WAEBRANIA 7:26 - Bibilia Kui Mdedie fo Kimochi

²⁶ Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.

WAEBRANIA 7:26 Iomraidhean Croise

SHIIMBO SHA DAWIDI 68:18

Iyo nyuledo ruwehu, kowada wuitoṟi, koinengo shiinengo kiidi kya wandu; Ee, ma walya walemi, Mndumii-Ruwa nakae nawo.

IWUKA 28:36

Na iyo sungusia ipalu lya sahabu njicha na itorongocha huyalyo, ofano lo mtorongochie fo mhuri, MWELE KO Mndumii-Ruwa.

YESAYA 53:9

Wakambika ṟungunyi hamu na wawicho. Kawepfa kimu na wasuṟi, Awewutie kiwicho pfo, Awehambie kindo na dumbu lyake pfo.

EZEKIELI 44:27

Ili mandi echiida mbenyi yako injiele nyi echiwuta kidaso kewuta wunyamaṟi. Nyi wudo Inyi Mndumii-Ruwa ngahamba.

MAITALA 29:26

“Mfiri fo katanu, mochilekia mapung'a kenda, masuwa hawi, shisuwa ikumi na shiina sha maka fumu shilawode tewe.

MATAYO 27:18

Nyi kifa lyandi aichi ke kindo wacha mdambikya-ho na wunyenyi.

MARIKO 16:19

Na Mndumii Yesu amededa ado nawo, kairio huye ruwehu, kahenda idamya ora lo kulyo lo Ruwa.

LUKA 1:35

Malaika kahaluo kambia, “Nyi Mumuyo Mwele echikusokia ipfo huye yapfo, na pfinia ya ichu ai huye ya shose nyi yechikuwikia mṟishe. Kyainenga kilya kyekaa kifeo kilaho nyi kyele, kii Mana o Ruwa.

LUKA 23:22

Nao Pilato kawawia lya kaṟaṟu, “A nyi kiwicho kida awutie lanye? Inyi njiwonyi kido limsumhanyie opfupfo. Kyasia, nyi njechimkapa, numa njimlekie.”

LUKA 23:41

So nyi lukeri-ho kya sungusihu, kipfa nyi luiambia kilya kisumhanyie mawuto hadu; kyaindi ichu awode kindo awutie kya wukika manya-lepfo.”

LUKA 23:47

Kyaindi mchili ulya o wasikari kekiwona shilya shewutika, kaidapfuma Ruwa, kahamba, “Na lohi, mndu-chu na awei mcha asumuhanyi!”

LUKA 24:26

Alae Kristo chi kiwemsumhanyie iliso wukiwa kundu naidime ikuidia wusuṟinyi woke?”

LUKA 24:46

Kawawia ke, “Nyi wudo kikiṟehie ke Kristo nyi awechikaa naliso ado wukiwa, na ili lya kaṟaṟu naṟuke wapfunyi.

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

YOHANE 8:29

Na ichu alenjiduma nyi ahendesanyi na inyi. Ma anjida njikae njimonyi-pfo kipfa nyi njiwuta shichihianyi nao mfiri yose.”

MAWUTO HA WASU 3:14

Nyo mlekana ichu Mwele ai na o Wusumhanyi mkakunda mwinengo mbahi ulya.

MAWUTO HA WASU 4:27

Cha kipṟfa nyi lohi kunu mṟinyi fu Herode na Pontio Pilato handu hamu na wandu wa mbaṟi njihenu na wandu wa Israeli walesanza kya isinga lyapfo yele o Yesu ichu ulemshimbwo na mafuda.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 2:10

Kyamba ichu awikye shose shiwe shake awewikye shose kui pfinya yake nyio kiwemsumhanye ili arie iduo wana wafoi wuitoṟinyi naitse msongoru o okiio lowo kiawutsyonyi kui mawawyo.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 7:11

Mkambo fo wandu fomewawasyo wukohanyi-hu wo ki-Lewi, kya indi kima nyiwo wuweawutsya wuawutsi nyi ki kilekiitika-se iwika-ho mkohanyi ungi arianyi na kamba lya Melkisedeki, alasendo na kamba lya Aron?

WAEBRANIA 8:1

Indi kilya kikeri mdo-hu kiidye ishi lomaa ihamba shose kikeri kidi; ke luwode mkohanyi ai mnene adi akudamiṟye ora lo kulyo lo kidembo kya wuitoṟi wo Ipfo maruwehu.

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

1PETRO 1:19

Kya indi nyi muiwatalae kui samu iya njiele ya wuhuru ikeri ya ichondi lilafanyi lilai na kitendo, nyio Kristo.

1PETRO 2:22

O nyio alawetahachie kindo, alekoyo atambie kindona dumbu yakepfo.

1PETRO 3:22

Nyio akukerye ipfo owokonyi lo kulyo lo Ruwa ili amaa idoya ruwehu ipfondo amshika ilaṟyo wasu wa ruwehu na waitoṟi na waapfinya.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

1YOHANE 3:5

Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.