WAEBRANIA 9:15 - Bibilia Kui Mdedie fo Kimochi

¹⁵ Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

WAEBRANIA 9:15 Iomraidhean Croise

SHIIMBO SHA DAWIDI 37:18

Mndumii naichi mfiri ya wahoṟotsu, na kyoṟa kyawo kyewa kya mlungana.

DANIELI 9:26

Numa ya mfungade iya makumi haṟandaṟu na iwi (62), ulya amshie mafuda nyi echidetso, ma echiwada kindopfo; na wandu wa ulya asonguo wechirumatsa mṟi, na halya haele; ifurumia ho kochiwada mfu, na shida; kipfa kiwi kiikiteṟie.

MATAYO 19:29

Na orio mndu ose ma oku ma oku ichu adeye ma wana wamae ma washiki wake ma ndee ma mae ma wana ma mhunda ma mba kikawa nyi kipfa kya rina lyako inyi orio kindo adee naweengeṟyo shipfoi naweoṟa na moo fokaa mlungana.

MATAYO 22:3

Kaduma masinga halya hake hahende ilaha wai walahe na kulya walinyi. Nawo walakunde icha.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 25:36

Mbekeri kitaṟe mukanṟika nguwo. Mbeluo mukacha njisahia. Mbei mbike ipfo mba ko wapfungo mkanjichyea.’

MARIKO 10:17

Kyasia Yesu ambuka-pfo ashikie njienyi, mndu kakambia na koke kampfirya ndi kambesa, “Ui mlosha mcha, kindo njechiwuta, kundu njioṟe moo fo mlungana nyi kiki?”

LUKA 18:18

Kuwei-pfo mndu ang'anyi, kambesa kahamba, “Mlosha mcha, ngawika njida, njioṟe moo fo mlungana?”

LUKA 22:20

Na wudo kaweira na kirahu, wammaa ilya, kahamba, “Kirahu-ki nyi mkundano mhya fo ipfo samunyi yako impusuyo nyo.]

YOHANE 10:28

Na inyi ngahaenenga moo fo mlungana. Naho ma hechikaa hadeke-se ma mlunganapfo. Ma kwipfo mndu echiharakwo kunu owokonyi lokopfo.

MAWUTO HA WASU 20:32

“Kyasiang'u wulalu le ngamudambikyang'u Ruwa mukae wawanze nyi idedo lyo lya wutonga woke. Nyio Ruwa aidima imupfunga muwe mba na imwenenga kyoṟa kimu ipfo kundo wailishe wake wose walṟe.

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAROMA 5:6

Kyamba Kristo amelupfia so kiheri luwefafae kawepfia walemeshi walemanyi na Ruwa matika na halya.

WAROMA 5:8

Indi Ruwa nyi amanyishye ikunda lyake alukundi nalyo so ipfo kundo Kristo alelupfia kiheri luwei-se wanyamaṟi.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

WAROMA 8:28

Na luichi kya shindo shose Ruwa nekeṟunda hamu na walya, wamkundi na iwaonyisha wucha wose, nawo nyiwo wai-walahe kui kyama kilya kyake.

WAROMA 8:30

Na iwo alesonguo iwasambuṟa nyiwo alewalaha, na iwo o nyiwo alewatana wahoṟotsu; oshangunyi loke; indi iwo alemaa iwatana wahoṟotsu wadi nawo nyiwo alewasumba wuitoṟi.

WAROMA 9:24

Nawo nyiso so alelulaha lupaṟikye chi ko Wayuda tupupfo kya indi na ipfo mkambonyi ya wahenu.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

WAGALATIA 3:20

Kya indi mosanza akeri o ora lumupfo, indi Ruwa ai umu amonyi.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

2WATESALONYIKYE 2:14

Nakyo nyi kyo Ruwa lemulahya kui Ndumi yadu ya Sia ya okiio, kundu muhendeduo wuitoṟi wo Mndumii odu yesu Kristo.

1TIMOTEO 2:5

Kyamba Ruwa nyi umu na msanzi mosanza Ruwa na wandu na umu nyio mndu o wandu Kristo Yesu.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

TITO 3:7

Kundu luwe waoṟi wa moo fo mlungana fuiwedyo lui wasumhantse kui wutonga woke.

WAEBRANIA 10:34

Kyamba nanyo muleichio wapfunge walya wukiwa, na iliindi mulesoko masaa hanu nyi mulekukarishya muwekaa na sia, kipfa muweichi ke nyi muwode mkae fungi fui mcha fochikaa.

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 11:13

Iwa wose walemhenda wekaa na wuidiki ma walawekudaya shiteṟyo shilya, indi waleshiwona shikeri kundo ko isonguo wakashiindya wekuhambya na pata ke wakeri wahenu, wandu wekuidya-ho tupu ipfo teri-hu-ii.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

WAEBRANIA 2:14

Cha kipfa ili wana wakuwode na samu na nyama, na wudo alekuwada natso kimu nawo kundu nawute wuitoṟinyi kui opfu ichu aitoṟie opfu, nyio mkumbi ulya.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 6:13

Kyamba Ruwa alewikya Abrahamu kyasa, nao ili alawewode ungi awechiidama ilya nyamu kui ilya lyake kahenda kulia nyamu koke amonyi.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

WAEBRANIA 7:22

Ipfo kundo alawewiko-ho tare nyamu nyi hondo Yesu kawa mwiṟichi moiṟicha owiko lochia kota lulya lungi.

WAEBRANIA 8:13

Ili indi ahambye, luhya, nyi alekuṟa lulya lo kuwoka. Indi kilya kii kikuṟe kiikifoye wuku kyo kiitikirie afui na ihenda saramaya.

WAEBRANIA 9:12

Kakuidya-ho chi kui samu ya oṟo ang'u ya mahache, kya indi nyi kui samu yake ii njenyi kahenda hando halya haele ili limu kechiwika ndalai yekaa mlungana.

WAEBRANIA 9:16

Kyamba ipfo kundo kuwudo owiko lui lo kyoṟa nyi kiwaṟi ipfa lya mowika litane liṟingishyo.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

YAKOBO 1:12

Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.