WAEBRANIA 3:5 - Bibilia Kui Mdedie fo Kimochi

⁵ Na Mose nyi awei mhendeli o ipfo mba ya ichu, kawa mtarami moṟingishia shilya shiwerie ihambo.

WAEBRANIA 3:5 Iomraidhean Croise

NEHEMIA 9:14

Kowewaloshase iindia mkonu fo Sabato, na owokonyi lo mṟundi opfo Mose kowainenga mawawaso hapfo.

SHIIMBO SHA DAWIDI 105:26

Kaduma Mose, mṟundi oke, na Aronyi msa alemsambuṟa.

IWUKA 14:31

Waisraeli wakawona iṟunda lilya lying'anyi Mndumii-Ruwa alewutia Wamisri, nlyondi wanduwo waleichika Mndumii-Ruwa, wakaidikia Mndumii-Ruwa, na mṟundi oke Mose.

IWUKA 40:16

Mose katana ado shose; chando Mndumii-Ruwa emmbia nyi wudo aletana.

MAITALA 12:7

Kyaindi kya mṟundichu oko Mose nyi kii kiwungi nakamu. O nawode iṟunda lyeringa wandu wako wose.

MATAYO 24:45

“A nyi wu akeri-ho ai isinga lihendeli akeri na mṟango chu Mndumii ambikye mnene mokalya kulya kanyi koke nainengye na masinga wodoe shelya ili kiheri kishikye?

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

LUKA 12:42

Mndumii kahamba, “A nyiu ichu mokalia kanyi awei mwidiki mṟango, mndumii oke awemhaluye mnene o waṟundi wake, nawe mowahawia kando ili kiheri kyashika?

LUKA 24:27

Nao kawoka alya ko Mose na waikimbi wose kawatambahaluya shilya shi-shidede sha mbonyi tsake kadung'atsa mṟeho yose.

YOHANE 5:39

Nyo mokeweṟuwetsa Maṟehyo Maele muichi kulako mochiwonapfo moo fo mlungana, ate maṟeho ho nyi inyi. Naho hainjiṟingishya.

MAWUTO HA WASU 28:23

Wekimaa iteṟyana nao mkonu wakacha na koke kulyando awelaa wandu sa wafoi kawaongoya neng'cha na iṟingishya wumangi wo Ruwa kechiwadambuya kya Yesu na mweke fo wuwawaso wo Mose na fo waikimbi awoka ngamenyi kashika kyukanyi.

MAWUTO HA WASU 7:37

Mose cho nyio alewia wandu wa Israeli, ‘Ruwa echimwamtsya mwikimbi cha inyi ipfo kiidi kya wanawamanu.’

WAROMA 3:21

Na wulalu wuhoṟotsu wo Ruwa womhenda imanyisho tare wuwawaso indi wuu-wuwikye kiṟingishyo nyi wuwawaso-wo na waikimbi wo.

1 WAKORINTO 4:2

Kikawa kido kitsuhae kyeringa waheki nyi nashike iwono ai mteechi.

NGUMBUO YA MAWAWASO 3:24

“Hoi Mndumii-Ruwa, Mndumii-Ruwa, njiichi nonjiloṟa inyi mṟundi opfo mawookionyi ha wunene wopfo na wuidimi wopfo. Cha kipfa, kuwode ruwa o mbaṟi njiki ipfo ruwehu ang'u kunu wuyana eidima iwuta shindo shinene na sha ṟiho chandu okewuta iyo?

NGUMBUO YA MAWAWASO 34:5

Kyasia, Mose mṟundi o Mndumii-Ruwa kapfia kulya orukenyi lo Moabu chando idedo lya Mndumii-Ruwa alelihamba.

1TIMOTEO 1:12

Ngaana Mndumii odu Yesu Kristo mbanzi oko ili alenjikusaṟa mhendeli kanjiwika kipfuṟukanyonyi.

WAEBRANIA 1:1

Mbaṟi tsiweipfo tsifoi na njia natso Ruwa alemdeda na waku wadu kui waikimbi walya.

WAEBRANIA 3:2

O awei mhendeli mohendelya ichu mombika-ho kimu chando Mose awei o ipfo mba yake yose.

WAEBRANIA 3:4

Kyamba orio mba yekewiko nyi mndu indi mowika shose nyio Ruwa.

WAEBRANIA 8:5

Nyiwo wekeṟundya mfano na mangeṟingesha ha shilya shikeri ruwehu, chando Mose aleshika itutumyo ili indi awerie isungusia hema lilya. Kyamba ahambie ke, “Ambuya mnu ochitana shose kui mfano fulya uleloṟo ipfo fumvu-hu lilya.”

WAEBRANIA 9:24

Kyamba Kristo alawehenda hando haele hai-hawike na mawoko hahambie halya ha lohi kui mfano, kya indi kahenda ruwehu kwenyi nakuloṟe oshangunyi lo Ruwa wulalu echiluhoṟokya-ho so.

YOSHUA 1:15

Cha kipfa nyi mochiwaikanyia itane ili mandi Mndumii-Ruwa echiwainenga oruka handu hesia moo chandu alemwinenga nyo, waweoṟa chandu Mndumii-Ruwa onu alewainenga luwe kyoṟa kyawo, kii kidi mochiwuya na orukenyi lu lonu muluchilie, oruka muleinengo nyi Mose mṟundi o Mndumii-Ruwa nalo nyi lukeri ora lo ngamenyi lo meda fo Yordani.’”

YOSHUA 1:2

kambia, “Mṟundi oko Mose alemaa ipfa, koikyo kure iyo na wana wa Israeli, muhende iambada meda fo Yordani itane moida na orukenyilu njikeri imwinenga.

YOSHUA 1:7

Kipfa kya ikyo, ukae ui ngohoda, na mrahari, uweambuya necha kochiringa wuwawaso wulya mṟundi oko Mose alekuwawasa. Kyamba koosha necha mawawaso ho hose nyi ochiwona mboṟa handu hose ochikuidia.

YOSHUA 8:31

kikawekuwia kido chandu Mose mṟundi o Mndumii-Ruwa awewawasie Waisraeli, chando kiwei kiṟehie ipfo kitapunyi kya mawawaso ha Mose ke handuho hedasia nyi hechiwiko ko maho halamapaṟepaṟe manya kulakae pfo menya yose. Huye ya rasio lyo nyi hondo walewuta shidaso shemaya modonyi na shidaso sha ofoṟo.

YOSHUA 8:33

Kyasia Waisraeli wose handu hamu na wanene wawo, wameku, wa wachili, na wahenu wose wawei kiidi kyawo, wakahoṟoka njora tsose oshangunyi lo isanduku lilya lya mkundana lya Mndumii-Ruwa, oshangunyi lo wakohanyi wa Kilewi wawekudikie isanduku lya mkundano lya Mndumii-Ruwa. Kyenga kya wandu wo wakahoṟoka oshangunyi lo fumvu lya Gerizimu na kyenga kingi oshangunyi lo fumvu lya Ebali, kiwekuwia chandu Mose mṟundi o Mndumii-Ruwa awewawasie ili lya mboko lya iwikia Waisraeli mboṟa.

OTAMBAHALUO LO YOHANE 15:3

Wakaimba kiimbo kya Mose awei singa lya Ruwa wakaweimba kiimbo kya kidahina ki wehamba, “Mawuto hapfo, Hoi Mndumii, hoi Ruwa Menyi-pfinya tsose, hai manene haṟihishye. Njia tsapfo, hoi Mangi ya mkambo ya wandu, tso tsiende mdumbuye isumhanyi tsimanyishye kilya kii-lohi.