SHILIO 2:4 - Bibilia Kui Mdedie fo Kimochi

⁴ Kyamba nyi alekuruo uda woke cha mesa, Kawewuṟeheṟa owokonyi loke lo kulyo, kawewaha wandu wose wanene kiidi kya mba tsadu wandu wa Sioni. Kaweluletsia nyashi yake cha modo.

SHILIO 2:4 Iomraidhean Croise

2MBONYI TSA MAHERI 34:21

“Hendenyi, muhende shiha wulaanyi ko Mndumii-Ruwa, handu hako inyi na handu ha wandu sa waletsuhaa kiidi kya Israeli na Yuda. Shihenyi-pfo mafundo sa hamaṟehie ipfo Kitapunyi. Kipfa nyashi ya Mndumii-Ruwa yameluhoya, kipfa kya ili wasahuye wadu walaleindia madedo ha Mndumii-Ruwa na manya walewuta shilya shishiṟehie ipfo kitapunyi ke kikiwaṟi shiwuto-pfo.”

2MBONYI TSA MAHERI 34:25

Kipfa kya ili walenjida inyi wakakoṟia maruwa hengi shidaso sha ubani; wamedosa nyashi yako ko mawuto ho mawicho ha mawoko hawo. Koikyo nyashi yako yechioloka huya handu ha ma yechiidima ioloṟo-pfo.

YOBU 19:11

Naichuṟa tuke yake ora loko, kanjiambuya cha mkituwa oke.

YOBU 6:4

Ee da mfi ya Ruwa menyi pfinya yanjitocha; Mbihu foko fonyo wuṟoi wofo. Iowesha lya Ruwa lyaanjikumbuhana.

SHIIMBO SHA DAWIDI 37:14

Walawode wulohi wasomuo oshu na ilema wuda; waolotse mkiwa wanda na ulya ahuṟi, na iwaha wahoṟotsu wa mrima.

SHIIMBO SHA DAWIDI 7:13

Namteseheṟye shisha shake shewaaha, Mfi yake iwode modo.

YESAYA 42:25

Kipfa kya isho kaletsa nyashi yake huyadu, na pfinya ya shida; ikaatsa modo fukamṟingichia njora tsose, ma nalamanye, fukamrumatsa, ma isho nalashiwike mrimenyi foke.

YESAYA 63:10

Indi wo wakadeko itane wasuiṟa Mumuyo Mwele; kyasia kawahaluka, kawa mkituwa, kakapana nawo.

YESAYA 63:6

Ngachuma-chuma shishari sha wandu na nyashi yako, Ngawananza kui nyashi, Ngapusuo samu yawo ikatonyikia wanda.”

YEREMIA 10:20

Ihema lyako lilenyamaṟo shiwoho shalyo shiledumbuka; wana wako walenjida wakakuhendia kowo; kuwode ma umu monjitarama ihoṟotsa ihema lyako-pfo, ma iala nguwo yehawa kyamba-pfo.

YEREMIA 21:12

lyo mba ya Dawidi! Mndumii nahamba adi; Anduonyi mwanduye ya wusumhanyi ngamenyi, mukiṟe iwo walewonyio, na iliso wukiwa kui owoko lo ichu alewuta ado, kundu nyashi yako ilawone yechiaka cha modo ikoṟe, ilawode mndu morumisha, kipfa kya wuwicho wo mawuto hanu.’

YEREMIA 21:5

Inyi njimonyi njechikapana nanyo kui owoko luhoṟuo na kui owoko lwapfinya ee kui nyashi na owawo na kui kitusu king'anyi.

YEREMIA 30:14

Wakunde wapfo wose wakuhadimie, wasaṟie kindo kyapfo kyose pfo, ngakukapa ngapo ya mkituwa, kokapo kulawode isaṟia, kipfa deko lyapfo nyi ling'anyi; njonyamaṟo tsapfo nyi tsifoi mnu.

YEREMIA 36:7

Kofia orio umu owo nechida ohendo loke luwicho kipfa kwi nyashi na tuke njiwawo.”

YEREMIA 4:4

Halukienyi Mndumii cha wandu wadine mrima nyo wandu wa Yuda na wenyi Yerusalemu; nyashi yako ilamkooye cha modo, ikaaka kulawode mndu moirumisha, kipfa kya wuwicho wo mawuto hanu.”

YEREMIA 42:18

Kipfa inyi Mndumii-Ruwa Menyi Matorito, Ruwa o Israeli, ngahamba njidi: Chandu nyashi yako na tuke yako ilehoya wandu wa Yerusalemu, nyi wudo tuke yako yechimuhoya nyo, kokoya mochihenda Misri. Mochiwa kirumo, kiṟihisho, oseso na sonu. Mochiwonase iyapfo.”

