WAEBRANIA 9:14 - Bibilia Kui Mdedie fo Kimochi

¹⁴ Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

WAEBRANIA 9:14 Iomraidhean Croise

2SAMWELI 4:11

Mbonyi tsechiwa njiwicho mnu ko mndu awahie mndu alawode mti akulee kanyi koke! Kyasia, wulalu njihenda itaa kiṟache huye yanu njechimuwaha.”

2WAMANGI 19:16

Hoi Mndumii-Ruwa, tambaṟuo meso hapfo nowone, deha kudu lyapfo noicho shirumo sha ngafu shose Senakeribu aledika ikuruma iyo Mndumii-Ruwa Menyi Moo.

YOBU 15:16

Kyawa kida mndu o wandu adekio na ifana ngafu mndu o wandu ekewuta mawicho cha inyo mṟinga!

SHIIMBO SHA DAWIDI 51:2

Unjisanje piu na sha wuwicho woko, unjiwute wunyamaṟi woko.

IWUKA 12:5

Kichondi kyanu nokoye kilawode tewe, kisuwa kya maka fumu; mochimmbuta ponyi lya machondi ang'u mburu.

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

YESAYA 53:9

Wakambika ṟungunyi hamu na wawicho. Kawepfa kimu na wasuṟi, Awewutie kiwicho pfo, Awehambie kindo na dumbu lyake pfo.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

EZEKIELI 45:18

“Inyi Mndumii-Ruwa ngahamba njidi: Mkonu fo kuwoka fo meri fo kuwoka nyi mochiwuta kidaso kya ihache licha lya ipung'a lilawode kifaṟe kundu muhende isanja mba yako.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

WALEWI 22:20

Nkikiime nakamu ilekia ikyo kyose kiwode tewe kipfa kechiidikio ko kiira kyanupfo.

MAITALA 28:11

“Mawookyonyi ha orio meri, mochiinenga Mndumii-Ruwa mwano fokoṟa modonyi: shipung'a shitutu shiwi, isuwa limu; masuwa matutu mfungade ha maka fumu, halawode tewe.

MAITALA 28:3

Wawie ke mwano wechinjiinenga yemaya modonyi yechiwa: Orio mkonu machondi hawi matutu ha maka fumu maheṟemtsu halawode tewe.

MAITALA 28:9

“Mfiri fo Ruwa, mochilekia mwano fo machondi matutu hawi masuwa ha maka fumu halawode tewe, mwano fo mso shilo shiwi sha mso mmamiri fumruwe na mafuda, na mwano fo mvinyo.

MATAYO 12:28

Na inyi kokoya nyi Mumuyo o Ruwa njefuna nao mṟufu mbicho, aiwung'u wumangi wo Ruwa womidima imuchea.

MATAYO 16:16

Naho Simon Petro kahaluo kahamba, “Iyo nyi ukeri Kristo Mana o Ruwa ichu menyi moo.”

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MATAYO 7:11

Kyasia nyo mui wawicho kokooya na mochiidima iinenga shiwana shanu shiinengo shicha, aka-wo Nde-anu o ipfo ruwehu chi echiengeṟa imwinenga shicha ili momterewa?

LUKA 1:74

Lukaae lui waletse owoko lo wakituwa wadu, lulai na wuowu.

LUKA 12:24

Keambuyenyi-wo makuru, hekewaaya ma isambuopfo, na Ruwa nyi ekehalisa hakaihuda pacha, a nyio chi mung'anyiie malehe-ho kui wuhuru!

LUKA 12:28

Aka, kokooya Ruwa nyi wudo ekeṟika maṟa-ho ha mapatenyi hechikaa-ho inu, na ngama hakakumbo mawiwenyi, a chi ngoseṟa echimuṟika nyo muidikie kitutu?”

LUKA 4:18

“Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

MAWUTO HA WASU 1:2

Itane mfiri fulya alewawasya wasu walya wake awasambuṟye kyando kyawo kui Mumuyo Mwele kadao huye.

