WAEBRANIA 2:11 - Bibilia Kui Mdedie fo Kimochi

¹¹ Kyamba ichu mwilishi na iwa weilisha wapaṟikye ko ichu wose. Nkyo kimarete alapfia sonu yewalaha wanawawama.

WAEBRANIA 2:11 Iomraidhean Croise

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

MATAYO 28:10

Nalyo Yesu kawawia, “Ma mlaowuo! Kehenda ongoyenyi wanawawama wahende kulya Galilaya. Mpfondo wechinjiwona.”

MARIKO 3:34

Kawaṟengutsya meso walya wawedamyeho wawembikye kiidi kahamba, “Aiwa wama oko na wana wa wama wako.

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 9:26

Kipfa orio mowada sonu tsako inyi ang'u tsa shidedo shako, o ichu na Mana o mndu na echeewada sonu tsake ili echikaa nache na wusuṟi woke, nyiwo wo Nde na wo wamalaika wake waele.

YOHANE 17:19

Nyi kimaduma kyawo ngakutana mwele inyi kundu nawo da wahende itano waele kui wukilohi wulya.”

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 20:17

Yesu kambia, “Ma kulawone koikuwasha na inyi. Kipfa ili ndamekudoya na kulya ko Wande. Kya indi uhende kulya ko wanawawama nowawie, Njikudoya na ipfo ko Ndeyako nao Ndeyanu na ko Ruwa oko nao Ruwa onu.”

MAWUTO HA WASU 17:26

Nao nyio awikye ichu umu mopaṟa mkambo ya wandu yose wakahenda ilaa masangeny ha wanda ii hose, kekimaa iwateṟya maheri na mṟasa ya mkae yawo.

MAWUTO HA WASU 17:28

Kyamba nyio ailuwawa ili lukukerye luwei na moo na ikupaya-paya-ho na ikukaya-ho luweiho. Na chando wateṟi wa shiimbo wa kikonu walewehamba ke, O naso luwei wa mbaṟi yake.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

WAGALATIA 4:4

Kya indi ilindi kiawutsya maheri kilemcha Ruwa kawemdikya Mana oke kafeo nyi mndu mka kawewiko shi ya mawiko.

WAEBRANIA 10:10

Kui kyama ki luiwailishe na limu likawa na odambiko lo mbihu fo Yesu Kristo.

WAEBRANIA 10:14

Kyamba iwa weilisha nyi alewashitsa kikunyi kui odambiko lumu mfi lochikaa mlungana.

WAEBRANIA 11:16

Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.

WAEBRANIA 13:12

Nkyo kitewe na Yesu alewawiṟo ora lo nja lo kichumi kya mṟi fulya kundu nailishe mkambo foke kui samu yake.

WAEBRANIA 2:14

Cha kipfa ili wana wakuwode na samu na nyama, na wudo alekuwada natso kimu nawo kundu nawute wuitoṟinyi kui opfu ichu aitoṟie opfu, nyio mkumbi ulya.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.