WAEBRANIA 9:2 - Bibilia Kui Mdedie fo Kimochi

² Kyamba hema lilealyo-ho lilya lya kuwoka. Napfondo kuwei kiwawa njolewo kilya na mesa na mkate iya iwei-maalye Ruwa. Nalyo lii idumbuye rina, Lyo yele.

WAEBRANIA 9:2 Iomraidhean Croise

IWUKA 25:23

“Na iyo sungusia mesa ya ikidi lya mshita; wuleshe woyo wochiwa sentimita 88, na wulandari woyo sentimita 44 na ido huye sentimita 66.

IWUKA 25:30

Nochiwika mesayo oshangunyi lo isanduku lya mkundana. Na huya mesayo nochihekia mkate iya injiwute cha kidaso oshangunyi loko kiheri kyose.”

IWUKA 25:31

“Na iyo sungusia kimnaṟa kya taa kya sahabu njicha; kimnaṟakyo kisungusie wokia, tsindenyi na ngo yakyo, shikombe shakyo, mrihiyo yakyo, na shiwaṟo shakyo, shose shiwe kindo kimu;

IWUKA 26:1

“Kiidima sungusia handuho hekaa kuwade masulia ikumi; hasungusie kui nguwo ya katanyi njicha injioke, handu hamu na ndusu tsa fana ya buluu na kimaande, handu hamu na makerubi; iṟunda lyo liwe lya uwaria mcha.

IWUKA 26:33

Na iyo masa isulialyo wanda ya shipfungosho, na iyo noende isanduku lilya lya kiṟingishio nolyiwike numa ya isulialyo; na isulialyo lyechiletsana handu haele, na handu haele ha haele.

IWUKA 26:35

Na mesa yo nochiiwika kya nja ya isulia lilya, na kimnaṟa kya taa kiambuyane na mesa iya ora loambuya kya nuka lo handuho, na mesayo noiwike ora loambuya kya mtsudu.

IWUKA 29:1

Na iyo wawutie mbonyi tsi, iwaheṟemtsa, waidime injiṟundia inyi kunu iṟundenyi lya wukohanyi; ira ihache limu lya ipung'a, na masuwa hawi halawode kifaṟe,

IWUKA 29:35

Nyi wudo ochiwutia Aroni na wana wake, kisumhanyi na isho shose njilekututuma; nochiwawika kiṟundionyi kiele mkonu mfungade.

IWUKA 40:2

“Mkonu fo kuwoka fo meri fo kuwoka nochihoṟotsa handuho hekaa ihema lyekusanzia.

IWUKA 40:4

Na iyo noende mesa noiwikepfo, nowikepfo necha shindo shilya huyayo; numa noitse na mba kimnaṟa kilya kya taa, na iatsa taa tsakyo.

MATAYO 12:4

Chando aleida na mba ya Ruwa wakalya mkate iya yeṟihichya oshangunyi lo Ruwa, ilanjiwikye momu ilio ma nyio ma walya wakeri nao chila na wakohanyi wawenyi.

MATAYO 5:15

Ma kuipfo mndu echiatsa taa kaiwika shi-ya kisoṟopfo, indi nyi handu hehekia taa, nayo ikalimikia walya wai ipfo mba wose.

WAEBRANIA 9:25

Manya alawehenda-ho kundu nakudambikie amonyi kafoi chando mkohanyi mnene ekehenda hando halya haele orio maka arie samu ilawei yake.