WAEBRANIA 8:6 - Bibilia Kui Mdedie fo Kimochi

⁶ Indi wulalu amkoya wuiṟichi wung'anyi wo ngoseṟa wuwukye ipfo kundo akukerie-ho mombele o owiko lochia kya ngoseṟa ilu luiilikishye mengenyi ya shiteṟio shicha kota shilya.

WAEBRANIA 8:6 Iomraidhean Croise

YEREMIA 50:5

Wechiwesa njia yehenda Siyoni, na shamu shawo nyipfo shiembeṟukie, wechihamba, “Njonyi.” Nawo wechiwadana na Mndumii-Ruwa kiidi kya mkundana fo mlungana fulechikaa fuhadimike.

LUKA 22:20

Na wudo kaweira na kirahu, wammaa ilya, kahamba, “Kirahu-ki nyi mkundano mhya fo ipfo samunyi yako impusuyo nyo.]

WAROMA 9:4

Wo nyiwo wai Waisraeli sa Ruwa alewasambuṟa wawe wana wake, kawasumba wuitoṟi na mkundana fulya na wuwawaso wulya na wuindi woindya Ruwa na shyasa shilya.

WAEFESO 2:12

Matika halya nyo muwei na Kristo-pfo, muwei wahenu ipfo mengenyi ya Israeli muwedamye mbai ya mbukaho ya kiteṟyo kilya mulawei na kindo muwei, muwei iya wuyana mulawekuwode na Ruwa.

1TIMOTEO 2:5

Kyamba Ruwa nyi umu na msanzi mosanza Ruwa na wandu na umu nyio mndu o wandu Kristo Yesu.

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

WAEBRANIA 7:22

Ipfo kundo alawewiko-ho tare nyamu nyi hondo Yesu kawa mwiṟichi moiṟicha owiko lochia kota lulya lungi.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.