SHILIO 2:3 - Bibilia Kui Mdedie fo Kimochi

³ Pfinya yose ya Israeli nyi aleifunja ko nyashi. Manya alehoṟuo owoko loke lo osaṟia kiheri walekoyana na mesa pfo; Kyamba nyi aleakia wana wa Yakobo cha modo, karumatsa orio kindo.

SHILIO 2:3 Iomraidhean Croise

2MBONYI TSA MAHERI 34:25

Kipfa kya ili walenjida inyi wakakoṟia maruwa hengi shidaso sha ubani; wamedosa nyashi yako ko mawuto ho mawicho ha mawoko hawo. Koikyo nyashi yako yechioloka huya handu ha ma yechiidima ioloṟo-pfo.

YOBU 16:15

Ngapfuma nguwo ya ikunyia huya mbihu foko, na pfinya tsako ngatsikumba kilulinyi.

SHIIMBO SHA DAWIDI 132:17

Oo nyi handu njechialutsia Dawidi ombe, na njilesungusia mshimbuo oko taa.

SHIIMBO SHA DAWIDI 74:11

Nkili uwihiṟa owoko lopfo, ee, owoko lopfo lo kulyo, uluute oo kipetehu kyapfo, uwarumatse nakamu.

SHIIMBO SHA DAWIDI 75:10

Membe tsa walai wasumhanyi njetsidumbuo; membe tsa wasumhanyi tsechikure.

SHIIMBO SHA DAWIDI 75:5

“Mlairie membe tsanu huye,” mulachumie na nzingo ya wutimbiri.

SHIIMBO SHA DAWIDI 79:5

Ewo Mndumii, mṟasa indii? Nochiicho nyashi mlungana? Wunyenyi wopfo wochiaka cha modo?

SHIIMBO SHA DAWIDI 89:24

Wuhendeli woko na wuoloru woko nechikaa nasho; na kui rina lyako ombe loke loching'anyisho.

SHIIMBO SHA DAWIDI 89:46

Ewo Mndumii, mṟasa indi? Nochiowa tane mlungana? Tuke yapfo yechiaka cha modo?

YESAYA 1:31

Mndu ai ngohoda nechifanana na maṟa maumu, mawuto hawo hechiwa cha sese tsa modo, wechisaramaya handu hamu na mawuto hawo, manya kulechiwonekapfo mndu echiwakiṟa.

YESAYA 42:25

Kipfa kya isho kaletsa nyashi yake huyadu, na pfinya ya shida; ikaatsa modo fukamṟingichia njora tsose, ma nalamanye, fukamrumatsa, ma isho nalashiwike mrimenyi foke.

YEREMIA 21:14

Njechimukapa kihianyi na ndunda tsa mawuto hanu; Inyi Mndumii-Ruwa ngahamba, ‘Njechiatsa modo, kiidi kya mashidi hake hafoi, furumatse orio kindo kiṟingichie.’”

YEREMIA 4:4

Halukienyi Mndumii cha wandu wadine mrima nyo wandu wa Yuda na wenyi Yerusalemu; nyashi yako ilamkooye cha modo, ikaaka kulawode mndu moirumisha, kipfa kya wuwicho wo mawuto hanu.”

YEREMIA 48:25

Pfinya tsa Moabu tsilefunjio kuleshe na wuidimi woke wulefunjo. Nyi Inyi Mndumii-Ruwa, ngahamba.

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

SHILIO 1:13

“Keambuya nyi aleolotsa modo fuwuka huye, nafo fukanjikoṟa mafuo hako. Keambuya nyi alenjideha, na mdeho kanjiwada, nalyo kanjiwihiṟa numa, kanjida njii muumu mkahai, mfiri puti.

SHILIO 4:11

Mndumii-Ruwa nyi alelekia nyashi yake ing'anyi, kaatsa modo fukakoṟa Sioni, mṟasa njomombonyi tsafo.

EZEKIELI 13:13

Koikyo Mndumii-Ruwa nahamba njechiende owira lung'anyi lurianyi na mvuo ya manzaho, nalo lochiolokia omombo lo na iluolotsa wanda kipfa kya nyashi yako.

EZEKIELI 7:14

“Wakapa ombe na iachikia orio kindo, kyaindi kuwode sa aikure nahende shidenyipfo, kyamba nyashi ya Mndumii ikeri ihoya wandu wose.

NAHUMU 1:6

Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

LUKA 1:69

Nao nyi ameluṟihichia ombe lo oletso; ipfo mbenyi ya mana ulya oke Dawidi.

LUKA 3:17

Nao nyiawode mpongo ipfo owokonyi loke, nyiechiseṟewenda kiwuha kyake kiile pang'a, mbeke-tso naingie kikumbinyi kyake, kyaindi muulu-fo nyiechifukoṟa na modo fulechiruma.”

NGUMBUO YA MAWAWASO 32:22

Nyashi yako yechiaka cha modo, yechikoṟa tane shi ko waṟumu, yechirumatsa wuyana na shose shiipfo, yechikora omombo lo mafumvu.