WAEBRANIA 4:11 - Bibilia Kui Mdedie fo Kimochi

¹¹ Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

WAEBRANIA 4:11 Iomraidhean Croise

MATAYO 11:12

Kiwokia mafiri halya ha Yohane Mpatisi koshika wulalu wumangi wo ruvehu nyi wokewado na pfinya, na waafinya nyiwo wewurakwo-ho.

MATAYO 7:13

“Keidenyi alya kichuminyi ki kisise, kifa nyi kuipfo kichumi kikualiye na njia yakyo njilandari, kitsitsionyi kyayo nyi kidekionyi, na weida napfo nyi wafoi.

LUKA 13:24

Kawawia, “Tambahanenyi ikuchuruwuya kichuminyi kii kisise; kipfa nyi ngamuwia; nyi kuipfo sa wechikunda ikuidia-pfo, indi walechiidima.

LUKA 16:16

Mbonyi tsa wuwawaso na tsa waikimbi nyi tsileedio itane Yohane acha, na kiwokia-lyo nyi kokeongoyo mbonyi njicha tsa wumangi wo Ruwa, na orio mndu nyiekepario-pfo na pfinya.

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

MAWUTO HA WASU 26:19

“Agripa, ikyo kikanenga njilakuhode iidikya kiwonesyo ki kya ruwehu.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAEFESO 5:6

Mulawone mndu echimlemba na madedo ha wulya. Kipfa kya ishi nyashi ya Ruwa ikeri ichea wandu wa oleho.

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAKOLOSE 3:6

Shindo cha isho shatewa nyashi ya Ruwa icheye iwo wose waimleha.

TITO 1:16

Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

WAEBRANIA 3:12

Kuṟisenyi wanawawama, kulawone mndu ai kiidi kyanu menyi ngoo njiporu ilaidikye, nayo yechilekana na Ruwa menyi moo.

WAEBRANIA 3:18

Nyi wa ku alewalia nyamu kehamba, walashike yangya hawode olele loke? Chi iwa walelema iidikya?

WAEBRANIA 4:6

Ikyo kimanyishye ke kodeo maanya fo wandu wechikuangya-ho indi walya walesonguo yongoyo ndumi ya sia wo walawekuangya-ho kitewe nyi wulemi wulya.

WAEBRANIA 6:11

Na lulalakye mnu ke orio mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi.

YOSHUA 7:3

Wekiwuya wakawia Yoshua, “Manya luladike wandu wose wahende ikapa mṟi fu fo Ai pfo, kyamba wandu waipfo nyi sa waangu. Lukaaduma wandu shiku shiwi ang'u shiṟaṟu nyi washikie.”

2PETRO 2:6

Na mṟi ya Sodoma na Gomora Ruwa kaikombetsa kombi kaikoṟa na modo kiwe kichano kya shindo shechihoya wandu wechikaa wapiṟe Ruwa.