WAEBRANIA 13:16 - Bibilia Kui Mdedie fo Kimochi

¹⁶ Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

WAEBRANIA 13:16 Iomraidhean Croise

SHIIMBO SHA DAWIDI 37:3

Ukusirie Mndumii uwute mecha, ukae aa wuyana, uchihiṟo nyi wuhendeli.

SHIIMBO SHA DAWIDI 51:19

Lyong'u ochichihiṟo nyi shidaso sha lohi, na shyaano shemaya madonyi njodambiko na idasa, naho wechiwuta mmbe, huya kitaṟa kyapfo kedasia.

LUKA 18:22

Yesu aicho ado kambia, “Utsiheṟe kindo kimu henda kumba isho uwode shose nohawie wakiwa, nlyondi ochiwada kisa kulya ruwehu. Komemarisa, nocheng'u nonjioshe.”

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 9:36

Nahong'u na kulya Yope kuwepfo mka o kiloshyony ewio rina lyake nyi Tabita (nyi kimu na sariha.) Mka chu awei sa msanze mowuta mawuto mecha na isungusia shindo shetarama wakiwa.

WAROMA 12:13

Mudaṟane na wandu wa Ruwa kya shindo wawuṟye, mukukambiṟe ihida wahenu kui wulalutsa.

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

WAGALATIA 6:6

Ichu ailosho idedo lya Ruwa natoshane na ichu aimlosha.

WAEFESO 4:28

Muiwi nalakiiwe-se, indi naṟunde necha nawe motambahanya kilya kii kicha ekisungusia na mawoko hake hamenyi kundu nakuwonye-ho kyenenga na ulya akiwuṟye.

WAFILIPI 4:14

Ma kikamba kido na momtana kya wucha ili mulewada kyando na shiwira shi shako.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

1WATESALONYIKYE 5:15

Muambuye-ho kundu na mndu nalawone echitaya ungi kiwicho alembutya na kiwicho kyake o aimbutya, indi mutambahanye kiheri kyose iwutiana kilya kii kicha, muwe mokiwutya na wengi wose.

2WATESALONYIKYE 3:13

Indi nyo, wanawawama, mulalemo iṟunda mecha.

1TIMOTEO 6:18

Wawe wechisumba, wafeṟe mfeṟa fo mawuto mecha, wawe makitomoka wakundi ilekia.

FILEMONYI 1:6

Ngaterewa kundu mawadano ha wuidiki wopfo hawe hechiṟunda heitsa wuṟangonyi woimanya orio kicha kyose kii nanyo kyeṟundya Kristo.

WAEBRANIA 6:10

Kyamba Ruwa alai mlemeshi awechihadima wina lyanu na kunda lyanu muwewonye rina lyake ili indi muweipfuṟukanya waele walya, na iwapfuṟukanya mui.

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.