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 14:15

Wechihamba, “Lanye womi, a nyi kindo kiki mkeri iwuta? So luwei wandu wepfa chanyo luimwongoya ndumi ya sia ya okiio kundu muhaluke mulekane na shindo shi sha maai muhalukye Ruwa chu menyi moo ichu awikye ruwehu na wanda ii na ipalyipalyi na shindo shose shikeri-ho.

MAWUTO HA WASU 15:9

Manya alewika-ho mletsano kiidi kyadu so nawopfo kaweheṟemtsa ngoo tsawo kui mwidikye.

WAROMA 1:20

Kyamba isho shake shilawa yambuya sho shekewono wokia awikie wuyana shishiwike nyio wehanahana kyasho; nasho nyi shiile, pfinya yake ilunganyi ikaa na mkaike foke fui fo Ruwa amonyi kikaenenga walawonyo mwaanya fokapa nene.

WAROMA 1:4

Ambike-ho Mana o Ruwa Menyi pfinya kui Mumuyo mosumba wuele likawa kui iṟuka wapfunyi, nyio Yesu Kristo Mndumii odu.

WAROMA 11:12

Indi komkoya ideko lyawo lyamesuṟisha lidi wuyana na iho lyawo likawesuṟisha mkambo iya mhenu, nyi wuda kya ngoseṟa Wuholotsu wowo wochisuṟisha wengi mnu.

WAROMA 11:24

Kyamba komkoya iyo ulepahwo ipfo msinepfunyi fui fo ngeṟenyi kowewuya idongyo ipfo msinepfunyi fulya mcha kulasumhana kikaaya kyafo, nyi wuda kya wueṟa Wayuda wo wai wa kikya kyafo wechiwuya idongyo ipfo msinepfunyi fui fowo wawenyi.

WAROMA 6:13

Ma mulawone mochidambikya wunyamaṟi shiwungo shanu shiwe shihia sha wukika, kya indi kudambikenyi nyo muwenyi Ruwa cha wandu warie moo waweṟukie nafo wapfunyi, na shiwungo shanu shiwiie Ruwa shihia sha wuhoṟotsu.

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

1 WAKORINTO 15:45

Nyi kuukuṟehye kudi, Adamu mndu o kuwoka nyi alewa mrima fuwode moo.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

WAGALATIA 2:19

Mawiko halya hakawetewa hamenyi njehakaya njii mpfu njikupaye nji na moo njeṟundya Ruwa. Ngamkapyo msalabenyi hamu na Kristo.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

NGUMBUO YA MAWAWASO 15:21

Kyaindi kokoya kyumakyo kiwode tewe lyose: kiricheche ang'u njeche, ang'u tewe yose ing'anyi kulakiwute kiwe mwano ko Mndumii-Ruwa, Ruwa opfo.

NGUMBUO YA MAWAWASO 17:1

“Mulaende mwano na ko Mndumii-Ruwa, Ruwa onu, mmbe ang'u ichondi liwode tewe li nyi kindo kipfulutsie Mndumii-Ruwa, Ruwa onu nyashi.

NGUMBUO YA MAWAWASO 31:27

Cha kipfa njiichi chandu muiwanyamaṟi na muwode orikiki. Kokoya molekana na Mndumii-Ruwa kiheri njii na moo njii nanyo, kechiwa kida ngamepfa?

NGUMBUO YA MAWAWASO 33:27

Ruwa o mlungana nyio kidichionyi kyanu; pfinya yake iwonekanyi wuyanenyi. Nalefuna wakituwa oshangunyi lonu; nalemuwawasa: ‘Warumatsenyi.’

NGUMBUO YA MAWAWASO 5:26

Ngesa! Nyi mndu o mbaṟi njiki alemeicho Ruwa menyi moo kechideda kuwuka kiidi kya modo chando so loicho numa kawekaa na moo?

