SHILIO 2:21 - Bibilia Kui Mdedie fo Kimochi

²¹ Mnying'a ya wanake na wameku ilee terinyi ipfo njiehu, wana wako wa kika na wa kisoṟo nyi walewoho ko oshu; ambuya nyi ulewaha kulawode isaṟia mkonu fulya fo nyashi yapfo.

SHILIO 2:21 Iomraidhean Croise

2MBONYI TSA MAHERI 36:17

Koikyo Mndumii-Ruwa kawaendie mangi o Wababuloni, sa alerumatsa wanake wawo ko oshu ma walya wawekeri mbenyi ya Mndumii-Ruwa. Alewonyia mndu ma umu osaṟio-pfo; mmeku ang'u mtutu, mndu mka ang'u msoṟo, msa aluo ma sa alaweluo. Mndumii-Ruwa nalewawika wose mawokonyi ha mangi Nebukadneza.

ESTA 3:13

Weduo mbonyi wakaduo paruo tso ko orio isanga kya wumangi wo. Mbonyi yo ihambie ke mfiri fumu tupu, mkonu fo ikumi na kaṟaṟu fo meri fo ikumi na kawi folaho nyi Adari, Wayuda wose, wanake ko waku, waka na wana wose wawaṟi iwoho, warumatso na iarisika piu na masaa hawo hadao.

YESAYA 27:11

Maṟamba hakauma hechifunjo; waka wechicha wahakoṟe modo; kipfa iwa chi wandu wawode wuṟango-pfo; kui kipfa ikyo, ichu alewawumba echiwasaṟiapfo, na ichu alewawika echiwahoṟia pfo.

YEREMIA 11:22

Kui kipfa ikyo Mndumii Menyi Matorito nahamba adi, “Ambuya njechihoṟuo wandu wa, wanake wechipfa kui oshu, wana wawo wa kisoṟo na wa kika wechipfa kipfa kya njaa.

YEREMIA 13:14

Njechiamtsa kiletsano kya mndu na odoe, ee nde o wandu, wana na wafee handu hamu. Mndumii ahamba; njechiwasaṟia-pfo ma ihoṟia ma iwaichio wukiwa njide njilawarumatsa.’”

YEREMIA 18:21

Kui kipfa ikyo leka wana wawo wapfe njaa, leka oshu lowo luwahoye, waka wawo wapfiio nyi wana wawo, wawepfio nyi wamii wawo, wasoṟo wawo wawaho nyi ndaṟe mbicho, wanake wawo wawahiyo shidenyi. Kui oshu.

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 51:22

Njikuwode nopaṟepaṟe wasoṟo na waka, waku na wakoho, wa kiumi na wa kika.

YEREMIA 6:11

Kyaindi njiichuo nyashi ya Mndumii, ngalehela na itirisia; letsienyi huye ya wana wai njienyi na kiidi kya wanake, wakuwumbie handu hamu; kipfa mii na mka oke wechidao handu hamu, mndu mku na ulya ashitsie maka yake.

YEREMIA 9:20

Adanyienyi nyo waka, idedo lya Mndumii! Na iicho kui kudu idedo lya dumbu lyake, loshenyi wana wanu wa kika ikuinadia, na wamṟasa wanu shiimbo sheṟika.

YEREMIA 9:21

“Opfu loida matiṟishenyi hadu, loida kiidi kya mba tsadu; Waarisia wawa wadu kiidi kya njia njilandari, wanake wadu njosehu tsa mṟi.

SHILIO 1:15

“Mndumii-Ruwa nyi aleleha mbahanyi tsiwenjiringa. Ambuya nyi alehamba kiheri kenjikapa, karumatsa wanake wako wa kisoṟo. Kawarumatsa kiidi kya wandu wako wa Yuda.

