WAEBRANIA 10:19 - Bibilia Kui Mdedie fo Kimochi

¹⁹ Kyasia wanawawama, lui na wutumbe kui samu ya Yesu wo kihendesha na ipfo kundo kwenyi wuele.

WAEBRANIA 10:19 Iomraidhean Croise

WAROMA 5:2

Nao nyio aluinengye mtengele fulya foluduo ipfo kundo kuwode wutonga-wu wo Ruwa lukuilikishye nawo na ikuṟumisha kui owedi lowedya wuitoṟi wo Ruwa.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

WAEFESO 2:18

Kyamba nyio lumbode ai moluitsa na ko Ruwa so wa njora tsi tsiwi Wayuda na wa mkambo ingi kui Mumuyo chu umu.

WAEFESO 3:12

Na ipfo koke lukuwode lui na wutumbe wokushitsa-ho lochikusira kui wuhendeli wu woke.

2TIMOTEO 1:7

Kipfa Mumuyo luleinengo nyi Ruwa chi folutana waowu-pfo; kya indi, nyi fo pfinya na makundie na osaṟe.

WAEBRANIA 10:18

Kya indi ipfo kundo sho shii shihoṟye mpfondo kukiwode-se odambiko lo kimaduma kya wunyamaṟipfo.

WAEBRANIA 10:35

Ma mulawone mokumba wutumbe wu wonu wanda wui na wuṟundi wung'anyi wudi.

WAEBRANIA 12:28

Nakyo kienenge so ili luiambya wumangi wulechiteshuka luwike-pfo mwaano lochipfuṟukanya nafo Ruwa kyemchihiṟa luwodo nyi wuindi na wuowu.

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 3:6

Indi Kristo nyi Mana sumuhana na mba ii yake. Mba ii yake nyiso, kokoya lokaa luṟamkie luikuwada tsee na iṟumisha owedo lulya itane lochiawutsio.

WAEBRANIA 4:16

Ikyo kiluenenge luitikirie kidembo kilya kya wutonga lui na wutumbe, kundu luambye-ho osaṟio luweshika ikoya-pfo wutonga woluendie ngaya yetambachuo liwe lya heri.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

WAEBRANIA 9:12

Kakuidya-ho chi kui samu ya oṟo ang'u ya mahache, kya indi nyi kui samu yake ii njenyi kahenda hando halya haele ili limu kechiwika ndalai yekaa mlungana.

WAEBRANIA 9:3

Indi mbele ya isulya lyeshikya mongo lilya lya kawi kuweei-pfo hema lilya lihambo maele.

1YOHANE 4:17

Ikunda-li luliwode lyashika yawukya ipfondo luwode wulalutsu mkonu fo mwanduye, kyamba chando o ai na wudo so lui kunu wuyana.