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

SHILIO 1:13

“Keambuya nyi aleolotsa modo fuwuka huye, nafo fukanjikoṟa mafuo hako. Keambuya nyi alenjideha, na mdeho kanjiwada, nalyo kanjiwihiṟa numa, kanjida njii muumu mkahai, mfiri puti.

SHILIO 2:5

Mndumii-Ruwa nyi alehaluka mkituwa, Kyamba nyi alerumatsa wandu wa Israeli; Kawewunduo mba tsake tsose, kawewunduo njotiṟiwa tsake, Kaweengeṟia wana wa Yuda kilio na shilio.

SHILIO 3:3

Kyamba nyi alenjihoṟoya owoko loke inyi tupu, kawenjikapa kapa mfiri puti.

SHILIO 4:1

Keambuya chandu sahabu yadu ilesanjika, sahabu iwenjicha mnu ilenyamaṟika. Maho halya ha wuhuru wung'anyi nyi haleṟaṟanjo ipfo mtandarenyi.

SHILIO 4:11

Mndumii-Ruwa nyi alelekia nyashi yake ing'anyi, kaatsa modo fukakoṟa Sioni, mṟasa njomombonyi tsafo.

EZEKIELI 13:13

Koikyo Mndumii-Ruwa nahamba njechiende owira lung'anyi lurianyi na mvuo ya manzaho, nalo lochiolokia omombo lo na iluolotsa wanda kipfa kya nyashi yako.

EZEKIELI 20:34

Kyamba njikeri henda imuwutase na imusanyia muwuke ipfo mkambonyi ya wandu na njorukatso muweṟaṟanjikie nanyo mochiwona nyashi na pfinya yako.

EZEKIELI 22:22

Kyamba chandu fesa yekesalaṟo nungunyi ya modo, nyi wudo njihenda imusalaṟa ipfo mṟinyi, nanyo mochiwutaho imanya ke nyi Inyi Mndumii-Ruwa ngapusuya nyashi yako huye yanu.”

EZEKIELI 24:25

“Ambuya Iyo mndu! Mkonufo njechiwasoka kilya wakusirie, sia yawo na kiṟumi kyawo, kilya kichihiṟie meso hawo na kilya mrima yawo ilangie, na iwasoka wana wawo wa kiumi na wa kika,

EZEKIELI 36:18

Kyamba nyi njilewapusia nyashi yako kipfa kya samu iya walepusuo kulya orukenyi na kipfa kya maruwa halya ha wongo walefanyitsa naho oruka lu.

EZEKIELI 5:13

“Nyi wudong'u njechiawutsia nyashi yako kowo na mrima foko fuwade ofoṟo fukeseke. Nawo waidime imanya ke nyi inyi Mndumii, njiwode wunyenyi, njilewakapa kipfa kya mawicho hawo.

EZEKIELI 6:12

Kipfa walya wakeri haleshe wahenda iwoho nyi ndaṟe, na walya wakeri hafui wahenda iwoho nyi shida, na iwo wechitsuhaa wawoho nyi njaa. Nyi wudo njiawutsia nyashi yako huye yawo.

EZEKIELI 7:14

“Wakapa ombe na iachikia orio kindo, kyaindi kuwode sa aikure nahende shidenyipfo, kyamba nyashi ya Mndumii ikeri ihoya wandu wose.

WALEWI 26:17

Njechikoyana nanyo, nanyo mochikapo nyi wakituwa wanu; mochichilio nyi walya wamsuo. Mochikangaṟika na idicha ma kokoya kulawode mndu oose aimuwingia.

NAHUMU 1:2

Mndumii-Ruwa nyi ai moṟisaṟisa, nyi eketaa kiṟache; Mndumii nyi menyi kiṟache, nyi aichuo nyashi; nyi eketaa kiṟache ko wakituwa wake, nyi ekewika kisa kya nyashi yake ko wakituwa wake.

NAHUMU 1:6

Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu.

NGUMBUO YA MAWAWASO 32:22

Nyashi yako yechiaka cha modo, yechikoṟa tane shi ko waṟumu, yechirumatsa wuyana na shose shiipfo, yechikora omombo lo mafumvu.

1SAMWELI 28:16

Samweli kahamba, “Nki ilyi onjiterewa njikuloshe na ate Mndumii-Ruwa amekukumba mhongo kawa mkituwa opfo?