WAEBRANIA 10:11 - Bibilia Kui Mdedie fo Kimochi

¹¹ Na orio mkohanyi ekehoṟoka-ho mkonu kawa mowika wuindi echidambikya-ho shidaso shilya shimu kafoi na kafoi, nasho shilai na pfinya yewutaho wunyamaṟi.

WAEBRANIA 10:11 Iomraidhean Croise

IWUKA 29:36

Orio mkonu nolekia mmbe ya kidaso kya wunyamaṟi kipfa kya kisanza; na iyo nochisanja rasio lyo oo handu ochiwutia kisanza kipfa kya rasio; na iyo noliletsie mafuda, kundu nolyiheṟemtse.

YESAYA 1:11

Mfoeṟa fu fo mwano yanu mokeende fuwode kiira kiki? Mndumii nahamba. Inyi njiichuo mafuda ha masuwa manoru, na mafuda ha shuma shinoru; inyi njekechihiṟo nyi samu ya mmbe, ma machondi ma oṟopfo.

EZEKIELI 45:4

Kii kidi ora lu nyi lochiwa luele kunu orukenyi, nalo nyi mochilushimbuo luhende wa nyi lo wakohanyi wakeri iṟundia Mndumii-Ruwa kiidi kya mba yake. Handu ha wakohanyi nyi wechiwikapfo mba tsawo na oo handu hashimbuo nyi kochiwa kipfa kya mba yako.

DANIELI 11:31

Walya wawode shisha wechihoṟoka ora loke, nawo wechifanyitsa nyi orio mfiri, hando naapfo kochiwoneka kiwi kya orumatso.

DANIELI 12:11

Na wokia kiheri kilya shidaso shemaya modonyi ilyi shechiwutoho shilya sha kitsitsi, na kiwi kya orumatso ilyi kechihoṟotso, kechishika mfiri kiku na mahana haṟaṟu na makumi haṟaṟu na itanu (1,335).

DANIELI 8:11

Ikakuichika ikakunda ielewetsa menyi matorito, ikawewutaho shiano na shidaso shemaya modonyi na handu halya haele hakaolotso wanda.

DANIELI 9:21

Kiheri mbededa na iterewa, mndu ulya Gabrieli ulya njilemmbona ndodonyi ilyi mawookionyi, kechirundutso owinyi, kanjipaya kiheri kedasa ilyi kyukanyi.

DANIELI 9:27

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”

MIKA 6:6

“Njihendie Mndumii-Ruwa na kiki, kundu njiindie Ruwa ai huyako? Ngesa, njimhendie na kiano kemaya modonyi, njimnenge ihache lya maka fumu?

MAITALA 28:24

Na wudo, mfiri mfungade, mochilekia mwano fokoṟa chando muichiwie fo kelya kekoṟa, kii nyi mpfaamo mcha fuchihiṟie Mndumii-Ruwa. Mochilekia mwanofu da na fulya fokoṟa fo orio mkonu na mwano fo mvinyo.

MAITALA 28:3

Wawie ke mwano wechinjiinenga yemaya modonyi yechiwa: Orio mkonu machondi hawi matutu ha maka fumu maheṟemtsu halawode tewe.

MAITALA 29:6

Mochilekia shindoshi na shilya shekekoṟo orio meri mhya na mwano fulya fokyo fo mso, na mwano fo orio mkonu fokoṟa modonyi handu hamu na mwano fokyo fo mso na mwano yakyo ya mvinyo chandu kiwaṟi fuwe mpfaamo mcha fuchihiṟie, nyi mwano fo Mndumii-Ruwa fumkoṟe na modo.”

WAEBRANIA 10:1

Kyamba wuwawaso wusongoṟye kiṟishe kya mecha hawerie icha wulaweende fana ya matendo. Na shidaso shilya shimu wekeshiende maka yose shilunganyi sho shaidima ishitsa wadambiki kikunyi ma indipfo.

WAEBRANIA 10:4

Kyamba samu ya chau na ya oṟo ilai na pfinya yewuta-ho manyamaṟo.

WAEBRANIA 5:1

Kyamba orio mkohanyi aimtunge kiidi kya wandu awiko-ho mokaya wandu kya kiheo kyeṟundia Ruwa, kundu namdambikye njooko na shidaso sheoloṟa manyamaṟo.

WAEBRANIA 7:27

O alamwitike mfiri yose cha wakohanyi wanene walya wesonguo iwika-ho shidaso sheoloṟa manyamaṟo hawo waweny wechifurumia na shilya sha ha mkambo, Kyamba ikyo amaa ikiwuta limu echikudambika-ho amonyi.

WAEBRANIA 8:2

Aiipfo moiṟicha shilya shii sheele na hema lilya lya lohi Mndumii aleliwika-ho amonyi, chi mndu o wandupfo.

WAEBRANIA 8:4

Kima aweiya sangenyi chi awewa mkohanyipfo kimaduma kuwode wekedambkya-ho njodambiko tsilya tsiinjiwawase nyi wuwawaso.