1WATESALONYIKYE 1:9

Kipfa wekehamba wa wenyi kyadu njia lulemwitso nayo ipfo konu nyi nki, na chando mulemhalukya Ruwa momlehana na mfano iya muwe mochipfuṟukanya Ruwa menyi-moo ai o lohi.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 3:15

Indi kokoya ngakeleo nomanye njia isumuhanyi yekuidya mbenyi ya Ruwa. Nayo nyi siṟi ya Ruwa ichu menyi-mooo, ii ngo iya yekanza kiwulohi.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 10:10

Kui kyama ki luiwailishe na limu likawa na odambiko lo mbihu fo Yesu Kristo.

WAEBRANIA 10:12

Indi ichu alemdambika kidaso kimu mfi kiwewa kimaduma kya manyamaṟo kikae-ho mlungana kakudamiṟa owokonyi lo kulyo lo Ruwa.

WAEBRANIA 10:2

Chila wudo chi shiwesia yendo kipfa wadambiki walawekitautau kya manyamaṟo kya indi wawei waharamishe na limu?

WAEBRANIA 10:22

Luhendetikiria-ho luwode ngoo nlalutsu lui na welu ya mwidikye lui-waolye ngo tsa mrima tsilakikae makufaṟe lui-wasanje mbihu na mṟinga mharami.

WAEBRANIA 11:21

Nyi wuidiki wukaenenga Yakobo ilindi aweihenda ipfa alewikya orio ose o wana wa Yosefu ona keindya akulemye mdo-hu fo ndichi yake.

WAEBRANIA 13:12

Nkyo kitewe na Yesu alewawiṟo ora lo nja lo kichumi kya mṟi fulya kundu nailishe mkambo foke kui samu yake.

WAEBRANIA 3:12

Kuṟisenyi wanawawama, kulawone mndu ai kiidi kyanu menyi ngoo njiporu ilaidikye, nayo yechilekana na Ruwa menyi moo.

WAEBRANIA 6:1

Nkyo kitewe luleke isenda mbonyi tsa Kristo hando tsiasie, luhende itambahanya tsilya tseawutsia; lulakiwike-se kiwanja lya kawi kii kya mdumbuye fowuta-ho macha ipfo mawutonyi haende opfu, kii kya mwidikye foyalukya Ruwa.

WAEBRANIA 7:16

Alawewa adi kui owiko loliwawasya na njia ya kii-nyama, kya indi kawewa adi kui pfinya ya moo fulechipaṟakana.

WAEBRANIA 7:27

O alamwitike mfiri yose cha wakohanyi wanene walya wesonguo iwika-ho shidaso sheoloṟa manyamaṟo hawo waweny wechifurumia na shilya sha ha mkambo, Kyamba ikyo amaa ikiwuta limu echikudambika-ho amonyi.

WAEBRANIA 9:12

Kakuidya-ho chi kui samu ya oṟo ang'u ya mahache, kya indi nyi kui samu yake ii njenyi kahenda hando halya haele ili limu kechiwika ndalai yekaa mlungana.

WAEBRANIA 9:26

Kima nao na wudo nyi aweitika iwawyo kafoi wokia mandi wuyana wulembiko. Indi wulalu alewoneka-ho limu mainutsyonyi ha maheri nawute-ho wunyamaṟi kui ikudasa amonyi.

WAEBRANIA 9:7

Indi ihenda hemenyi lilya lingi nyi mkohanyi ulya mnene alekuhendya-pfo orio maka limu o amonyi kulawode alarie samu aidambikye-ho iwe yemkaya o iwemkaya na mkambo fose kya madeko hawo.

WAEBRANIA 9:9

Lyo lii mfanano fotungya maheri ha halemcha. Nafo fuwei na njodambiko na shidaso shiwekeendo ma shilaweidima iwanza sheko sha mrima fo mowika nasho wuindi.

1PETRO 1:19

Kya indi nyi muiwatalae kui samu iya njiele ya wuhuru ikeri ya ichondi lilafanyi lilai na kitendo, nyio Kristo.

1PETRO 2:22

O nyio alawetahachie kindo, alekoyo atambie kindona dumbu yakepfo.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 3:5

Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”