SHILIO 1:18

“Ee ambuya Mndumii-Ruwa nyi awuta kya wusumhanyi, kyamba nyi njilemina idedo lyake, nyo wandu mose kenjiadanyienyi, ambuyenyi matuuro hako. Kyamba wana wako wa kika na wa kisoṟo, nyi waledao wusingenyi

SHILIO 1:4

Njia tsilya tseida Sioni nyi tsiendie fowa; Kuwodese wandu waidapfo wechihenda se mfiri ii njinene pfo. Mongo yo ya Sioni nyi ikeri wulya; wakohanyi wake nyi waifihiṟa; wana wake wa kika nyi wawodo nyi fowa, na mṟi fo fuenyi nyi fumrohie.

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

SHILIO 2:2

Mndumii-Ruwa nyi alerumatsa kulawode isaṟia, mba tsose tsa wana wa Yakobo. Kyamba nyi alewunduo njomombo tsose tsa wandu wa Yuda ko nyashi yake. Kyamba nyi alewunduo wumangi wowo na wamangi wake. Kawuolotsa wanda ko sonu.

SHILIO 3:43

Nyi ulewado nyi nyashi koluosha, koluwaha kulawode osaṟio.

EZEKIELI 24:21

Wia mba ya Israeli, nyi wudi Mndumii-Ruwa ahamba; ambuya njihenda ifanyitsa haele hako, mba yo ikeri kiṟumi kyapfo na pfinya yapfo, nayo nyi ichihiṟie mesonyi hapfo. Kyamba wana wanu wa kiumi na wa kika mulewada nduma wechiwoho ko oshu.

EZEKIELI 5:11

Mndumii-Ruwa chu ai na moo, ichu ulefanyitsa hekalu lyake na mawuto hapfo hafanyi na mchumie fopfo mbicho nechikukapa manya riso lyake lyechikulilia ma ikusaṟia pfo.

EZEKIELI 7:4

Ambuya njechikudapfo, manya ikuwonyia wukiwapfo, nyi kipfa njihenda ikukapa kya mawicho hose hakeri kiidi kyapfo, na nyilyo mandi mochimanya ke inyi nyi Mndumii.

EZEKIELI 7:9

Ambuya riso lyako lyechikukiṟapfo manya njechikusaṟia pfo, njechikukapa sumuhana na njia tsapfo kyamba wuwicho wopfo wukeri kiidi kyapfo. Nahong'u mumanye ke inyi nyi Mndumii na njekekapa (njekewuwuya wanyamaṟi).

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

AMOSI 4:10

Ngamudikya ndaṟe njiwicho ya nda tsa makokoi yelaho “Taunyi” cha taunyi ya Misiri; wanake wanu ngawawaaha na oshu, na frasi tsanu ngatsiduo haleshe; ngadika mdao fo mnying'a njiporu muipfaamye na mbuo tsanu; mulakunde ihaluka munjiwuuye, Mndumii ahamba.

AMOSI 8:13

Maheri ho wana wa waka wecha na wanake wechiuma na iomboka kipfa kya nyoda.

ZEKARIA 11:6

Kipfa inyi njechisaṟia-se wenyi oruka lu pfo, Mndumii ahamba, indi njechiwika orio mndu mawokonyi ha manomae na mawokonyi ha mangi, wechikapa oruka lo, manya njechiwawuta mawokonyi hawo pfo.”

NGUMBUO YA MAWAWASO 28:50

Mkambofo wandu wawode shamu shilang'a lilasaṟie ma wameku manya iichio wanake wukiwa;

NGUMBUO YA MAWAWASO 32:25

Shida tsechiende njopfu tsifoi nja na mba na wuowu wochiwachilia warika wa kisoṟo na wa kika wechiwooho, na walya waionga na wameku wa mhasa, manya umu echitsuhaapfo.

YOSHUA 6:21

Kyasia wakarumatsa orio kindo kiwei kulya mṟinyi wakawaha ko oshu wasoṟo na waka, rika na wameku, mbe, machondi na nzoi.

1SAMWELI 15:3

Wulalu, henda wasaṟikie na ikombetsa shindo shawo shose. Kulawade wakae na moo, wawaahe wose: womi na waka, wana watutu na waionga; mmbe, machondi, ngamia na nzoi.’”