WAEBRANIA 6:2 - Bibilia Kui Mdedie fo Kimochi

² Kii kya wupatiso na kya ihekya mawoko, na kya iṟuka lya wapfu na kya mwanduye of mlungana.

WAEBRANIA 6:2 Iomraidhean Croise

KOHELETI 12:14

Kipfa Ruwa nechianduya orio iṟunda, na orio idedo lya kiṟika, liwe licha ang'u liwicho.

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

DANIELI 12:2

Kingi wafoi wa iwo wekoyo walee maṟungunyi wechiṟutso, wengi wawone moo fo mlungana na wengi sonu na wukiwa wo mlungana.

MATAYO 28:19

Kyasia kehendenying'u mukehaluo mkambo ya wandu yose wawe wa kiloshyonyi kyako muwewapatisya rina lya Wande na Mana na Mumuyo Mwele.

MATAYO 3:14

Yohane kamlehialehia kahamba, “Nyio inyi njiwechiwona njechipatiso nyi iyo, indi iyo kowuya icha na koko?”

MARIKO 16:16

Msa aidikye kapatiso, nechikiṟo, msa alaidikye, echiwonyo owingo.

MARIKO 7:4

Na wekelya kindo wahuṟa tumo-shile wakisanjapfo. Kuwode na shingi shifoi waambye shelindia, na kya isanja shirahu na shiṟambo na shitela.

MARIKO 7:8

Momda iwawaso lya Ruwa mkahenda iwada shilya mui wadeye nyi wandu.”

LUKA 11:38

Lilyandi Mfarisayo ulya alewona alye alawooka isanja mawoko, kaṟihio.

LUKA 12:50

Kyaindi njiwode wupatiso woko njipatiso nawo, na chando wunjikoṟoma, na mtano wumarisike.

LUKA 14:14

Na iyo, nanga iyo; kipfa wo walawode kekutaa. Kipfa kitaayonyi kyapfo nyi alya maṟutsyonyi ha wecha wasumuhanyi.”

LUKA 3:16

Naalyo Yohane kahaluo kawawia, “Inyi nyi njekempatisa na mṟinga; kyaindi nyi kukeri icha msa anjieṟie, nao kinsumuhanyie ma yoṟowuo ngowa tsa shadu shakepfo, o nyio echikaa nampatise na Mumuyo Mwele na modo.

YOHANE 1:33

Na inyi njiwemwichipfo, indi ichu alenjiduma njipatise wandu na mṟinga nyio alenjiwia, ‘Mndu-chu ochimbona Mumuyo fo Ruwa fochimsokia fuwuka ruwehu fukamkaya nyio echiwa mopatisa na Mumuyo Mwele.

YOHANE 5:29

Nawo nyi wechiṟuka. Iwo wawutye hai mecha waṟuke kyewada moo, na iwo wawutye hai mawicho waṟuke kya yanduyo mondu fulya.”

MAWUTO HA WASU 10:47

“Ngesa na kwipfo mndu echiidima iima mṟinga wandu wa walechipatiso iwo wamwambya Mumuyo Mwele kimu cha so?”

MAWUTO HA WASU 13:3

Nahong'u wekiidima iterewa na ikuotoya wakawahekya mawoko wakawalekya wahende.

MAWUTO HA WASU 16:15

Kekiidima ipatiso o na wa kany koke kaluterewa kahamba, “Kokoya momenjikooya ke nawo njii mwidiki o Mndumii kekuidyenyi na kunu kanyi koko mukae-pfo.” Kaluitikaitika.

MAWUTO HA WASU 16:33

Kawaambya saa na iya ya kio kawasanja kulyando wawewakape kahenda kupatisyo wo na wa kanyi koke wose oweṟe na lulya.

MAWUTO HA WASU 17:18

Nahong'u wandu wa wulanyi wo Epikuro maata-ho na wa wulanyi wo Stoa wakasumbuhanana nao. Kuwepfo wehamba, “A mndu chu o Makideda nkyo iki akundi hamba?” Wengi wakahamba, “Nyi ai cha nyi moongwo mbonyi tsa waṟufu wahenu.” Nyi kipfa aweionguo ndumi ya sia ya Yesu na ya maṟukyonyi.

