WAEBRANIA 10:30 - Bibilia Kui Mdedie fo Kimochi

³⁰ Kyamba luichi ichu ahambie, “Idehelya mndu lyankoya inyi, nyio inyi njechitaa kiṟache.” Kukawehambo lingi, “Mndumii echidedya mkambo foke.”

WAEBRANIA 10:30 Iomraidhean Croise

WAROMA 12:19

Wana wa wama, Ma mulatae kiṟaache deyenyi Ruwa, kyamba kui kuṟehye kiṟaache nyi kyako inyi, nyio inyi njechitaa. Nyi wudo Mndumii ahambie.

NAHUMU 1:2

Mndumii-Ruwa nyi ai moṟisaṟisa, nyi eketaa kiṟache; Mndumii nyi menyi kiṟache, nyi aichuo nyashi; nyi eketaa kiṟache ko wakituwa wake, nyi ekewika kisa kya nyashi yake ko wakituwa wake.

SHIIMBO SHA DAWIDI 50:4

Nyi echilaha ngina tsii huye, na wanda da naanduye wandu.

2 WAKORINTO 5:10

Kyamba so lose pyu nyi kiluwaṟi ihoṟotso na pata ipfo mengenyi injidose nyi Kristo kundu orio mndu ose naambye kiheo kyake chando awetana kui mbihu shiwe nyi shicha a shiwe nyi shiwicho.

SHIIMBO SHA DAWIDI 135:14

Cha kipfa Mndumii nechiletsa wandu wake, nechisaṟia waṟundi wake.

SHIIMBO SHA DAWIDI 96:13

Oshangunyi lo Mndumii, kipfa naicha, kyamba naicha ianduya wuyana. Nechianduya oruka kui sungusihu, na mkambo ya wandu kui wuhendeli woke.

WAROMA 13:4

Kyamba nyi wukukerye-ho mpfuṟukanyi mokupfuṟukanya iyo kya wucha. Indi komkoya owuta kii kiwicho owuo, kyamba walakupfungye oshu kya wulya; kyamba nyi wakeri mpfuṟukanyi o Ruwa mowonya mndu awutye owicho wudeheli wurio nyi tuuke iya ya Ruwa.

YESAYA 61:2

Ihamba kya maka fo Mndumii fuwaṟi, na mkonu fo kiṟache kya Ruwa odu; iwihiṟia moo wose waifuha;

SHIIMBO SHA DAWIDI 98:9

Oshangunyi lo Mndumii; kyamba naicha naanduye oruka, nechianduya, wuyana kui sungusihu, ma mkambo ya wandu kya waria.

EZEKIELI 18:30

“Koikyo njikerihenda ikuanduya iyo mba ya Israeli, orio mndu mbutie foke, nyi wudo Mndumii-Ruwa ahamba. Dumbuyenyi muhaluke, muhende ida mawicho hanu hose kundu njonyamaṟo tso tsanu tsilahende imunyamaṟa.

EZEKIELI 34:17

“Kya nunyo mukeri ipo lyako, Inyi Mndumii-Ruwa ngahamba njidi: Njechihenda ianduya ichondi na ichondi, na wudo njiweanduo kya machondi ha kisoṟo na shioṟo.

YESAYA 63:4

Kipfa Mkonu fo kiṟache fuwei mrimenyi foko, na maka fowo njilewakiṟa fomeawukia.

YESAYA 59:17

Kaweṟaa maṟao ha kiṟache hawe hake, wunyenyi kawuhaluo ikonya lyake.

SHIIMBO SHA DAWIDI 94:1

Hoi Mndumii-Ruwa o kiṟache, Ruwa o kiṟache, ukuloṟe!

WALEWI 19:18

Kulatae kiṟaache iyo kumonyi ang'u iwadia wandu wapfo nyashi mrimenyi indi kunda wamrasa opfo chandu ukukundi iyo kumonyi. Inyi nyio Ruwa Menyipfinya.

1SAMWELI 25:26

Wulalung'ule mndumii oko, so Mndumii-Ruwachu menyi moo, na iyo ui na moo, nowonyi ke Mndumii-Ruwa nakuimie kulatae kiṟaache kui ipusuo samu na ikuwonyia mti; leka wakituwawo wapfo na iwo wose waikukundia mawicho wawe matondo cha Nabali.

1SAMWELI 26:10

So Mndumii-Ruwachu menyi moo, nyio echimbaha amonyi, mfiri foke fopfa fochimhoya, ang'u nechikaa nahende shidenyi napfiiyepfo.