri.”

1WAMANGI 8:9

Kiidi kya isanduku lyo la mkundana kuwei-pfo kindo-pfo shile nyi maho halya ha wuwawaso halya Mose aleambia kulya Horebu, alya handu Mndumii alewika mkundana foke na wandu wa Israeli wawuka orukenyi lo Misri.

2MBONYI TSA MAHERI 5:10

Shindo shiwekeri kulya isandukunyi nyi, shipeṟengu shiwi sha maho sa Mose aleshiwika pfo kiheri kilya Mndumii-Ruwa alewika mkundana na wandu Waisraeli fumvunyi lya Sinai, kiheri alewawuta wusingenyi Misri.

IWUKA 26:33

Na iyo masa isulialyo wanda ya shipfungosho, na iyo noende isanduku lilya lya kiṟingishio nolyiwike numa ya isulialyo; na isulialyo lyechiletsana handu haele, na handu haele ha haele.

IWUKA 31:18

Nahong'u Mndumii-Ruwa kekimarisa ideda na Mose kulya fumvunyi lya Sinai, kamnengia maṟaṟo hawi ha maho hamaṟehie mawawaso ko owoko loke.

IWUKA 32:15

Kyasia, Mose kahaluka kasoka kulya fumvuhu, na maraṟo hamaṟehie njora tsose tsitsiwi; tsinjiṟehie njora tsose tsiwi.

IWUKA 34:29

Nalyo kikawa, Mose kekisoka kulya fumuvuhu lya Sinai, na maṟaṟo halya hawi ha wuṟingishi hai mawokonyi ha Mose, kiheri alesoka kulya fumvuhu, Mose alemanya ke oshangu lo kyamu kyake luwei luili-pfo kipfa kya ilyi alededa nao.

IWUKA 37:25

Kiidima kasungusia rasiolyo lyedutsia uvumba ya ikidi lya mshita; wuleshe wolyo nyi wuwei sentimita 45,, na wulandari wolyo wuwei sentimita 45, lyiwehianyi kose kose; wuleshe wodo huye wuwei sentimita 90; na ndumba tsake tsiwei tsa kindo kimu.

IWUKA 39:35

na isanduku lya mkundana na mashidi halyo, na loṟika lo osaṟio,

IWUKA 40:3

Na iyo nowikepfo isanduku lya wuṟingishi, na iyo nolishikie isanduku lyo na isulia.

WALEWI 16:12

Numa nechiira oliko luichwo makaa ha modo hauka rasionyi lii oshangunyi lo Mndumii, na mahi hawi ha uvumba wucha wuwuse necha mnu, mawokonyi hake, na nawuduo kiidi kya isulia.

MAITALA 17:10

Mndumii-Ruwa kawia Mose, “Wihiṟia ndichiyo ya Aroni sumhana na isanduku lya mkundana. Yechiiṟichioho, na wuikimbi ko wanduwo wekenunuwa ke kokoya walada inunuwa lyawo, wechipfa.”

MAITALA 17:5

Ndichi ya mndu sa njechimsambuṟa yechioṟa. Nyi wudo njechidumbuo tapa teṟe mwichiwie fo Waisraeli fomununuwia.”

MAITALA 17:8

Ili lya ngama ngamenyi, Mose nalehenda ihemenyi lyesanzia. Nalekooyapfo ndichi ya Aroni o kishari kya Lewi, yameoṟa na ikumbia shimanja shamewaṟa shiwaṟo shakumbia ndunda njiwiri tsa mlozi.

NGUMBUO YA MAWAWASO 9:11

“Ee! Da numa ya mfiriyo makumi haana (40), mfiri na kio, Mndumii-Ruwa nalenjiinengia maṟaṟoho hawi ha maho hawei maṟehie mkundana.

NGUMBUO YA MAWAWASO 9:9

Kiheri njiledo na fumvuhu iambia maṟaṟo halya ha maho sa hawei maṟehie mma Mndumii-Ruwa awewikie nanyo, njilekaapfo mfiri makumi haana (40), mfiri na kio; njilelya ma inyo kindo kyosepfo.

OTAMBAHALUO LO YOHANE 11:19

Na hekalu lya Ruwa likaṟuhuka ipfo ruwehu kukawono-ho sanduku lya mkundana foke ipfo hekalunyi lyake. Kukaamka nguwa, na maṟu hededa na makuṟuṟuma na mvuo ya makuṟeṟa hang'anyi na kidihinashi.

OTAMBAHALUO LO YOHANE 8:3

Kukacha Msu mwele ungi kahoṟoka ipfo rasionyi arie nungu ya sahabu yeatsa-ho makaa hedosa mtsu fo opuo. Nao kaenengo makaa ha-opuo hafoi kundu echihadambikya rasionyi-hu lya sahabu likeri sumuhana na loṟika lulya handu hamu na shiterewo sha wandu wa Ruwa wose.