WAEBRANIA 9:11 - Bibilia Kui Mdedie fo Kimochi

¹¹ Kya indi Kristo amekuchea ai mkohanyi ang'anyi o mecha hai-mateṟye kakuidya hemenyi lilya ling'anyi liawukye kota lilya li-itane na mawoko, lyo lihambie ke lilai lya mtsanye fo ki-wulalu.

WAEBRANIA 9:11 Iomraidhean Croise

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

SHIIMBO SHA DAWIDI 40:7

Nlyong'u njilehamba, Ambuya ngacha (Kiidi kya njonyi injiṟehie njileṟehio).

YESAYA 59:20

Na mkiṟi nechicha Sioni, ko kiidi kya mbonyi tsako ifu nyifo mkundana foko,

YEREMIA 33:8

Njechisanja njonyamaṟo tsawo tsose na iwahoṟia wuwicho wowo na imina lyawo.

MALAKI 3:1

“Ambuyenyi, njiduma msu oko, naṟeheṟe njia oshangunyi loko; na Mndumii chu mokemshiha nechea hekalu lyake faṟa; msu ulya o mkundana mokechihiṟo nyio, ambuyenyi nyi aicha, Mndumii Menyi Matoṟito ahamba.”

MATAYO 11:3

“Nyio iyo ichu a mhambe nekaa nache ang'u luwedye ungi?”

MATAYO 2:6

‘Na iyo Betlehemu ukeri ya oruka lo Yuda, ukeri mtutu konyiia wamangi wo Yuda-pfo, kipfa kopfo iyo nyi kochikaa kuwuke mwitoṟi molisiṟa wandu wako Israeli!’”

MARIKO 14:58

“Luleicho kechihamba, ‘Njechisanja hekalu lyo li liwike na mawoko ha wandu njiwike lingi ko mfiri iṟaṟu lilaliwike na mawoko.’”

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 4:25

Nahong'u mka ulya kambia, “Njiichi ke nyi kochicha Mesia elaho nyi Kristo. Nao mandi echicha o echilutambahaluya orio kindo.”

MAWUTO HA WASU 7:48

“Kya indi ichu ai huya shose ekekaa mba tsii njiwike na mawokopfo chando mwikimbi ahambye.

2 WAKORINTO 4:18

Natso nyiso lularinga shilya shiwona indi shilya shilawono. Kyamba shilya shiwono sho shiipfo sha kiwulalu kya indi shiilya shilawono sho nyi sha mulungana.

2 WAKORINTO 5:1

Kyamba luichi ke mba ya tengo lyadu lya wanda ii ikasanjo luwode wiko liwukye ko Ruwa, mba ilanjiwike na mawoko ii ya mlungana ipfo ruwehu.

WAKOLOSE 2:11

Ili mlekulunga na Kristo muledino kimu nao, odinonyi lulali lo wandu lowuta-ho kinyama kya mbihu, nyi odino lo Kristo amonyi kui iletso lyiwukye Wumdunyi wo wunyamaṟi.

WAEBRANIA 10:1

Kyamba wuwawaso wusongoṟye kiṟishe kya mecha hawerie icha wulaweende fana ya matendo. Na shidaso shilya shimu wekeshiende maka yose shilunganyi sho shaidima ishitsa wadambiki kikunyi ma indipfo.

WAEBRANIA 12:27

Idedo ili; limu-se lingi, lyahamba necha ke shilya shii shidedemeshe shehenda ilachika cha kipfa shiwei-shiwumbe, kundu kukae-pfo shilawa idedemesho.

WAEBRANIA 13:14

Kyamba lulawode iya mṟi fokukaya-ho, kya indi nyi lukeri iwingya fulya fungi fochikuwiia-ho.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 4:15

Kipfa lulawode mkohanyi mnene alawechiidima iluichio wukiwa kya wufafa wodu indi ai mheshe kui shindo shose awehianyi naso wuta-pfo wunyamaṟi.

WAEBRANIA 7:1

Na Melkisedeki cho awei mangi ya Salemu mkohanyi o Ruwa ichu o huyashose. Nao kahenda yambya Abrahamu ili indi alewuka ngapanonyi iya yewinza wamangi walya, kamkumbuhana kembikya ona.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

2YOHANE 1:7

Kyamba walembi wafoi waipfo; walechikunda ihamba Yesu Kristo amecha kui nyama. Nyipfo kundo mdetsi aipfo iimakristo.