WAEBRANIA 6:1 - Bibilia Kui Mdedie fo Kimochi

¹ Nkyo kitewe luleke isenda mbonyi tsa Kristo hando tsiasie, luhende itambahanya tsilya tseawutsia; lulakiwike-se kiwanja lya kawi kii kya mdumbuye fowuta-ho macha ipfo mawutonyi haende opfu, kii kya mwidikye foyalukya Ruwa.

WAEBRANIA 6:1 Iomraidhean Croise

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MATAYO 21:29

Nao kahaluo kahamba ngaleha, ‘Ili numa kawuya iwado nyi machenyede kakuhendya.’

MATAYO 21:32

Nyi kipfa Yohane alecha na konu kui njia ya wusumuhanyi nanyo ma mlamidikye, wesana okamba nyiwo welemidikya ili numa na waka wameluki. Nanyo mkakiwona ma mladumbuye lyandi mulelemidikya.’”

MATAYO 3:2

Kehamba, “Dumbuyenyi, kyamba wumangi wo Ruwa womeafukia kufui!”

MATAYO 4:17

Wokya mandi halya, Yesu kawooka yonguo kahamba: “Kedumbuyenyi, kyamba wumangi wo Ruwa nyi hafui wui.”

MATAYO 5:48

Kyasia, wenyi wandu waholokie wucha, chando na Nde-anuo ipfo ruwehu aholokie wucha!”

MATAYO 7:25

Naho mvuo ikaoloka, mamṟinga hakasoka, njotanu tsikakuma tsikakapa mba iya ilaho, kipfa lyandi iwenjiilike handu hakualye iho.

MARIKO 1:1

Mawokionyi ha Ndumi ya Sia ya Yesu Kristo Mana o Ruwa.

MARIKO 6:12

Wakakuhendya wakaongoya wandu wadumbuye.

LUKA 6:48

nyi aṟinganyi na mndu mowika mba, kaisumia, kaisotsia wanda, kawika itsinde lyayo iṟaṟehu lya iho. Kyasia, mfu fukacha, mṟinga fulya fukatsindika-tsindika mba iya fulaidime iihutsa; kyamba kimae kyayo kiwei kisotsie necha.

YOHANE 12:44

Nahong'u Yesu kahamba na ṟu lyinganyi, “Mndu anjidikye inyi chio inyi anjiidikye tupu-pfo, naidikie ichu alenjiduma daa.

YOHANE 14:1

Yesu kawawia, “Ma mulanenewuke ipfo ngoonyi tsanu. Idikienyi Ruwa muwenjidikya na inyi.

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 17:30

Kyasiang'u Ruwa nyi awetsirilye matika halya kuiho wutondotondo. Kya indi komshika iya mandi ha wulalu nao awang'u motutuma wandu kudo kose ke wailachike mrima yawo.

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

MAWUTO HA WASU 26:20

Indi ndehenda yongoya wandu ke wadumbuye na ihalukya Ruwa wawe wewuta mawuto hasumhanye mdumbye fowo; ndewoka iwaongoya njido ipfo Damasiko na ipfo Yerusalemu itane sanga lya Yudaya lyose na mkambo ya wandu ingi.

MAWUTO HA WASU 3:19

Dumbuyenyi muilachike mrima yanu kundu njonyamaṟo tsanu tsiwuto-ho.

1 WAKORINTO 13:10

Kya indi ili mandi wuholotsi wulya womcha na mbetesa yechisia nawo.

1 WAKORINTO 2:6

Sha wuṟango na lushiwode sheongoya walya wai waholoki, indi wuṟango wu wulai wo maindi ha ki-wulalu manya wo waitoṟi wa ki-wulalu ki kyerumara.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

2 WAKORINTO 7:10

Kyamba fowa tsi tsii njamtse nyi Ruwa tso tsiende mdumbuye fowika-ho okiṟo fulai na samanya; indi fowa tsii njiamtse nyi wuyana wu tso tsihendende opfu.

WAEFESO 2:1

Kyanu nyo muwei opfunyi lo madeko na manyamaṟo hanyu.

WAEFESO 2:5

Kaluwika so moo fumu na Kristo matika halya luwei wapfu kui manyamaṟo nyi mui wakiṟe kui wutonga wo Ruwa.

WAEFESO 4:12

Keteseheṟa wandu wa Ruwa kya oṟundo lo Kristo shyaando shewika mbihu fo Kristo,

WAKOLOSE 1:28

Nyio Kristo luimhamba lochitutuma orio mndu ose na ipfunda orio mndu ose kui wuṟango wose kundu luhoṟotse-ho orio mndu ose oshangunyi lo Ruwa natoṟikye Kristo toṟi.

WAKOLOSE 3:14

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

WAKOLOSE 4:12

Odoyanu Epafra amwiṟikiṟa ai o konu, na isinga lya Kristo Yesu echimkapanya nyo kiheri kyose ipfo shiterewonyi shake kundu muhoṟoke-ho mutimie mui wawanzie orio kindo Ruwa akundi kyose.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1TIMOTEO 6:19

Wechikusanya wawenyi kisa kiwe kechiwawiia kiwanja kicha maheri halya hecha, kundu wakuwonye moo fulya fui moo lohi.

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

WAEBRANIA 12:13

Mutanye madende hanu osenge luhoṟotsu, kundu kilya kiirichahia kilarendemke, indi kikunde henda chia.

WAEBRANIA 7:11

Mkambo fo wandu fomewawasyo wukohanyi-hu wo ki-Lewi, kya indi kima nyiwo wuweawutsya wuawutsi nyi ki kilekiitika-se iwika-ho mkohanyi ungi arianyi na kamba lya Melkisedeki, alasendo na kamba lya Aron?

WAEBRANIA 9:14

Nyi wuda kya ngoseṟa samu ya Kristo ichu alekudambikya Ruwa amonyi ai mkeha kui mumuyo molungana echiilisha sheko shilya sha mrima yanu iletsano na matendo ha opfu, iwe yepfuṟukanya Ruwa menyi mo?

YAKOBO 1:4

Indi wukuhodi wu wumarisie iṟunda lyawo ipfo kundo nyo mochiawukya muhendechia wyoo mulapfuwae ma kya iki ma kya iki.

1PETRO 1:21

Nyo mui-waenengye nyio mochiidikya Ruwa chu alemṟutsa wapfunyi kamsumba wuitoṟi. Nkyo kyatewa wuidiki wu wonu wurie na owedi lowedya Ruwa.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.

1YOHANE 4:12

Kuwode mndu alemewona Ruwa ma indipfo. Ilindi lukundanyi luwenyi na wenyi lyo lyaenenga Ruwa akaa naso, na ikunda Ruwa likaawukya ichia kodu.