SHILIO 4:20 - Bibilia Kui Mdedie fo Kimochi

²⁰ Wakawada ulya luwemkusirie, Mangi ulya awemshimbuo nyi Mndumii-Ruwa, ulya ewekehamba ke nyi echiluringa na wakituwa wawekeri iluterengia.”

SHILIO 4:20 Iomraidhean Croise

MAWOOKIONYI 2:7

Mndumii-Ruwa kawumba mndu kui kilulyi, kamwifilia mṟufu fo moo mbuonyi; mndu kawa kindo kii na moo.

MAWOOKIONYI 44:30

“Kyasia, ngahenda ko isinga lyapfo wande oko, na manakechu alarianyi hamu naso, na chandu mrima foke fuwadanyi na mrima fo manakechu

2SAMWELI 1:14

Kyasia Dawidi kammbesa, “Nyiku uwutie ukari wowaha Mangi chu amsambuṟe na ishumbuyo nyi Ruwa?”

2SAMWELI 1:21

“Onyo mafumvu ha Gilboa, mvuo ilawaolokie ma ṟauṟa, makulawone kochioṟa maimba ang'u mbeu ya mbaṟi yose terinyi yanu. Kipfa handu ho Mangi Sauli namlaṟe? Na ngawo ya Mangi injifanyiṟe, ilechiwase ishio mafuda.

2SAMWELI 18:3

Wandu walya wakawia Mangi Dawidi, “Ma kulache naso. So lukahaluka na idicha, kyenga kyadu kikapfa wo wechiwona ke nyi kindopfo, na kokoya wawaha kyenga kyadu, wechichihiyo pfo mṟasa wakuwahe iyo. Iyo Mangi nyi o wuhuru wung'anyi mnu kodu, kota wandu shiku ikumi (10,000). Nanga iyo kodeo kunu mṟinyi kundu noidime iludikia wandu welutarama.”

2SAMWELI 19:21

Kyasia Abishai mana o Seruya kahaluo kahamba, “Kikiwaṟi Shimei nawaho kipfa kya ili asesa mndu Mndumii-Ruwa amsambuṟa na imshimbuo?”

2MBONYI TSA MAHERI 35:25

Kyasia, mwikimbi Yeremia kasungusia kiimbo kya kilio kipfa kya opfu lo Yosia; nawo waimbi wose wa kisoṟo na wakika, wekesenda Yosia kiidi kya shilio shawo, mṟasa inu. Kikawa nyi mbuka yawo ya kilio kiidi kya Israeli. Ishi shishiṟehie kitapunyi kya Shilio.

YESAYA 32:2

Na mndu nechiwa cha handu heowa cha otanu, na handu hekuringa na masinanu ha kiwiriwiri; cha meda ya mṟinga handu hahadutsu haumu, cha kiṟinje kya iṟaṟa ling'anyi kiidi kya oruka luleheli.

YEREMIA 39:5

Indi ichekeṟo lya Wakalidayo walewaosha wakawada Sedekia mpfungo rendewelenyi ya Yeriko. Wekimduo wakamshitsa ko Nebukadneza, mangi ya Babeli ipfo Ribla, orukenyi lo Hamathi, nao kamwanduya.

YEREMIA 52:8

Kyaindi ichekeṟo lya Wakalidayo waleosha mangi wakambadia kiidi kya rendewele tsa Yeriko, wandu wake wose wakarahanyika wakamda.

YEREMIA 52:9

Nahong'u Wakalidayo wakambada mpfungo wakamduo ko mangi o Babeli, ipfo Ribla, oruka lo Hamathi, nao kamwaanduya.

SHILIO 2:9

Mongo yatso ikaoloka wanda, makofuli hayo kawehanyamaṟa na ihafunjafunja. Mangi na wanene wawo nyi wakeri wusingenyi kiidi kya mkambo ya wandu. Wusongoru wo wuwawaso wulesia piu, Waikimbi wawo wakedambuyose mbonyi, tsiwuka ko Mndumii-Ruwapfo.

EZEKIELI 12:13

Na inyi njechimwoṟowia mdehonyi foko fumbade nadao mṟinyi fo Babeli. Nyipfo kundu echipfia alawona mṟi fo.

EZEKIELI 17:18

kyamba naletehia kyasa kilya na mkundana fulya alewika oo amonyi, kawuya iwuta shindo sha mbaṟi i, kuwode chandu echiidima ikia pfo.”

EZEKIELI 31:17

Iyo ilewesoṟowitsio ipfo ko wapfu hamu na walya wose wawekulungie nao, na walya wawekeonyonyia wanda ya mṟinje folyo.

DANIELI 4:12

Maṟa halyo hawei mecha mnu, ndunda tsifoi, kando kashikie wandu wose, mando ha nja hakawona mṟishe wanda ya maṟamba halyo - malehe hakakaa huye ya maṟamba; orio kii na moo kikawona kando.

HOSEA 13:10

Mangi onu nyi ku ahenda nache imukiṟa? Wanene walya wanu nyiku wai wamuringe? Nanyo muwenyi muleterewa mangi kundu namuchilie.

WACHILI 9:15

Ikidi lilya lya msha lyikahaluo, ‘Kokoya na lohi mokunda injilanga njiwe mangi, nchonyi mukae wanda ya maṟishe hako. Indi kokoya mulakundi iwuta wudo, modo fuwuke kiidi kya msha yako fumukoṟe itane forumatsa meresi ya Lebanoni.’”

1SAMWELI 12:3

Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”

1SAMWELI 12:5

Samweli kawahaluo, “Mndumii-Ruwa nyi mṟingishi onu, na mangi oke msambuṟe inu nyi mṟingishi ke monjiwona njilawode mti.” Nawo wakahaluo wehamba, “O nyi mṟingishi.”

1SAMWELI 16:6

Wekishika, na kiheri Samweli alewona Eliabu mana o Yese, nalehia mrimenyi foke, “Kya lohi, ichu nyio moshio mafuda o Mndumii-Ruwa ichu ahoṟoki iya oshangunyi lo Mndumii-Ruwa!”

1SAMWELI 24:10

Ambuya wulalu, inu nowona na meso hapfo iyo kumonyi; kiheri uwekeri kulya opangenyi Mndumii-Ruwa nakuwika mawokonyi hako. Wandu wako maata walenjiwia njikuwahe, kyaindi njilekusaṟia. Ngahamba njechihoṟuo owoko loko iwutia mndumii oko kiwichopfo kyamba o namsambuṟe nyi Mndumii-Ruwa kashio mafuda.

1SAMWELI 24:6

Kawia wandu wake, “Mndumii-Ruwa nanjiime njilawutie mndumii oko kindo cha iki, akeri mshimbuo nyi Mndumii-Ruwa. Njilahoṟuo owoko loko njikape mndu sa Mndumii-Ruwa alemshimbuo.”

1SAMWELI 26:16

Iki kulewuta chi nechapfo. Ngalya nyamu so Mndumii-Ruwachu menyi moo kikuwaṟi ipfa, kipfa kulaleringa mndumii opfo, msa Mndumii-Ruwa alemshimbuo. Wulalu keambuyang'u, kokoya pfumu lya mangi na kitumo kilya kya mṟinga shiwei kufui na mdo foke na hando shikeri.”

1SAMWELI 26:9

Dawidi kawia Absai, “Manya kulambike kifaṟe; kyamba nyiu echiidima ihoṟuo owoko loke nakape mndu msambuṟe nyi Mndumii-Ruwa kuishio mafuda, alechikapo?”