WAEBRANIA 8:1 - Bibilia Kui Mdedie fo Kimochi

¹ Indi kilya kikeri mdo-hu kiidye ishi lomaa ihamba shose kikeri kidi; ke luwode mkohanyi ai mnene adi akudamiṟye ora lo kulyo lo kidembo kya wuitoṟi wo Ipfo maruwehu.

WAEBRANIA 8:1 Iomraidhean Croise

1MBONYI TSA MAHERI 29:11

Ee, Mndumii-Ruwa, wumangi nyi wopfo, na pfinya, na mng'ano, na wuwinzi, na wusuṟi; kipfa shindo shose sha ruwehu na wuyana nyi shapfo; na wumangi nyi wopfo, Ee, Mndumii, na iyo numuichike, na nyi ui mnene huye ya shindo shose.

YOBU 37:22

Sa njicha yewaa iwukie mtsudu Ruwa namṟingichie nyi kiṟumi kioweshie.

SHIIMBO SHA DAWIDI 104:1

Hoi Mrima foko, ṟumisha Mndumii. Iyo, Mndumii, Ruwa oko, ulekung'anyisha mnu! Uleṟaa wuindi na wuitoṟi.

SHIIMBO SHA DAWIDI 110:1

Idedo lya Mndumii ko mndumii oko: “Nodamie owoko loko lo kulyo, tane ngawika wakituwa wapfo, ikaa shi ya madende hapfo.”

SHIIMBO SHA DAWIDI 145:12

Kundu wamanyishe wandu mawuto hake manene, Na kiṟumi kya wulole wo umangi woke.

SHIIMBO SHA DAWIDI 21:5

Kiṟumi kyake nyi king'anyi ko okiṟo lopfo, Wuindi na pfinya kowika huyake.

YESAYA 24:14

Iwa wechiira maṟu hawo, wechikapa kitohio; kipfa kya kiṟumi kya Mndumii, wechikapa kitohio wuka ipalyipalyinyi.

MIKA 5:4

Nyio echiende ofoṟo. Waashuru kokoya wachea oruka lodu, na iida waringi wadu wowawinza, lochidika waringi wewatoṟomisha, ee da, lochidika wachili wadu wafoi.

MARIKO 16:19

Na Mndumii Yesu amededa ado nawo, kairio huye ruwehu, kahenda idamya ora lo kulyo lo Ruwa.

WAEFESO 6:20

Nyiyo ngameihalukya msu njii mpfunge na mshe, kundu njikaharie nayo njechideda chando kinjiwari.

WAKOLOSE 3:1

Mukameṟutso kimu na Kristo ke-walyenyi shiipfo huye, ipfo kundo Kristo ai adamye owokonyi lo kulyo lo Ruwa.

WAEBRANIA 1:13

Nyi alembie o ku o wasu walya waele ke, “Kudamiṟye owokonyi loko lo kulyo itane ngalaṟa wakituwa wapfo shi ya madende hapfo?”

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 10:12

Indi ichu alemdambika kidaso kimu mfi kiwewa kimaduma kya manyamaṟo kikae-ho mlungana kakudamiṟa owokonyi lo kulyo lo Ruwa.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 4:14

Kyasia ili lui na mkohanyi ang'anyi ichu alekuidya maruwehu halya nyio Yesu Mana chu o Ruwa lukuwade na imhamba.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.