WAEBRANIA 7:1 - Bibilia Kui Mdedie fo Kimochi

¹ Na Melkisedeki cho awei mangi ya Salemu mkohanyi o Ruwa ichu o huyashose. Nao kahenda yambya Abrahamu ili indi alewuka ngapanonyi iya yewinza wamangi walya, kamkumbuhana kembikya ona.

WAEBRANIA 7:1 Iomraidhean Croise

SHIIMBO SHA DAWIDI 57:2

Njechilaha Ruwa ai huye, Ruwa ekeinutsia shindo shako.

SHIIMBO SHA DAWIDI 76:2

Kimchalo kyake da ki Salemu; na handu hake hekaa nyi ipfo Sioni.

SHIIMBO SHA DAWIDI 78:35

Wakakumbuo ke Ruwa nyi iṟaṟa lyawo, na Ruwa o huye nyi mkiṟa owo.

SHIIMBO SHA DAWIDI 78:56

Kyaindi walehesha Ruwa ai huye, wakalekana nao; manya walewada shiṟingishio shakepfo.

DANIELI 4:2

Inyi njiwonyi ke kinjiwaṟi njihambe mbonyi tsa ṟiho tsilya Ruwa alenjiwutia.

DANIELI 5:18

Ko mbonyi tsapfo iyo mangi kikeri kiile:- Ruwa-chu akeri huya shose naleinenga Nebukadneza wumangi akeri ndeo, kamnenga wusuṟi wuitoṟi na wunene

DANIELI 5:21

Kafunio kuleshe na wandu, mahio na ngoo yake ikawa cha indo lya ngeṟenyi, kakaa kimu na nzoi tsa ngeṟenyi; kalya maṟa cha mbe, mbihu foke fukaambia ṟauṟa iwuka ruwehu; itane alemanya ke Ruwa-chu o huye nyio ai moitoṟia wamangi wose na wuyana na nyio ekewika mndu na imdosa chandu akunda.

MIKA 6:6

“Njihendie Mndumii-Ruwa na kiki, kundu njiindie Ruwa ai huyako? Ngesa, njimhendie na kiano kemaya modonyi, njimnenge ihache lya maka fumu?

MARIKO 5:7

Kafihiṟa na ṟu ling'anyi kahamba, “Nyikiki kyako na iyo, Yesu ui Mana o Ruwa, Mwitoṟi? So hoi Ruwa ulanjiture.” (

MAWUTO HA WASU 16:17

O awekeoshana na Paulo naso numa kefihiṟa mnu kechihamba, “Aiwa wasoṟo wai masinga ha Ruwa chu o huye wai wemuongoya njia ya okiio!”

WAEBRANIA 6:20

Nyi hondo Yesu alekuidya-ho molusongoya-ho so kawa mkohanyi mnene kui kamba lya Melkisedeki.

WAEBRANIA 7:2

Nyio Abrahamu kahenda imlekia kilya kyeshitsa ikumi kya shindo shilya shose. Nao asonguo ihambo mangi menyi wuhoṟotsu kawehambo lingi mangi ya Salemu lyo lihambye mangi menyi ofoṟo.

WAEBRANIA 7:3

Alaimsende ma kui wande ma kui wama ma kui kiriterite kya waku, alawode ma kiheri mkonu yake iwoke-ho ma kiheri moo foke fuinukye nakyo. Aimbaakishye Mana chu o Ruwa akaa mkohanyi o kitsitsi.

WAEBRANIA 7:6

Kya indi ichu alawa isendo na kiriterite kya waku ipfo kowo, o aleambya kilya kishitsye ikumi kya shilya sha Abrahamu kawikya ichu awembikye shiteṟyo shilya ona.