WAEBRANIA 5:9 - Bibilia Kui Mdedie fo Kimochi

⁹ Ili alemaa yawutsio adi, lyo likamtana moendie iwa wamwidikye okiio lo mlungana wose.

WAEBRANIA 5:9 Iomraidhean Croise

SHIIMBO SHA DAWIDI 45:17

Rina lyapfo njechiliwika liwe ngumbuoni kiidi kya shishari shose, ko ikyo wandu wa mkambo wechikuana mlungana na mlungana.

SHIIMBO SHA DAWIDI 51:6

Ambuya nyokechihiṟo nyi wukiilohi wo mrimenyi. Iyo nyochinjikumbuṟa wuṟango kui kiṟika,

SHIIMBO SHA DAWIDI 51:8

Njiichuṟa sia na msiha, mafuo halya haweluo hachie.

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YESAYA 50:10

Nyiu kiidi kyanu aowoye Ruwa, ekundia ṟu lya mṟundi oke? Ichu ekeida memenyi, alawode saa, akusirie rina lya Mndumii, na ikusiria Ruwa oke.

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

DANIELI 9:24

“Ambuya chandu ki kiteṟie, maka mfungade ka makumi mfungade (490) kya wandu wako, na kya mṟi foko mwele, kundu njechitirimisha wunyamaṟi na iwika ho mhoṟie njechiwutaho wukika wose na iende wukiilohi mlungana, na iwikaho ofano lo kiwonesio kya wuikimbi na ishimbuo na mafuda ichu ai mwele.

ZEKARIA 6:15

Walya wa kuleshe wache iwika hekalu lya Mndumii; nanyo mochimanya Mndumii menyi matorito anjidumie konu ishi shechiinutsyo, kokoya motambahana iindya ṟu lya Mndumii, Ruwa onu.

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

LUKA 13:32

Nao kawawia, “Hendenyi muwie ipaara-lyo; Ambuya nyi njiifuna mṟufu mbicho na ichiṟa njimarise ichiṟa wandu inu na ngama, na kilalau nyi njechikooya njimarisie.

YOHANE 19:30

Naho Yesu kekififinda mwinyo fulya futarang'ae kahamba, “Kyamekumarisikyang'u.” Kang'odwo mdo kalekya moo.

MAWUTO HA WASU 3:15

Kyasia nyo mlewaaha mangi iya ya moo na Ruwa nyi alemṟutsa opfunyi, naso nyi waringishi wa mbonyi tso.

MAWUTO HA WASU 4:12

Ma kukipfo-se ungi aende okiiopfo. Kyamba kulakeri ma rina lingi kunu shia ruwehu li inengye wandu liwanyi lukiṟo nyilyo.”

MAWUTO HA WASU 5:32

Natso nyi lukeri waṟingishi wa mbonytsi na Mumuyo Mwele aiho ichu Ruwa ainengye walya wamwidikye wose.”

WAROMA 1:5

Nao nyio alelusaṟya kaluinenga wudumi wohendelishya rina lyo lyake wuidiki ipfo mkambonyi ya wandu yose.

WAROMA 10:16

Kya indi chi wose waleambia Ndumi ya Siapfo. Kyamba Yesaya ahambye, “Hoi Mndumii, nyio-wu aleidikya ndumi yadu?”

WAROMA 15:18

Kyamba njilakarya ihamba kindo shile nyi shilya Kristo aletana anjiwode kihia kyake kyeangushya mkambo mhenu madu kui ideda na iwuta.

WAROMA 2:8

Indi iwo wengi wawode ikukunda walaidikie kilya kiilohi indi wakaidikia mawicho wo wechihoyo nyashi na tuuke ya Ruwa.

WAROMA 6:17

Indi Ruwa nawikyo mwaano kipfa muwesia ikaa masinga ha wunyamaṟi mukashika yanguya madu mateteṟa-chu mompfunda muiwadambikye koke mukuwode-ho na mrima msanze.

2 WAKORINTO 10:5

Luwewunduo na orio tunja yekuirya wuṟango wo Ruwa, lochilaṟa na mhie yose iwe yechihendelya Kristo.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

2WATESALONYIKYE 1:8

Na olewo lo modo fochiaka pala echidehelya walya walehye Ruwa walaweanguya Ndumi ya Sia ya Mndumii odu Yesu madu.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

WAEBRANIA 11:40

Kipfa kilya Ruwa alesonguo iluwonya kiwe kicha kota, ke walashike yawutsyo chila hamu naso.

WAEBRANIA 11:8

Nyi wuidiki wukaenenga Abrahamu ilindi amshikahenda ilaho aleleshyaho madu kesamya hando hawei hateṟie hembia kyoṟa, kahenda isama kulawode aweichi handu halya heshika-ho.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 2:10

Kyamba ichu awikye shose shiwe shake awewikye shose kui pfinya yake nyio kiwemsumhanye ili arie iduo wana wafoi wuitoṟinyi naitse msongoru o okiio lowo kiawutsyonyi kui mawawyo.

WAEBRANIA 2:3

Nyi wuda lochituruchukia-ho so ili loilaala okiio lung'anyi ludi? Nalo kimaenyi kyalo nyi ipfo kundo luleongoyo nyi Mndumii lukaweluwanzio so nyi walya walemwicho.

WAEBRANIA 9:12

Kakuidya-ho chi kui samu ya oṟo ang'u ya mahache, kya indi nyi kui samu yake ii njenyi kahenda hando halya haele ili limu kechiwika ndalai yekaa mlungana.

WAEBRANIA 9:15

Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

YUDA 1:21

Ke-kuringenyi muwenyi mukae mochikunda Ruwa muwe mochiwedya osaṟio lo Mndumii odu Yesu Kristo loshitsya hando hawode moo fulechisia.