WAEBRANIA 11:6 - Bibilia Kui Mdedie fo Kimochi

⁶ Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

WAEBRANIA 11:6 Iomraidhean Croise

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

YOBU 21:14

Wakawia Ruwa, ‘Lekana naso! Lukaundi imanya mbonyi tsapfo-pfo.

SHIIMBO SHA DAWIDI 106:24

Wakapiṟa oruka lulya luchihiṟie, manya waleidikia idedo lyakepfo.

SHIIMBO SHA DAWIDI 119:10

Kui mrima foko fose njilekupfula, Kulanjide njidekie kuleshe na mawawaso hapfo.

SHIIMBO SHA DAWIDI 58:11

Na mndu nyechihamba, nkya lohi Kuwode wueri ko ulya asumhanyi. Nkya lohi kuwode Ruwa ekeanduo kunu orukenyi!

SHIIMBO SHA DAWIDI 73:28

Ikaa kufui na Ruwa kinjichihiṟie mnu, ngahaluo ko Mndumii-Ruwa handu hedichia, njionguo mawuto hapfo hose.

SHIIMBO SHA DAWIDI 78:22

Kipfa walaleidikia Ruwa, manya walakikusirie okiṟo loke.

SHIIMBO SHA DAWIDI 78:32

Hamu na ikyo wakaengeṟa iwuta wunyamaṟi; manya walaidikie mawuto halya hake ha ṟiho.

MFANANO 11:18

Mndu mbicho nechiambya wueri wo wulembi; Mowaaya lohi nawode wueri wokusirya.

MFANANO 8:17

Njikundi walya wanjikundi, Na walya wechinjishiha mnu na mrima wechinjiwona

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YESAYA 7:9

na mdo fo Efraimu nyi Samaria, na mdo fo Samaria nyi mana o Remalia, mulakunde iidikia nyi kya lohi mochiwanga-pfo.”

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

MAITALA 14:11

Kyasia Mndumii-Ruwa nalewia Mose, “Wanduwa wechinjimina kudi mṟasa indii? Na nyi mṟasa indii wechihutsa macha koko, manya chandu ndewuta ṟiho tsose kiidi kyawo?

MAITALA 20:12

Kyaindi Mndumii-Ruwa kawia Mose na Aroni, “Kipfa kya ili mulanjiidikie inyi, manya injiwadia wuindi oshangunyi lo Waisraeli, kyasia kipfa kya ikyo mochiitsa mamiingifu fo wandu na kulya orukenyi njilemulia nyamupfo.

MATAYO 11:26

Na wudo kikeri-wo, hoi Wande, nyi kipfa kiwekuchihie kihende kido.

MATAYO 5:12

Kechihiyonyi mbekeseka, kipfa woṟunda wonu nyi wufoi kulya ruwehu, kifa na wudo waleweterengia waikimbi walya wa-wemsongoye.”

MATAYO 6:16

“Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

MATAYO 6:33

Kyaindi songuonyi ilalakia wumangi wo Ruwa na wusumuhanyi wowo, na shingi nyi mochiinengo cha shannga.

MATAYO 6:5

“Ma iterewa na wudo; ma mlawe cha makulembetseṟe halya! Wo nyi wakundi iterewa wahoṟoki ipfo sinagogenyi na alya kikumbuhananyo kya njia tsa mṟi kundu wakuloṟe na wandu. Nki lohi iki njiimbia wo walemmaa iduo kya woṟunda wowo!

MARIKO 16:17

Na shiṟingishyo sheimya iwo waidikye nyi shikeri shii-le, nyi kui rina lyako wefuna nalyo waṟufu wawicho, na ideda kui mdedie mhya.

LUKA 12:31

Kyaindi lalakienyi wumangi woke; na isho shingi nyi cha sha ngawo.”

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 8:24

Nkyo kitewe ngamuwia-ng'u, Nyi ipfo wunyamaṟinyi wonu kundo mukeri mpfondo mochikupfia. Kyamba kokoya mulechiidikya kye, ‘Inyi nyio.’ Na ipfo wunyamaṟinyi wonu kundo mukeri mpfondo mochikupfia.”

WAROMA 10:14

Aka wechiidima imlaha wada walamwidikye ngesa? Indi wamwidikye wada walandeshikio mbonyi tsake ngesa? Indi washikio wada mbonyi tsake kulaiho mowaongoya ngesa?

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAEBRANIA 11:26

Nyi alehamba isutso kimaduma kya Kristo lyo liende wusuṟi kota shisa sha Wamisiri, kyamba nyi aleringa wuṟundi wulya.

WAEBRANIA 3:12

Kuṟisenyi wanawawama, kulawone mndu ai kiidi kyanu menyi ngoo njiporu ilaidikye, nayo yechilekana na Ruwa menyi moo.

WAEBRANIA 4:2

Kyamba naso luiwaongoye ndumi ya sia chawo. Indi idedo lilya waleliicho lilewaekya kindopfo kipfa yadanya lyawo lilawelungyo mwidikye.

WAEBRANIA 4:6

Ikyo kimanyishye ke kodeo maanya fo wandu wechikuangya-ho indi walya walesonguo yongoyo ndumi ya sia wo walawekuangya-ho kitewe nyi wulemi wulya.

WAEBRANIA 7:19

Kukaitso-ho owedo lu ucha kota, lyo lyaluduo oshangunyi lo Ruwa.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

2PETRO 1:10

Ili nyi wudo kii, nyo wanawawama, kimwamtse kawi muitike iwanza nandaho na msambuṟye iya mulelahio nyi Ruwa iwe ya kiheri kyose. Kyamba kokoya mochiwa wewuta shilya shilya mochiho ma indi-pfo.

2PETRO 1:5

Nakyo nyikyo kimwenenge muitike-ho na kamu yende mbuka ncha ipfo wuidikinyi wonu; indi na ipfo mbukenyi ncha muende-ho wulaanyi.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

RUTI 2:12

Mndumii nakuwikie ona kya maṟunda hapfo, nowone kyooṟa kisumhanyi ko Ruwa, Mndumii-Ruwa o Israeli, ichu kuledichiya shiya makungo hake.”