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 2:41

Na walya waleambya idedo lyake na sia wakapatiso. Mfiri fulya kukaengeṟyo-ho wandu washika shiku shiṟaṟu.

MAWUTO HA WASU 23:6

Naho Paulo kekimanya ke kyenga kimu kya wa chila ii nyi Wafarisayo na kyenga kimu nyi Wasadukayo kairya ṟu lyake chilenyi iya kahamba, “Hoi womi mui wanawawama, inyi nyi Mfarisayo njii mana o Mfarisayo! Njikeri yanduyo kimaduma nyi ili njikusirye na maṟukyonyi ha wapfu.”

MAWUTO HA WASU 24:15

Ili njiwode mkusirye njikusirye nafo Ruwa ke kochikaa-pfo maṟukyonyi ha wapfu wai wa wuhoṟotsu na walai wa wuhoṟotsu, ma koka nyiwo nawo wakeri nafo.

MAWUTO HA WASU 24:21

Shile nyi kipfa kya dedo limu lilya mandi ndefihiṟa njihoṟoki makiidi hawi hawo njehamba, ‘Nyi kipfa kya maṟukyonyi ha wapfu nkyondo njianduyo oshangunyi lonu njidi inu.’”

MAWUTO HA WASU 24:25

Kyasia ili ashika yongwo mbonyi tsa wuhoṟotsu na tsa wukeha na tsa kiheo kya mondu fochikaa fuche naho Felisi kawuko m madima kahamba, “Kekuhendyeng'u wulalu, ngawona mkonu njechikudumya-se.”

MAWUTO HA WASU 26:8

A nki ili lyasaṟo n nyo ke nyi idedo lilechiidikya ke Ruwa echiṟutsa wapfu?”

MAWUTO HA WASU 4:2

Wo wawodo nyashi mnu kipfa ili wailosha wandu wechiongwo iṟuka lya wapfu lilewoneso nyi Yesu.

MAWUTO HA WASU 6:6

Wakawahoṟotsa oshangunyi lo wasu. Nawo wakawaterewya wakawahekya mawoko.

WAROMA 2:16

Kuwe mkonu fulya ilindi Ruwa echianduya kui mweke fo Yesu Kristo kya shilya sha wandu shii-shiṟike. Nyiyo ndumi njimdume nayo.

1 WAKORINTO 10:2

Wakashika ipatisyo Mose ipfo shi ya puchi lilya na ipfo mṟingenyi wose.

1 WAKORINTO 12:13

Kyamba so lose lulempatisyo mbihu fumu kui Mumuyo umu, kiwe luui Wayuda ang'u kiwe lui Wagriki, kiwe lui masinga ang'u kiwe lui masumba. Nyi luiwarutsye Mumuyo chu umu so lose.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

WAFILIPI 3:21

Nao nyio echikaa nailache mbihu fodu fo wunyonge fuwute-ho ifanana na mbihu foke fui na wuitoṟi. Kechiwa kidi kisumhanye pfinya iya awode yemnenga echilaṟa shose shi yake.

WAKOLOSE 2:12

Kipfa mulemṟiko kimu nao ipfo wupatisonyi mukaweṟutso kimu nao kui wuidiki wo mwamtsie fo Ruwa alemṟutsa Kristo wapfunyi.

2TIMOTEO 2:18

Kiidi kyawo kwifo Himenayo na Fileto, nyiwo waleasha ki-wulohi kilya ili wehamba ke iṟuka lyadu lilembutika wai, wakafurunjia maata mwidikye fowo.

WAEBRANIA 11:35

Waka wakaambya wawo walepfa wamshika iṟuka, indi womi wengi wakahenda ifunjo-funjo mafuo walaweleshya ndalai iya mawoko kundu washike ikoya iṟuka lingi lii icha.

WAEBRANIA 9:10

Shiwekuwode na shelya na shenyo shiishenyi na maolyo ha mbaṟi ii na ii, sha sungusihu tsa shinyama tsiweindikye tseringa kiheri kya wusumhanzo itane kishike iwoneka.

2PETRO 3:7

Indi ngina ya ki-wulalu na wanda ii shishiṟihikye nyi idedo lya Ruwa, tso tsikeri nteṟye modo kui idedo li lya Ruwa tsiinkoomye mkonu fo maanduo halya hang'anyi forumatsa wandu walya wenyi-wulemeshi.