TITO 3:2 - Bibilia Kui Mdedie fo Kimochi

² Walarumane na mndu, wakae walawode mondu, wawiṟie mndu owinyi, wawonesye wandu wose wuhoo wuwenyi.

TITO 3:2 Iomraidhean Croise

2SAMWELI 22:36

Omenjiinenga kiringa kya okiṟo, na ko pfinya tsapfo, omenjisumba wunene wung'anyi.

SHIIMBO SHA DAWIDI 140:11

Moiria wongo echiwikio owanzo orukenyipfo, Mndu o wutimbiri, wuwicho wokemṟinjawia imkombetsa.

MFANANO 19:19

Mndu o nyashi ing'anyi nechiambia ngapo yake, Kipfa ma komkiṟa nochiwuya-se.

MFANANO 25:24

Nyi nanga ikaa ndumbenyi ya kai; kota ikaa mbenyi ing'anyi hamu na mndu mka ekefahiya.

MFANANO 6:19

Mngochi o wongo ekehamba wongo; Na ichu mowaaya mbeu tsa wuṟiingi kiidi kya wandu.

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

MATAYO 11:29

Kekudikenyi ngada njioke nyi inyi muche kuloshyo nyi inyi! Kyamba inyi nyi mhoo njikeri na mokunyinyiṟa kui mrima. Naho mochiwona koonyonya ko mrima yanu.

MAWUTO HA WASU 23:5

Paulo kahamba, “Ngamanya ke o nyi mkohanyi ang'anyipfo, wanawawama. Kyamba nyi kii kiṟehye, Ma kuladedye mnene o mkambo fopfo shiwicho.”

1 WAKORINTO 6:10

Manya waiwi, manya wenyi-wuehi, manya makinango, manya makiruma, manya wasoki.

1 WAKORINTO 9:19

Na ipfo kundo ngamba njido makuachia kya wandu wose nyi hondo njilekutana isinga lyesingya wose kundu njiwonye wandu wafoi lya wueṟa okiio lu.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

2 WAKORINTO 12:20

Kyamba ngaowuo ke kiheri njeshika icha njilamukoye chando njiwekundi imukoya nao inyi njishike ikoyo n nyo njiio mkao mulafukundi, kofia njishike ikoya muwudo-pfo shiloyo na wunyeng'i na wushimbi woshimbyana na wuṟingi woṟingana na shidedano na shiwehewehe na shimtengelele na shitohyo.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAGALATIA 6:1

Wanawawama, kokoya kwipfo sa arendemka kaho, kembihiṟyenyi kambenyi kui mumuyo mwoloṟu nyo mui wenyi Mumuyo. Kekuṟise-wo kulawone ochitewo kumonyi.

WAGALATIA 6:10

Kyasia ili luise na mwaanya luhende iwutya wandu wose kilya kii kicha, indi kilya kya mwengeṟya nyi lochiwutia walya wawadanyi na Kristo hamu naso.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

WAEFESO 4:31

Lekanenyi na wupusu, na wushimbi, na nyashi, na kifahyo, na kirumo hamu na wumbafu wose.

WAFILIPI 4:5

Wuho wonu wumanyike ko wandu wose Mndumii nyi afui nache.

1WATESALONYIKYE 2:7

Luwerie pfinya yekaa-ho na mkoromu cha wasu wa kristo indi lulemba wahoneri ipfo kiidi kyanu cha ili mka mwongo aikunjia shikoku shake ndenyi.

1TIMOTEO 3:11

Waka na wudo wakae weindya, walahende iduo wandu sumu, wawe wasanjikie mdo, wawe wahendeli kya shindo shose.

1TIMOTEO 3:3

Nalawe mkuwi, nalasohuo mondu, indi nawe mwoloṟu alalang'a, alai mweehi.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

YAKOBO 4:11

Muladedane, wanawawama. Ichu aideda manowama ang'u aidumbuo manomae nyi ekededa wuwawaso na idumbuo wuwawaso. Indi kokoya odumbuo wuwawaso nyi ukeri mtanyi motana wuwawasopfo indi nyi ui modumbuo.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

1PETRO 3:10

Madedo maele hahambie, “Kyamba mndu akunda moo fuchihiane nao, nawone mkonu ihende imchihia, o naringe olimi loke mawicho naweringa momu yake kundu iladede mtambo.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:4

Lyo liwaṟihishye wandu wo Walaichi Ruwa wechimruma-ruma ili mulaichumia-se nawo ipfo wumelukinyi wowo.

2PETRO 2:10

Ngoseṟa mnu nyi walya wewingya seko tsa mbihu wawodo nyi wulangi wuterefutsie wakapiṟa wunene. Wo wandu waami, wakahakaha walaowuo iruma waapfinya wa ipfo huye na iwaisalucha.

YUDA 1:10

Indi iwa wai wado wo wekeruwa shilya walashiichi; na shilya washimanya shiiwaamkya shii shimu na sha mando halai, na mbia kosho wakuwutya-ho ihenda inyamaṟika.

YUDA 1:8

Wudi tichi wai. Ndodo tsawo tseketerefutsa mbihu yawo na imina wunene wulya na iruma wenyi wuitoṟi.